ဗြိတိနိုင်ငံမှ `ကလေးများ ကျောင်းများနှင့် မိသားစု များဆိုင်ရာ ၀န်ကြီး´ အက်ဒ် ဘောလ်စ် (Ed Balls) ရဲ့ ၁၅နှစ် အရွယ် ကလေးများ မသင်မနေရ လိင်ပညာပေးမှု အပါအ၀င်၊ အဓိက ပညာရေး ပြုပြင်ပြောင်းလဲမှု အစီ အစဉ်များကို ကွန်ဆာဗေးတစ် ပါတီ၏ ထောက်ခံမှု မရ၍ ပါလီမာန်တွင် ပယ်ချခံခဲ့ရသည်။
မစ္စတာ ဘောလ်စ် ရဲ့ အသက် ၁၅နှစ် အရွယ်ရှိကလေးများ ကျောင်းတွင်း လိင်ပညာပေးရေး မသင်မနေရ ပြဌာန်းချက်ကို ကလေး မိဘများနှင့် ကွန်ဆာဗေးတစ်(Tories) အုပ်စုများက လွှတ်တော်တွင် ဗီတိုဖြင့် ပယ်ချခဲ့သည်။ “ကလေးဟာ အသက် ၁၆နှစ် ရောက်တဲ့တိုင်အောင် ကလေး ဟာကလေးပဲ။ တကယ်လို့ မသင်မနေရ လိင် သင်္ခန်းစာတွေ ပေးနေရင် ကျောင်းထုတ်ပစ်မယ်။ မိဘမှာလည်း ကိုယ့် သားသမီး ကျောင်း ထုတ်ပစ်ပြီး အခြား နည်းနဲ့ ပညာ သင်ပေးနိုင်တဲ့ အခွင့် အရေး ရှိရမှာပဲ” လို့ သူတို့က ဆင်ခြေတက်ကြသည်။
ဘောလ်စ် ကလည်း “အစိုးရရဲ့ လိင်ပညာပေးမှုကို မသင့်လျော်ဘူးထင်ပြီး၊ မိဘက သားသမီးကို ကျောင်းထုတ်ခွင့် မရှိ ဆိုတဲ့ ပြဌာန်းချက် အသစ်ကို ဆက်လက်တင်ပြမယ်” လို့ ဆိုသည်။ “ပညာရေးမှာ လိင် ကိစ္စဟာ အရေးကြီးတယ်၊ ရှောင်ရန် ဆောင်ရန်တွေကို သိထားသင့်တယ်၊ နိုင်ငံရေး သမားတွေ ဟာ လိင်နဲ့ ပညာရေး ဆက်စပ်မှု ရှိပုံကို နားလည် ဆည်းပူး သင့်တယ်၊ ဒါဟာ ကျနော်တို့ မရခဲ့တဲ့ အခွင့်အရေး နောက်မျိုးဆက်တွေကို ပေးရတာပဲ” ဟု ဆက်ပြောသွားသည်။
ကွန်ဆာဗေးတစ်တွေ ဘယ်လောက်ပဲ ဆန့်ကျင်ကျင် သူ့ရည်မှန်းချက် ဖြစ်သည့် စာသင်ခန်းတွင်း လိင်မသင်မနေရ ကိစ္စကို ကျောင်းသားမိဘများ နားဝင်အောင် ဆက်လက် စည်းရုံးရင်း နောက်တကြိမ် တင်ပြဦးမည်ဟု ဘောလ်စ်က ပြောသွားသည်။
ဘီဘီစီ
Monday, April 12, 2010
| [+/-] |
ဘောလ်စ်ရဲ့ လိင်ပညာပေးရေး ပယ်ချခံရ |
| [+/-] |
ကချင်ဘာသာရေးဆရာတွေ ဖိအားပေးခံနေရ |
www.maukkha.org
ဧပြီလ ၉ ရက် မနက် ၁၀ နာရီလောက်မှာ မြစ်ကြီးနား ကချင်နှစ်ခြင်း ခရစ်ယာန် ဓမ္မတက္ကသိုလ်ကို မြောက်ပိုင်းတိုင်း တိုင်းမှူး ဗိုလ်ချုပ်စိုးဝင်း ဦးဆောင်တဲ့ ကြံ့ခိုင်ဖွံ့ဖြိုးရေးအဖွဲ့ဝင်တွေ ရောက်လာပြီး ဓမ္မဆရာ အသစ် ၂၀၀ လောက်ကို ပြောကြားသွားတာ ဖြစ်ပါတယ်၊ ဗိုလ်ချုပ်စိုးဝင်း ပြောသွားတဲ့ မိန့်ခွန်းအချက် ၄ ချက်နဲ့ ပတ်သက်လို့ ကချင်လူမှုဖွံ့ဖြိုးရေး ကွန်ယက်အဖွဲ့ ဥက္ကဌဦးအောင်ဝါက အခုလို ပြောပါတယ်။
နံပါတ်တစ် အချက်ကတော့ ကျောင်းသားတွေဆရာတွေ မိမိဒေသကို ပြန်တဲ့အချိန်မှာ ကိုယ့်ရဲ့အသင်းတော် အသင်းသား တွေကို မြစ်ဆုံရေကာတာ မဆန့်ကျင်ဖို့ရာ ပြောတယ်။ နံပါတ်နှစ်က- ကေအိုင်အိုကို နယ်ခြားစောင့် လက်ခံဖို့ရန် မင်းတို့သွားပြီးမှ စည်းရုံးရေးတရားဟောဖို့ ပြောတယ်။ နံပါတ် သုံးကတော့ နောင့်နန်းကျမ်းစာကျောင်းကို ငြိမ်း ဖောင်ဒေးရှင်းရဲ့ လက်အောက်မှာ ကျရောက်ကြောင်းနဲ့ အဲဒီ နောင့်နန်း ကျမ်းစာတက္ကသိုလ်ကို နိုင်ငံတော်အစိုးရရဲ့ လက်အောက်မှာထားပြီးမှ နိုင်ငံတော်အစိုးရက ကြည့်ရှုစောင့်ရှောက်သွားမယ် ဆိုတဲ့ဟာကိုပြောတယ်။ နံပါတ်လေးကတော့ ရွေးကောက်ပွဲကို ထောက်ခံဖို့ တရားဟောပေးပါ ဆိုပြီးမှ ပြောတယ်
အဲဒီလို ပြောကြားသွားတဲ့အထဲမှာ တကယ်လို့ ဗိုလ်ချုပ်စိုးဝင်းပြောတဲ့အတိုင်း မလုပ်ဖူးဆိုရင် နောင့်နန်းကျမ်းစာ တက္ကသိုလ်ကို အစိုးရက သိမ်းယူမယ်ဆိုတဲ့ ခြိမ်းခြောက်တဲ့သဘော ပါနေတယ်လို့ သိရပါတယ်။ ဒါနဲ့ ပတ်သက်လို့ ဘာသာရေးဆရာတွေ မကျေမနပ် ဖြစ်နေကြပြီး ဘာသာရေးလုပ်ငန်းတွေ သူတို့လက်အောက်ရောက်ရင် အရင်ကထက်ပိုပြီးတော့ ကန့်သတ်ပိတ်ပင်မှုတွေ ကြုံတွေ့နိုင်သလို ဘာသာရေးလုပ်ငန်းမို့ အစိုးရထိမ်းချုပ်တဲ့ကိစ္စ မဖြစ်သင့်ဘူးလို့ ပြောဆိုနေကြပါတယ်။
RFA
Monday, April 5, 2010
| [+/-] |
ရန်ကုန် လူ့မလိုင် အီးဂရက်စ်ကျောင်းသားများ နိုင်ငံရေးပါတီ ထောင်တော့မည် |
www.maukkha.org
ရန်ကုန်မြို့ သမ္မတဟိုတယ်အခြေစိုက် မြန်မာအီးဂရက်စ် (Myanmar Egress) ကျောင်းသားဟောင်းများ အနေနဲ့ နိုင်ငံရေးပါတီ မှတ်ပုံတင်ပြီး နအဖ စစ်အစိုးရ ကျင်းပမယ့် လာမယ့်ရွေးကောက်ပွဲမှာ ၀င်ရောက် ယှဉ်ပြိုင်မယ်လို့ အဲဒီအဖွဲ့ ဥက္ကဌ ဖြစ်တဲ့ ဒေါက်တာတင်မောင်သန်းက ပြောကြားလိုက်ပါတယ်။ မတ်လ ၂၈ ရက်နေ့မှာ ကျင်းပခဲ့တဲ့ ကျောင်းသားဟောင်းများ တွေ့ဆုံပွဲမှာ နိုင်ငံရေး ပါတီ ထောင်မယ်လို့ ပြောလိုက်ကြောင်း တက်ရောက် သူတွေက ပြန်ပြောပါတယ်။
မြန်မာအီးဂရက်စ်ကို လူ့စွမ်းအားဖွံဖြိုးစေဖို့၊ အရပ်ဘက်နိုင်ငံရေးပါတီပါဝင်ဆောင်ရွက်ဖို့၊ အခြေခံဥပဒေသစ် လက်ခံစေဖို့ ရည်ရွယ်ချက်များနဲ့ ၂၀၀၆ခုနှစ်မှာ စတင်တည်ခဲ့ထောင်ပြီး၊ သမ္မတဟိုတယ်မှာ အခကြေးငွေနဲ့ နိုင်ငံရေး လူမှုရေး သင်တန်းများပို့ချပေးခဲ့တာဖြစ်ပါတယ်။
မြန်မာအီးဂရက်စ်ကို ရန်ကုန် လစဉ်ထုတ် Living Color Magazine နဲ့ တပတ်တကြိမ်ထုတ် The Voice Journal တို့ရဲ့ အမှုဆောင်အရာရှိချုပ် ဒေါက်တာနေ၀င်းမောင် ဆိုသူနဲ့ မွေးမြူရေးနဲ့ ရေလုပ်ငန်းမှ ဒေါက်တာ တင်မောင်သန်းတို့က တည်ထောင်ခဲ့တာဖြစ်ပါတယ်။ ဒေါက်တာနေ၀င်းမောင်ဟာ အရင်က Living Color မဂ္ဂဇင်းအပါအ၀င် စီးပွားရေးလုပ်ငန်းများကို ၀န်ကြီးချုပ်ဟောင်း ဗိုလ်ချုပ်ခင်ညွန့်ရဲ့သား ဒေါက်တာရဲနိုင်ဝင်းနဲ့ အတူပူးတွဲ လုပ်ဆောင်ခဲ့သူပါ။
သမ္မတဟိုတယ်မှာ ဖွင့်တဲ့ မြန်မာအီးဂရက်စ်သင်တန်းကို နအဖစစ်အစိုးရကို အစဉ်တစိုက် ထောက်ခံလာသူ စင်္ကာပူက ဒေါက်တာ ကျော်ရင်လှိုင်ဆိုသူနဲ့ မဆလ ဥက္ကဌကြီး ဦးနေ၀င်း၊ ဒေါက်တာမောင်မောင် တို့ရဲ့ အတိုင်ပင်ခံ မိတ်ဆွေကြီး ဒေါက်တာရောဘတ်တေလာ တို့က ၀ိုင်းရံပေးနေတာဖြစ်ပါတယ်။
သင်တန်းကာလ ပုံမှန် ၃လ သတ်မှတ်ပြီး၊ သင်တန်းကြေး ကျပ်ငွေတစ်သိန်း ပေးသွင်းရပါတယ်။ ရန်ကုန် စီးပွားရေးတက္ကသိုလ် မဟာတန်း တစ်ခုလည်းတက်ပြီး၊ အီးဂရက်စ်လည်း တက်ခဲ့ဖူးတဲ့ ကျောင်းသားကြီး တစ်ဦးကတော့ သူ့အတွေ့အကြုံကို အခုလိုပြောပါတယ်။
“နိုင်ငံခြားထွက် စကောလားရှစ်တွေ ချိတ်လို့ ရမလားဆိုတဲ့ မှန်းချက်နဲ့ ကျနော်တို့တွေက သွားတက်ကြတာ။ ဒေါက်တာကျော်ရင်လှိုင်တို့က စင်္ကာပူကနေ နိုင်ငံခြားကဆရာတွေ မလာတတ်တယ်။ သူတို့ကလည်း ဟုတ်တိ ပတ်တိသင်တာ မဟုတ်ဘူး၊ အလည်သဘောလာပြီး၊ ဟိုဟာဖတ် ဒီဟာဖတ်ပြောပြီး Assignment ပေးပြန် သွားကြတာပဲ။ သိပ်ထူးခြားတာမရှိပါဘူး။ ဒါပေမဲ့ သမ္မတဟိုတယ် ကျောင်းသွားတက်ရတာ လူ့မလိုင် အသိုင်း အ၀ိုင်းထဲ ၀င်တိုးရတာ။ ဒါကိုက ဖက်ရှင်တစ်ခုအနေနဲ့ ဖြစ်နေတာပေါ့၊ အခု ဒီကျောင်းသားတွေ အများစု အစိုးရ ရွေးကောက်ပွဲ ၀င်မယ်ဆိုတာ ဘာဆန်းလို့လဲ”
ယခု မြန်မာအီးဂရက်စ် ကျောင်းသားတွေနဲ့ ဖွဲ့စည်းမယ့် Green Party ကို မြန်မာအီးဂရက်စ်အဖွဲ့ရဲ့ အမှုဆောင် ဒါရိုက်တာ တစ်ဦးဖြစ်တဲ့ ငါးလုပ်ငန်းအဖွဲ့ချုပ်မှ ဒုက္ကဌ ဦးလှမောင်ရွှေက ရွေးကောက်ပွဲ ကုန်ကျစရိတ်အတွက် ရန်ပုံငွေ ထည့်ဝင်မှာဖြစ်တယ်လို့ သိရပါတယ်။
တရားမျှတမှု မရှိတဲ့ စစ်အစိုးရရဲ့ ရွေးကောက်ပွဲကို ပြည်တွင်းပြည်ပ အတိုက်အခံ အင်အားစုတွေက ပြင်းပြင်းထန်ထန် ကန့်ကွက် နေချိန်မှာ မြန်မာအီးဂရက်စ် ကျောင်းသားတွေက နိုင်ငံရေးပါတီထောင်ပြီး ရွေးကောက်ပွဲအတွက် ပြင်ဆင်ကြတာဖြစ်ပါတယ်။
မောက္ခသတင်း (ပြည်တွင်း)
Saturday, April 3, 2010
| [+/-] |
ထားဝယ်တက္ကသိုလ် ၄ ထပ်ဆောင်ဖွင့်ပွဲတွင် ၀န်ကြီးချုပ် အလွန်အကျွံကြွားဝါ |
မောက္ခသတင်း (ပြည်တွင်း)
www.maukkha.org
တနင်္သာရီတိုင်း ထားဝယ်မြို့တွင် ထားဝယ်တက္ကသိုလ် ပင်မလေးထပ်ဆောင် ဖွင့်ပွဲ အခမ်းအနားကို မတ်လ ၃၀ ရက်နေ့ မနက်က ၀န်ကြီးချုပ်သိန်းစိန် တက်ရောက် ဖွင့်လှစ်ခဲ့သည်။ ၆၅နှစ်မြောက် တပ်မတော်နေ့ (အမှန်မှာ-တော်လှန်ရေးနေ့) ကို ဂုဏ်ပြုသောအားဖြင့် ဖွင့်လှစ်ခြင်း ဖြစ်သည်ဟုဆိုသည်။
သူ့မိန့်ခွန်းတွင် “တနင်္သာရီတိုင်းအတွင်း နေထိုင်ကြသည့် မျိုးဆက်သစ် လူငယ်လူရွယ်များ အနေဖြင့် အဆင့်မြင့် ပညာ လက်လှမ်းမှီမှီ တက်ရောက်နိုင်ရေးအတွက် ထားဝယ်တက္ကသိုလ်နှင့် မြိတ်တက္ကသိုလ်များ ဖွင့်လှစ်ပေး ခဲ့ပြီး၊ တက္ကသိုလ် နှစ်ခုစလုံးတွင် လေးထပ်ဆောင်များ ဖွင့်လှစ်ပေးခဲ့ခြင်းဖြစ်ကြောင်း၊ ဒေသဖွံဖြိုးရေး ဖြစ်လာ စေဖို့ ကွန်ပျုတာပညာရှင်များ၊ အင်ဂျင်နီယာများ စသည့် လူသားအရင်းအမြစ်များ ပြုစုပျိုးထောင်ဖို့ ရည်ရွယ် ကြောင်း” ပြောကြားသွားသည်။
တဆက်ထဲတွင် “ယနေ့ အဆင့်မြင့်ပညာကဏ္ဍကိုကြည့်ရင် တက္ကသိုလ်ကောလိပ် ၁၅၉ကျောင်း ဖွင့်လှစ်နိုင်ခဲ့ပြီး၊ ၁၉၈၈ခုနှစ်တွင်ရှိခဲ့သည့် တက္ကသိုလ်ဒီဂရီ ၃၂ကျောင်းနှင့် နှိုင်းစာလျှင် ၅ဆ တိုးတက်ခဲ့ကြောင်း၊ သင်ကြားရေး အစီအစဉ်များတွင်လည်း ယခင် ဘာသာရပ် ရ၉ခု ရှိခဲ့ရာက ယခု မဟာဘွဲ့ သုတေသနဘွဲ့နှင့် ပါရဂူဘွဲ့ သင်တန်းများ အပါအ၀င် သင်ကြားရေး အစီအစဉ် ၂၁၅ခု အထိ တိုးချဲ့နိုင်ကြောင်း” ချဲ့ကား ပြောဆိုသွားသည်။
ဒါ့အပြင် “ယခုအခါ ပညာရေးဝန်ကြီးဌာန လက်အောက်ရှိ တက္ကသိုလ်များမှ ပါရဂူဘွဲ့ ၃၃၀၀ကျော် မွေးထုတ် ပေးခဲ့ကြောင်း၊ လောလောဆယ် ပါရဂူ ဘွဲ့သင်တန်းသား ၂၈၀၀ကျော် တက်ရောက်ဆည်းပူးလေ့လာ နေကြောင်း” မချိမဆန့် ပြောဆိုသွားသည်။
ကျောင်းဆောင်သစ်ဖွင့်ပွဲ တက်ရောက်ခဲ့သည့် ထားဝယ်တက္ကသိုလ် ကျောင်းသားအချို့ကတော့ “အဆောက် အဦသာရှိတာ၊ ကျောင်းသားအဆောင်မရှိ၊ စာကြည့်တိုက်မရှိ၊ ဘာသာရပ်အလိုက် ကိုးကား ရည်ညွန်းစရာ စာအုပ်စာတမ်းမရှိ၊ အရည်အချင်းမှီဆရာမရှိ၊ ဓါတ်ခွဲခန်း သုတေသနခန်းဆိုတာ ဝေးလာဝေး၊ ကျုရှင်စရိတ် တွေကကြီးပြီး ကျောင်းပြီးဖို့တောင် မနည်းရုန်းကြရဦးမယ်၊ မဟာဘွဲ့လိုဟာမျိုးကလည်း thesis ရှဲဒိုးရေးခိုင်းဖို့ ငွေအများကြီးကုန်ဦးမှာ” လို့ ငြီးတွားနေကြသည်။
ဘွဲ့ရ အလုပ်လက်မဲ့များမှာလည်း စိတ်ဓါတ်ကျရောဂါ စွဲကပ်လာကြသည်ဟုဆိုသည်။ မြိတ်၊ ထားဝယ် ဒေသများမှ လူငယ်ကျောင်းသားများမှာ တက္ကသိုလ်ပြီးအောင်တက်ဖို့ထက် အိမ်နီးချင်း ထိုင်းနိုင်ငံ ဘန်ကောက်မြို့တွင် အလုပ် လုပ်ကိုင်ဖို့ နည်းမျိုးစုံဖြင့် ထွက်ခွါနေကြသည်ဟု သိရသည်။
မောက္ခသတင်း (ပြည်တွင်း)
| [+/-] |
နိုင်ငံတကာဘောလုံးအဖွဲ့ချုပ် ဥက္ကဌမှ ပညာရေးအတွက် ၁ဂိုး လှုပ်ရှားမှု 1GOAL campaign တွင် ပူးတွဲတာဝန်ယူ |
မောက္ခသတင်း
www.maukkha.org
1Goal (၁ဂိုး) လှုပ်ရှားမှုဟာ ဘောလုံးအားကစားရဲ့ စွမ်းပကားကို အသုံးချပြီး ၂၀၁၀ ကမ္ဘာ့ဖလား ဘောလုံးပွဲတော် FIFA World Cup မှာ အားလုံးအတွက် ပညာရေးလှုပ်ရှားမှု Education for all အပေါ် ထိထိရောက်ရောက် ရှိစေဖို့အတွက် ရည်ရွယ် ထားတာပါ။
အတူတကွသာ ပူးပေါင်း လှုပ်ရှားကြမယ် ဆိုရင်တော့ စာသင်ခန်းအပြင်ဘက်မှာ ရှိနေတဲ့ သန်းပေါင်းများစွာသော ယောင်္ကျားလေး၊ မိန်းကလေးတွေအတွက် ပညာရေးအခွင့်အရေးဆိုတာ အိပ်မက်မဟုတ်ဘဲ အမှန်တကယ်ဖြစ်လာစေမယ်။
ကမ္ဘာ့လုံးဆိုင်ရာ ပညာရေးဟာ ကမ္ဘာလုံးဆိုင်ရာ အမှန်တရား ဖြစ်လာစေဖို့ အတွက် ရည်ရွယ်ထားတဲ့ 1GOAL ၁ ဂိုး လှုပ်ရှားမှုမှာ ပူးတွဲဥက္ကဌအနေနဲ့ FIFA ဘောလုံးအဖွဲ့ချုပ် ဥက္ကဌ ဘလက်တာက တာဝန်ယူလိုက်ပါပြီ။ ဒီကြေညာချက် ကို ဂျော်ဒန်နိုင်ငံ ဘုရင်မကြီး ရာနီယာ အယ်အဘ်ဒူလာနဲ့ တွေ့ဆုံအပြီး သတင်းစာရှင်းလင်းပွဲမှာ ထုတ်ပြန်ခဲ့တာပါ။ ဘုရင်မကြီး ရဲ့ ဖိတ်ခေါ်ချက်ဖြစ်တဲ့ 1GOAL လှုပ်ရှားမှုမှာ ပူးတွဲဥက္ကဌတာဝန်ကိုယူဖို့ ဘလက်တာက သဘောတူခဲ့တာဖြစ်ပါတယ်။
1GOAL ကမ်ပိန်းရဲ့ ကမ္ဘာလုံးဆိုင်ရာ ညှိနှိုင်းရေးမှူးဖြစ်တဲ့ အိုဝိန်း ဂျိမ်းစ်က “အင်မတန် ထူးခြားတဲ့ သတင်းပါ။ ဘောလုံး အဖွဲ့ချုပ် FIFA နဲ့ ဆပ်ဘလက်တာတို့ရဲ့ ၁ ဂိုး လှုပ်ရှားမှုအပေါ် ထောက်ခံမှုဟာ လာမယ့်မျိုးဆက်တွေအတွက် အကျိုးရှိ စေမယ့် ထူးခြားတဲ့ အမွေအနှစ်ကို ထားရစ်ခဲ့ဖို့ အရေးကြီးတဲ့ အားကစားပွဲတော်တစ်ရပ်အနေနဲ့ ပထမဆုံးအကြိမ် ကူညီခွင့် ရရှိတာပါ။ ကမ္ဘာ့ဘောလုံးအဖွဲ့ချုပ် အားကစားပွဲစဉ်တွေ နီးကပ်လာတာနဲ့အမျှ ဧည့်ခန်းတွေထဲမှာ ထိုင်ပြီး ကြည့်ရှုအားပေး ကြတဲ့ သန်းပေါင်းများစွာသော ပရိသတ်အတွက်သာလျှင် အောင်မြင်မှုမဟုတ်ဘဲ ၇၂ သန်းသော ကလေးငယ်တွေ စာသင်ခန်း အတွင်းဘက်ကို ရောက်ရှိအောင်လည်း ပထမဆုံးအကြိမ် အဖြစ် ကူညီနိုင်ဖို့ FIFA က ကြိုးစား သွားပါမယ်။” လို့ ပြောကြားလိုက်ပါတယ်။
1 GOAL လှုပ်ရှားမှုကို ပူးတွဲတည်ထောင်သူဖြစ်ပြီး ကမ္ဘာလုံးဆိုင်ရာ ပူးတွဲဥက္ကဌလည်းဖြစ်တဲ့ ဂျော်ဒန် ဘုရင်မ ရာနီယာ နဲ့အတူ FIFA ဥက္ကဌဘလက်တာတို့က ဒီနှစ်ကျင်းပမဲ့ ကမ္ဘာ့ဖလားဘောလုံးပွဲမှာ ကလေးများအားလုံးအတွက် ပညာရေးဟာ သမိုင်းတွင်ကျန်ရစ်စေဖို့ ဦးဆောင်ဦးရွက်ပြုပြီး ကြိုးစား သွားမယ်လို့ ပြောကြားခဲ့ပါတယ်။
ဘုရင်မရာနီယာက လွန်ခဲ့တဲ့ သြဂုတ်လမှာ စတင်ခဲ့ပြီး ကမ္ဘာ့ဘောလုံးအဖွဲ့ချုပ် FIFA က ထောက်ခံပေး ထားတဲ့ ဒီလှုပ်ရှားမှု ဟာ သန်းပေါင်းများစွာသော ထောက်ခံလက်မှတ်ရေးထိုးသူတွေကို တောင်အာဖရိကမှာ ကျင်းပမယ့် ကမ္ဘာ့ဖလားပွဲမတိုင်မီ ကောက်ခံရယူဖို့ရည်မှန်းထားပါတယ်။
ဒီလှုပ်ရှားမှုဟာ ကမ္ဘာတ၀ှမ်းလုံးမှာရှိတဲ့ဘောလုံးကစားသူတွေရယ်၊ ပရိသတ်ကိုပါ အင်တာနက်ဝဘ်ဆိုက် www.join1goal.org မှာ ကျောင်းမတက်နိုင်တဲ့၊ လက်မှတ်မထိုးနိုင်ရှာတဲ့ ကလေးငယ်တွေရဲ့ ကိုယ်စား နာမည်ရေးထိုးဖို့ လှုံ့ဆော်ထားပါတယ်။ တစ်ကမ္ဘာလုံးပညာရေးလှုပ်ရှားမှု (GCE) နဲ့အတူပူးပေါင်း လှုပ်ရှားတဲ့ 1GOAL လှုပ်ရှားမှုအနေနဲ့ အစိုးရတွေကို ပညာရေးအကူအညီ ပိုပေးကြဖို့ တောင်းဆိုထား ပါတယ်။ သက္ကရာဇ် ၂၀၀၀ ကုလသမဂ္ဂထိပ်သီးညီလာခံရဲ့ ပညာရေး အဆိုပြုချက် အတိုင်းလည်း ရပ်တည်ကြဖို့ နှိုးဆော်ထားပါတယ်။
ပညာရေးကို အာရုံစိုက်လာအောင် လှုံ့ဆော်မှုပြုလုပ်ခြင်းဖြင့် အခြေခံပညာရေးကို ဆုံးရှုံးနေဆဲဖြစ်တဲ့ ကလေးငယ် ၇၂ သန်းအတွက် စာသင်ခန်းတွင်းနေရာရရှိစေဖို့ကို မျှော်လင့်ထားတာပါ။ 1GOAL ရဲ့ ပူးတွဲဥက္ကဌတစ်ဦးဖြစ်တဲ့ သရုပ်ဆောင် ဂျက်ဆီကာအယ်ဘာဟာ ကလေးတိုင်း စာသင်ခန်းအတွင်း ရောက်ရှိစေဖို့မှာ ကြုံတွေ့ရမယ့် စိန်ခေါ်မှုတွေရယ်၊ ပြင်ဆင်မှုတွေရယ်ကို ကိုယ်တိုင်ကြည့်ရှုဖို့အတွက် တောင်အာဖရိကကို ပြီးခဲ့တဲ့အပတ်က လာရောက်ခဲ့ပါတယ်။ တွေ့ဆုံပွဲမှာ ဘုရင်မ ရာနီယာနဲ့ ဥက္ကဌ ဘလက်တာတို့ဟာ ကမ္ဘာ့ဖလားပွဲနီးကပ်လာတာနဲ့အမျှ လှုပ်ရှားမှုအတွက် ကြိုတင်ပြင်ဆင်မယ့် အစီအစဉ်တွေကိုလည်း ဆွေးနွေးခဲ့ကြပါသေးတယ်။
မောက္ခသတင်း
www.maukkha.org
Monday, March 15, 2010
| [+/-] |
တိုက်ပြိုပြီး အချိန်မီမကယ်နိုင်၍ ဆယ်တန်းဖြေကျောင်းသူ သေဆုံး |
NEJ/ ၁၅ မတ် ၂ဝ၁ဝ
မတ်လ (၁၄) ရက်၊ ညနေ (၄) နာရီ (၄၅) မိနစ်တွင် ပန်းဘဲတန်း မြို့နယ်ရှိ သုံးထပ်တိုက်ပြိုကျသဖြင့် တက္ကသိုလ်ဝင်ခွင့်စာမေးပွဲ ဖြေဆိုနေသူ ကျောင်းသူတဦး သေဆုံးသွားသည်။
ဖြစ်ပွားမှုကို သွားရောက်ကြည်ရှုခဲ့သူတဦးက “သေဆုံးသူ မိန်းကလေးတဦးရဲ့ လက်ထဲမှာတော့ မိုဘိုင်းဖုန်းတလုံး ကိုင်ထားတာ တွေ့တယ်။ သူမအနေနဲ့ အပြင်ကို နောက်ဆုံး ဘယ်အချိန်က ဆက်သွယ်ခဲ့သလဲ၊ ဆက်သွယ်လို့ ရမရ ဆိုတာကိုတော့ မသိရဘူး” ဟု ပြောသည်။
လမ်း (၃၀) တွင် နေထိုင်သူ တဦးအဆိုအရ သေဆုံးသွားခဲ့သော မိန်းကလေးမှာ ပြင်ပသို့ ဖုန်းဖြင့် နှစ်ကြိမ်ဆက်သွယ်ခဲ့ကြောင်း၊ တိုက်ပြိုကျပြီး (၁) နာရီကျော်ကျော်ကြာမှသာ ရပ်ကွက်အတွင်းမှ ပြည်သူများ၊ မီးသတ်နှင့် အရန်မီးသတ်တို့က တနိုင်တပိုင် ၀င်ရောက် ရှင်းလင်းကြကြောင်း၊ ကရိန်းကားအလတ်စားဖြင့်လည်း အပျက်အစီးများကို ဖယ်ရှားနေသည်ကိုတွေ့ရကြောင်း၊ ထိထိရောက်ရောက်နှင့် မြန်မြန်ဆန်ဆန် မရှင်းလင်းနိုင်သဖြင့် အတွင်း၌ ပိတ်မိနေသူအား အချိန်မီ မကယ်တင်နိုင်ခဲ့ခြင်း ဖြစ်ကြောင်း သိရသည်။
“ကရိန်းတွေနဲ့ ဖယ်နေတုန်းပဲ ရှိပါသေးတယ်။ အထဲမှာ ကလေးမလေးတယောက် ပိတ်မိနေတယ်။ ပြိုကျပြီး (၂) နာရီကျော် လောက်မှ အရေးပေါ်ကား သွားသံကြားရတာ။ အသက်ရှင်ဖို့ သိပ်မလွယ်ဘူး” ဟု အနီးဝန်းကျင်၌ နေထိုင်သူတဦးက အခင်းဖြစ်ပွားနေစဉ်က ပြောပြသည်။
အဆိုပါဆယ်တန်းကျောင်းသူမှာ တိုက်ပြိုကျပြီး အတွင်း၌ ပိတ်မိနေစဉ် သူမ၏ဖခင်ကိုင်သော လက်ကိုင်ဖုန်းကို ဆက်သွယ်၍ သူမအထဲတွင် ရှိနေကြောင်းနှင့် မှောင်မဲနေသဖြင့် ကြောက်နေကြောင်းကို ဖုန်းဆက်ပြောခဲ့ကြောင်း၊ သူမ ဖုန်းဆက်ပြီး မကြာခင် မှာပင် အဆိုပါတိုက်မှာ ထပ်မံပြိုကျသွားခဲ့ကြောင်း သူမအား ပြင်ပမှဖုန်းဖြင့် ပြန်လည်ခေါ်ဆိုသော်လည်း လုံးဝ အဆက်သွယ် မရခဲ့ဘဲ ည (၈) နာရီကျော်မှသာ သူမ၏အလောင်းကို ပြန်လည်ရရှိခဲ့ကြောင်း ရန်ကုန်မြို့တော် စည်ပင်သာယာရေး ကော်မတီမှ တာဝန်ရှိသူတဦးက ပြောပြသည်။
ပြိုကျသည့်နေ့သည် တနင်္ဂနွေနေ့ဖြစ်ခြင်းကြောင့် တိုက်အောက်ဘက် ဆိုင်ခင်းရောင်းချသူအချို့ ဆိုင်ပိတ်ထားသကဲ့သို့ တိုက်ထဲနေသူအချို့လည်း အပြင်ထွက်နေခြင်းကြောင့် လူများစွာ မပိတ်မိသော်လည်း ပြိုကျပြီး (၁) နာရီခွဲခန့်ကြာသည်အထိ ဝါးငြမ်းများကို ဖယ်ရှားမပစ်နိုင်ကြောင်း မျက်မြင်သက်သေများက ပြောသည်။
အခင်းဖြစ်ပွားရာသို့ မီးသတ်ယာဉ် (၂) စီးလည်း ရောက်ရှိလာပြီး ညဘက်တွင် အဆိုပါကားပေါ်မှ မီးဆလိုက်ကြီးများ ထိုးပေးကာ ကရိန်းကားကြီးနှစ်စီးက လေးလံသည့် အုတ်တုံး၊ သံယက်မကြီးများကို ဆွဲယူဖယ်ရှားကြောင်း၊ ည (၁၁) နာရီခန့်တွင် သေဆုံးသူ မိန်းကလေးကို ဆွဲထုတ်နိုင်ခဲ့ကြောင်း သွားရောက်ကြည့်ရှုခဲ့သူတဦးက ပြောသည်။
ယခုပြိုကျခဲ့သော အမှတ် (၆၃၆) ကုန်သည်လမ်းနှင့် လမ်း (၃၀) ထောင့်ရှိ သံကူကွန်ကရစ် သုံးထပ်တိုက်ကို လွန်ခဲ့သော (၄) လ ခန့်ကတည်းက အန္တရာယ်ရှိ အဆောက်အအုံဟူသော ဆိုင်းဘုတ်ကို လာရောက်တပ်သွားကြောင်း၊ ပြိုကျသည့်နေ့အထိ သုံးထပ်စလုံးတွင် နေထိုင်သူတို့ရှိကြောင်း၊ ပြိုကျစဉ် နေထိုင်သူအချို့မှာ ပြင်ပသို့ရောက်နေ၍လည်းကောင်း၊ အချို့မှာ ပြိုကျကျချင်း အပြင်သို့ ပြေးထွက်နိုင်ခဲ့သဖြင့် လွတ်မြောက်ခဲ့ကြောင်း မျက်မြင်တွေ့ကြုံသူများထံမှ သိရသည်။
တိုက်ပြိုပြီးနောက် (၂) နာရီခန့် အကြာတွင် အပေါ်ထပ်ပြတင်းပေါက်ဘောင်များ ထပ်မံပြိုကျခဲ့သဖြင့် တိုက်ပျက်ရှင်းလင်းနေသူ မီးသတ်တပ်ဖွဲ့ဝင် (၃) ဦး ဒဏ်ရာရခဲ့ကြောင်း အခင်းဖြစ်ပွားမှုကို လာရောက်ကြည့်ရှုသူတဦးက ပြောသည်။
အဆိုပါတိုက်ခန်းအနီး နေထိုင်သူတဦးက အန္တရာယ်ရှိ အဆောက်အအုံအဖြစ် ကြေညာပြီးနောက် လူများကို ဆက်လက် နေထိုင်ခွင့်ပြုထားခြင်း၊ ကန်ထရိုက်ကို ပြင်ဆင်ခွင့်ပေးခြင်းကိုကြည့်လျှင် ရန်ကုန်မြို့တော် စည်ပင်သာယာရေးကော်မတီက မည်မျှအထိ လာဘ်စားသည်ကို သိနိုင်ကြောင်း၊ တိုက်ခန်းနေပြည်သူများအနေဖြင့်လည်း တိုက်ကို ဖြိုချပြီး ပြန်ဆောက်ပါက ပြန်လည်ပိုင်ဆိုင်ခွင့်ရရန် မသေချာမှု၊ ကန်ထရိုက်ကို ပေးရမည့်ငွေ၊ ပိုင်ဆိုင်ခွင့်အတွက် စည်ပင်ကို လာဘ်ထိုးရမည့်ငွေတို့ကို တွက်ချက်ပြီး မပြောင်းရွှေ့ကြခြင်းဖြစ်ကြောင်း ပြောသည်။
တိုက်ပြိုသောနေရာသို့ ရန်ကုန်မြို့တော်ဝန်ရောက်ရှိလာပြီး ဓာတ်ပုံရိုက် သတင်းယူနေကြသော သတင်းထောက်များကို ရိုင်းပျစွာ ဆဲဆိုမောင်းထုတ်ခဲ့သည်ဟု သတင်းထောက်တဦးက ပြောပြသည်။
| [+/-] |
အရွယ်မတိုင်မီ စစ်ထဲအသွင်းခံရသည့် ကလေး |
နော်နိုရင်း DBV ၁၀ မတ်လ ၂၀၁၀
Tuesday, February 16, 2010
| [+/-] |
ကလေးစစ်သားနဲ့ လုပ်အားပေး ပညာရေးစာပေ ILO ထုတ်ဝေမည် |
Monday, 15 February 2010 RFA
မြန်မာနိုင်ငံအတွင်း အတင်းအဓမ္မ လုပ်အားပေး ခိုင်းစေမှုနဲ့ အရွယ်မရောက်သေးတဲ့ ကလေး သူငယ်တွေကို တပ်သား စုဆောင်းမှု ပြဿနာ ဖြေရှင်းနိုင်ရေးမှာ အထောက်အကူ ဖြစ်စေဖို့ ပညာပေး စာရွက်စာတမ်းတွေ ပုံနှိပ် ဖြန့်ချိနိုင်ဖို့ ILO အပြည်ပြည်ဆိုင်ရာ အလုပ်သမားအဖွဲ့ ရန်ကုန်ရုံးက စီစဉ်နေတယ်လို့ သိရပါတယ်။
အပြည်ပြည်ဆိုင်ရာ အလုပ်သမားအဖွဲ့ချုပ် (ILO) အမှုဆောင် ညွှန်ကြားရေးမှူး မစ္စတာ ကယ်ရီ တာပီယိုလာ (အလယ်)ကို အစည်းအဝေးတခုတွင် တွေ့ရပုံ။ (Photo: www.ilo.org)
ဒီ ပညာပေးစာအုပ်ငယ်ကို မြန်မာနဲ့ အင်္ဂလိပ် ဘာသာတွေအပြင် တိုင်းရင်းသားဘာသာတွေနဲ့ လည်း ထုတ်ဝေ ဖို့ ရှိတယ်လို့ ILO ဌာနေကိုယ်စားလှယ် မစ္စတာ စတိဗ် မာရှယ်က အာအက်ဖ်အေကို ပြောပါတယ်။
ILOအနေနဲ့ ဒီ ပညာပေးစာပေတွေကို ပြည်သူအများ နားလည်သဘောပေါက်ဖို့ ရိုးစင်းတဲ့ အင်္ဂလိပ်စာ မြန်မာစာတွေနဲ့ ထုတ်ဝေဖို့ ပြင်ဆင်နေပါတယ်။ ဒီအထဲမှာ အဓမ္မလုပ်အားပေး ခိုင်းစေမှု၊ အရွယ်မရောက် သေးဘဲ တပ်သားစုဆောင်းမှုတွေနဲ့ ပတ်သက်လို့ မြန်မာအစိုးရက ပြဌာန်းထားတဲ့ ဥပဒေတွေကို ဖော်ပြထားမှာ ဖြစ်သလို ဒီလို အမှုအခင်းတွေ ဖြစ်လာရင် ILO အဖွဲ့ကြီးကို ဘယ်လို ချဉ်းကပ် ဆောင်ရွက်ရမယ် ဆိုတာလည်း ဖော်ပြထားမယ်လို့ မစ္စတာမာရှယ်က ပြောပါတယ်။
ဒီလို ပညာပေးစာရွက်စာတမ်းတွေ ထုတ်ဝေဖြန့်ချိခွင့် ပြုဖို့ ပြီးခဲ့တဲ့လက ILO အလုပ်အမှုဆောင် အရာရှိ မစ္စတာကယ်ရီ တပီယိုလာ မြန်မာနိုင်ငံ လာရောက်စဉ် မြန်မာစစ်အစိုးရ အာဏာပိုင်တွေနဲ့ ဆွေးနွေးခဲ့တာ ဖြစ်ပြီး ထုတ်ဝေဖို့ သဘောတူ ထားပြီး ဖြစ်တယ်လို့လည်း သိရပါတယ်။
ဒီ ပုံနှိပ်ထုတ်ဝေမယ့် မူကြမ်းကို အစိုးရထံ တင်ပြထားတယ်လို့ မစ္စတာစတိမာရှယ်က ပြောပါတယ်။ ဒါပေမယ့် ခွင့်ပြုချက်တော့ မရသေးဘူးလို့ ဆိုပါတယ်။ ILO အဖွဲ့ကြီးဟာ မြန်မာအာဏာပိုင်တွေရဲ့ ကလေးစစ်သား စုဆောင်းမှုနဲ့ အဓမ္မလုပ် အားပေးခိုင်းစေမှုတွေနဲ့ ပတ်သက်လို့ ကုလသမဂ္ဂက တာဝန်ပေးခံထားရတဲ့ တခု တည်းသော နိုင်ငံတကာအဖွဲ့စည်း တခုဖြစ်ပါတယ်။
2010-02-14 RFA
Sunday, February 14, 2010
| [+/-] |
ဗိုလ်ချုပ်အောင်ဆန်းမွေးနေ့ ကလေးကဗျာနှင့် သီချင်းပြိုင်ပွဲကျင်းပ |
Saturday, 13 February 2010 18:54
ဇာနည်မာန် Irrawaddy
အိန္ဒိယနိုင်ငံရောက် မြန်မာဒုက္ခသည်များ၏ ကလေးငယ်များအတွက် ယနေ့ ကျရောက်သော ဗိုလ်ချုပ် အောင်ဆန်း၏ ၉၅ နှစ် မြောက် မွေးနေ့အထိမ်းအမှတ်၊ ကလေးများနေ့ ကလေးကဗျာနှင့် သီချင်းပြိုင်ပွဲကို နယူးဒေလီမြို့တွင် ပြုလုပ်သည်။
အမျိုးသမီးအခွင့်အရေးနှင့် အမျိုးသမီးရေးရာ အဖွဲ့ (မြန်မာနိုင်ငံ) WRWAB မှ ဦးစီးပြုလုပ်သည့် အဆိုပါ ပြိုင်ပွဲတွင် နယူးဒေလီရှိ မြန်မာဒုက္ခသည်ကလေးငယ် ၃၀ ကျော်ပါဝင်ယှဉ်ပြိုင်ခဲ့ကြသည်။
နယူးဒေလီတွင် ယနေ့ကျင်းပသော ကလေးဗျာနှင့် သီချင်းပြိုင်ပွဲ (ဓာတ်ပုံ - ဇာနည်မာန်/ဧရာဝတီ)ကလေးငယ်များ ဗိုလ်ချုပ်အောင်ဆန်းအကြောင်းကို သိရှိစေရန်၊ လေးစားအားကျမှုရှိစေရန်နှင့် လွတ်လပ်ရေး ရရယူပေးခဲ့သူ အဖြစ်မှ မေ့ပျောက်ခြင်းမရှိစေရန် ရည်ရွယ်ကြောင်း သူကဆိုသည်။
ကဗျာဆရာ နေမင်းနီက ကလေးငယ်များ ဗဟုသုတဖြစ်စေရန်အတွက် ဗိုလ်ချုပ်အောင်ဆန်းအကြောင်းနှင့် ကလေးများနေ့ဟု သတ်မှတ်ခဲ့ပုံကို ဟောပြောခဲ့ပြီး ကလေးငယ်များက ဗိုလ်ချုပ်အောင်ဆန်းအကြောင်း ရေးစပ်ထားသော “အောင်ဆန်းဇာနည်” ကဗျာအပါအ၀င် တခြားသော ကဗျာများ၊ သီချင်းများကို ယှဉ်ပြိုင်ခဲ့ကြသည်။
မနန်ဇီက “ကလေးတွေကိုတော့ ကျမတို့က အောင်ဆန်းဇာနည် ကဗျာကို ပြိုင်စေတယ်၊ ဒါပေမယ့် တခြား ကလေးတွေလည်း ပိုစိတ်ဝင်စားအောင် ပျော်အောင်ဆိုပြီး သူတို့အားသန်ရာနှစ်သက်ရာ ကဗျာလေးတွေ ကလေးသီချင်းလေးတွေ ပြိုင်ခိုင်းတယ်ပေါ့” ဟု ပြောသည်။
အိန္ဒိယရောက် မြန်မာဒုက္ခသည်များ၏ ကလေးငယ် အများစုမှာ မြန်မာစာနှင့် မြန်မာနိုင်ငံနှင့် ပတ်သက် သည်များ ကို သင်ကြား ပေးမည့် သီးသန့်သင်တန်းများ မရှိကြဘဲ မိဘများမှ သင်ကြားပြောပြမှုဖြင့်သာ မြန်မာနိုင်ငံ အကြောင်းကို သိကြရသည်။
“ဗိုလ်ချုပ်အောင်ဆန်းကို သိပါတယ်၊ သူက လွတ်လပ်ရေးခေါင်းဆောင်လို့ ကြားဖူးတယ်၊ ဒေါ်အောင်ဆန်း စုကြည်ရဲ့ အဖေ၊ ဖေဖေနဲ့ မေမေ သင်ပေးတယ်၊ ကဗျာရှိတယ်လေ “အောင်ဆန်းဇာနည်”၊ “ဖေဖော်ဝါရီ ၁၃ ဟာ ဗိုလ်ချုပ်မွေးနေ့ပါ” ဆိုတာလေ၊ အဲ့ဒီကနေ ဒီနေ့က သူ့မွေးနေ့ဆိုတာသိပါတယ်၊ သူ့လိုဖြစ်ချင်ပါတယ်၊ သူ့လို ဖြစ်ရင် ဗမာပြည်ပြန်ရရင် အကုန်လုံး၊ စာသင် ကျောင်းတွေ ကောင်းကောင်းပြန်လုပ်ချင်ပါတယ်”ဟု ၁၃ နှစ်အရွယ် မောင်အောင်မိုးက ဧရာဝတီသို့ ပြောပြသည်။
ဒုက္ခသည် ကလေးငယ် အများစုမှာမူ ဗိုလ်ချုပ်အောင်ဆန်း၏ အကြောင်းကို အသေအချာမသိကြသလို မြန်မာပြည်အကြောင်းကို လည်း သိပ်မသိကြပေ။
ကဗျာရွတ်ပြိုင်ပွဲဝင်မည့် ၆ နှစ်အရွယ် သမီးငယ်လေး တဦးကလည်း “အောင်ဆန်းဇာနည် ကဗျာက ဖေဖေနဲ့ မေမေ သင်ပေး တာ၊ ဗိုလ်ချုပ်ကိုတော့ မသိဘူး၊ ဒါပေမယ့် ဒီနေ့က သူ့မွေးနေ့တဲ့၊ မြန်မာပြည်လား .. အဲ့ဒါလည်း မသိဘူး”ဟု ဖြေကြားခဲ့သည်။
သို့သော်လည်း ယနေ့ ကလေးများနေ့ဖြစ်၍ ပျော်ရွှင်ကြောင်းနှင့် ဗိုလ်ချုပ်အောင်ဆန်းကို Happy Birthday ဟု ပြောလိုသည်ဟု သူကဆိုသည်။
အိန္ဒိယနိုင်ငံမှ ကလေးငယ်များသည် လွတ်လပ်စွာဖြင့် ကလေးများနေ့ ဗိုလ်ချုပ်အောင်ဆန်းမွေးနေ့ကို ကျင်းပ ခွင့်ရခဲ့ကြသော် လည်း ပြည်တွင်းမှ ကလေးငယ်များအတွက် ပြုလုပ်ပေးသော အခမ်းအနားများတွင် အာဏာပိုင် များ၏ စောင့်ကြည့်ခြင်းများကို ခံရကြောင်း သိရသည်။
“ဒီပဲခူးမှာပေါ့နော် ကလေးလေးတွေအတွက် ပန်းချီပြိုင်ပွဲ၊ ကဗျာရွတ်ပြိုင်ပွဲ လုပ်ပေးတာ၊ လမ်းထိပ်ကနေ လာပြီး စောင့်ကြည့် နေတာတွေရှိတယ်၊ မှတ်တမ်းတွေ ယူတယ်”ဟု ပဲခူးမြို့ အမျိုးသားဒီမိုကရေစီအဖွဲ့ချုပ် မြို့နယ် စည်းရုံးရေး အဖွဲ့ဝင် ဒေါ်ခင်ညွန့်မူ က ဆိုသည်။
သန်လျင်မြို့ သမကောလိပ်ရှေ့ရှိ ဆိုင်တခုတွင် ကျောင်းသားလူငယ်များဦးဆောင်ပြုလုပ်သည့် အခမ်းအနား တခု၌လည်း အာဏာပိုင်များက အခမ်းအနား နဖူးစည်း စာတမ်းများကို ဖြုတ်ခိုင်းခြင်း၊ ဗိုလ်ချုပ်အောင်ဆန်းပုံပါ တီရှပ်ဝတ်ဆင်လာသူများအား ဓာတ်ပုံများ ရိုက်ယူခြင်း၊ အမည်နှင့် ကိုယ်ရေးအချက်အလက်များ မေးမြန်းခြင်း တို့ကို ပြုလုပ်ခဲ့သည်ဟု ကျောင်းသားတဦးကဆို သည်။
ထို့အတူ ဗိုလ်ချုပ်အောင်ဆန်းမွေးနေ့အတွက် ဆွမ်းကပ်လှူဒါန်းခြင်းကို သုံးခွမြို့ အမျိုးသား ဒီမိုကရေစီအဖွဲ့ချုပ် အဖွဲ့ဝင် လူငယ်များက ပြုလုပ်ရာတွင် သံဃာတော်များကို ကြွချီခြင်းမပြုရန် အာဏာပိုင်များကတားမြစ်ခဲ့၍ ဘုန်းတော်ကြီးကျောင်းများ သို့သာ ဆွမ်းချိုင့်များပို့ခဲ့ရသည်ဟု အဖွဲ့ဝင်လူငယ်တဦးက ဆိုသည်။
အမျိုးသား ဒီမိုကရေစီ အဖွဲ့ချုပ်ရုံးတွင် ပြုလုပ်သော ဗိုလ်ချုပ်အောင်ဆန်းမွေးနေ့နှင့် ကလေးများနေ့တွင်မူ အနှောင့်အယှက် တစုံတရာမရှိဘဲ ကလေးငယ်များအတွက် ကဗျာပြိုင်ပွဲ၊ ဗိုလ်ချုပ်အောင်ဆန်း၏ မိန့်ခွန်း ပြောပြိုင်ပွဲများ ပြုလုပ်ခဲ့ကြသည်ဟု သိရသည်။
“မနေ့ကတော့ လုံခြုံရေးတွေ အများကြီး လာတယ်၊ ဒီနေ့ကျတော့ မရှိတော့ဘူး၊ အေးအေးချမ်းချမ်းပဲ လုပ်ခွင့် ရတယ်၊ ကလေး တွေ ၂၀၀ လောက်ရှိမယ်၊ ကလေးတွေလည်း ပျော်ကြတယ်”ဟု ဗဟိုကော်မတီအဖွဲ့ဝင် ဒေါက်တာဝင်းနိုင်က ဧရာဝတီသို့ ပြောပြသည်။
| [+/-] |
ဗိုလ်ချုပ်အောင်ဆန်းမွေးနေ့ (ကလေးများနေ့) ပြည်တွင်းပြည်ပမှာ ကျင်းပ |
2010-02-13 RFA
ဒီနေ့ ကျရောက်တဲ့ ၉၅ နှစ်မြောက် ဗိုလ်ချုပ်အောင်ဆန်းမွေးနေ့ အထိမ်းအမှတ်အနေနဲ့ မြန်မာနိုင်ငံ ကလေးများနေ့ အဖြစ် ထိုင်း-မြန်မာနယ်စပ်က မြန်မာစာသင်ကျောင်းတွေ ဖြစ်တဲ့ CDC အထက်တန်းကျောင်းနဲ့ SAW အထက်တန်းကျောင်းတွေမှာ ဒီကနေ့ ဖေဖေါ်ဝါရီလ ၁၃ရက်နေ့ မနက်ပိုင်းက ပြုလုပ် ကျင်းပခဲ့ပါတယ်။
ထိုင်း-မြန်မာနယ်စပ် SAW အထက်တန်းကျောင်းတွင် ၂ဝ၁ဝ ခုနှစ် ဖေဖော်ဝါရီလ ၁၃ ရက်နေ့က ပြုလုပ်သည့် ၉၅ နှစ်မြောက် ဗိုလ်ချုပ်အောင်ဆန်း မွေးနေ့ အထိမ်းအမှတ် မြန်မာနိုင်ငံကလေးများနေ့ အခမ်းအနားတွင် ကလေးငယ်တဦး ဗိုလ်ချုပ်အောင်ဆန်း မိန့်ခွန်းကောက်နှုတ်ချက်ကို ပြန်လည်ရွတ်ဆို ပြိုင်ပွဲဝင်နေပုံဖြစ်ပါသည်။ (Photo: RFA)
လက်ရှိ မြန်မာနိုင်ငံတွင်းမှာ စီးပွားရေး ချွတ်ခြုံကျမှုတွေကြောင့် မြန်မာကလေးငယ်တွေဟာ ပညာရေးနဲ့ အလှမ်းဝေးသွားပြီး ကလေးအလုပ်သမား၊ ကလေးစစ်သားဘဝတွေနဲ့ သူတို့ရဲ့ ကလေးအခွင့်အရေးနဲ့ ဖွံ့ဖြိုးရေး တွေဟာ နည်းမျိုးစုံနဲ့ အဖျက်ဆီး ခံနေရသလို ကလေးများနေ့ကို လည်း ကျင်းပပေးတာ မရှိဘူးလို့ CDC အထက်တန်းကျောင်းရဲ့ ကလေးများနေ့ အခမ်းအနားကို တက်ရောက်လာတဲ့ ဒေါက်တာစင်သီယာ
မောင်က ပြောပါတယ်။
ဒေါက်တာ စင်သီယာမောင်။ ။ “မြန်မာနိုင်ငံရဲ့ ကလေးများရဲ့ အခြေအနေဟာ တကမ္ဘာလုံးမှာ အဆိုးဝါးဆုံး အခြေအနေမှာ ရှိနေတယ် ဆိုတာကို ကျမတို့ ထပ်ပြီးတော့ ပြောချင်ပါတယ်။ မြန်မာပြည်မှာ ဒီ ကလေးများနေ့ ဆိုတာကို ဆောင်ရွက်နိုင်ဖို့အတွက် ဆက်လက် ကျင်းပ နိုင်ဖို့အတွက်နဲ့ ကလေးအခွင့်အရေးတွေ တိုးမြှင့် ဆောင်ရွက်ဖို့ အတွက်ကို မြန်မာပြည်ထဲမှာ ရောက်နေတဲ့ ဒီ နိုင်ငံတကာ အဖွဲ့အစည်းတွေက ဒီထက် ပိုပြီးတော့ ကြိုးစားဆောင်ရွက်ဖို့ လိုတယ်လို့ ကျမ ပြောချင်ပါတယ်”
ဒီ ကလေးများနေ့ အခမ်းအနားကို ထိုင်း-မြန်မာနယ်စပ် မဲဆောက်ဒေသတွင်း မြန်မာရွေ့ပြောင်း စာသင်ကျောင်း တွေက ကလေးငယ် တထောင် ကျော် တက်ရောက်လာတာ တွေ့ရပါတယ်။ အခမ်းအနားကို တက်ရောက် လာတဲ့ မြန်မာလူငယ်တဦးက ဗိုလ်ချုပ်အောင်ဆန်းမွေးနေ့ကို မြန်မာကလေးများနေ့အဖြစ် သတ်မှတ် ကျင်းပတာမျိုး မရှိတော့သလို လွတ်လပ်ရေးဖခင် ဗိုလ်ချုပ်အောင်ဆန်းကိုလည်း လူငယ်တွေ မသိတော့ဘူး
လို့ သူအမြင်ကို ပြောပါတယ်။
ဗိုလ်ချုပ်အောင်ဆန်းမွေးနေ့ကို မြန်မာနိုင်ငံကလေးများနေ့အဖြစ် အထိမ်းအမှတ် အခမ်းအနားကို SAW အထက်တန်း ကျောင်းမှာလည်း ပြုလုပ်ခဲ့ပါတယ်။ ဒီနေ့အခမ်းအနားမှာ ကလေးငယ်တွေအတွက် ပျော်ပွဲရွှင်ပွဲတွေ အားကစားပွဲတွေနဲ့ ပန်းချီ၊ ကဗျာ စတဲ့ပြိုင်ပွဲတွေအပြင် ဗိုလ်ချုပ်အောင်ဆန်း မိန့်ခွန်း ကောက်နုတ်ချက် အပြော ပြိုင်ပွဲကိုလည်း ကျင်းပ ပြုလုပ်ခဲ့ပါတယ်။
အဲဒီ ပြိုင်ပွဲမှာ တတိယတန်း ကျောင်းသားကလေးတွေက ၁၉၄၅ ခုနှစ် သြဂုတ်လ စတုတ္တအကြိမ်မြောက် နိုင်ငံ့ ခေါင်းဆောင် အစည်းအဝေးမှာ ဗိုလ်ချုပ်အောင်ဆန်း ပြောကြားခဲ့တဲ့ မိန့်ခွန်းထဲက ကောက်နုတ်ချက်တွေကို ထုတ်နှုတ် ပြောကြားကြပါတယ်၊၊
SAW အထက်တန်းကျောင်းမှာ ပြုလုပ်တဲ့ မြန်မာနိုင်ငံကလေးများနေ့ အခမ်းအနားမှာ ဆာမူထော်၊ စေတနာ၊ မိုးမခ စတဲ့ မြန်မာစာသင်ကျောင်း တွေက ကလေးငယ် တရာကျော် ပါဝင် တက်ရောက်ခဲ့ကြပါတယ်။
ပဲခူးမြို့မှာလည်း ၉၅ နှစ်မြောက် ဗိုလ်ချုပ်အောင်ဆန်းမွေးနေ့နဲ့ မြန်မာနိုင်ငံ ကလေးများနေ့ပွဲကို ပဲခူးတိုင်း အန်အယ်လ်ဒီ လူငယ်တွေနဲ့ အမျိုးသမီးအဖွဲ့က ဦးစီးပြီး မြို့နယ်စည်းအဖွဲ့ဝင် ဒေါ်ခင်ညွန့်မူ နေအိမ်မှာ ကျင်းပခဲ့ပါတယ်။
ဒေါ်ခင်ညွန့်မူ။ ။“မြန်မာနိုင်ငံ ကလေးများနေ့ကို တချို့ကမေ့တောင် မေ့နေကြတာ။ ကျောင်းပိတ်လို့သာ ပိတ်ကြတယ်ပေါ့နော်။ အဲဒါကြောင့်မို့ ဘာဖြစ်လို့ ဒီကလေးများနေ့ မင်းတို့ကို ပိတ်ရတာလဲ ဆိုတာတွေ ရှင်းပြတာပေါ့နော်။ ဗိုလ်ချုပ်က ဒို့ကို လွတ်လပ်ရေးရအောင် ပေးခဲ့တယ်။ နောက် အဲဒါတွေတင် မဟုတ်ဘူး။ ဗိုလ်ချုပ်က ရိုးသားတယ်၊ ကြိုးစားတယ်။ ဒါတွေကို ကလေးတွေ အားကျစေချင်တယ်။ အဲဒါလေးတွေ
ရည်ရွယ်ချက်နဲ့ ကျမတို့ ပြောပါတယ်”
ဒီပွဲကို ကလေး ၃ဝ ကျော်နဲ့ အဖွဲ့ဝင် ၂ဝ ကျော် တက်ရောက်ခဲ့ပြီး သက်ဆိုင်ရာကတော့ စောင့်ကြည့် မှတ်တမ်းယူတာ လုပ်ခဲ့တယ်လို့ ပြောပါတယ်။ အလားတူ ဗိုလ်ချုပ်အောင်ဆန်းမွေးနေ့ပွဲကို ရန်ကုန်တိုင်း သန်လျင်မြို့နယ်၊ အမှုထမ်းရပ်ကွက်၊ သဲလမ်းမှာ ရှိတဲ့ သမဝါယမ ဒီဂရီ ကောလိပ်ရှေ့က အအေးဆိုင်မှာ ရန်ကုန်တိုင်းအတွင်း တက်ကြွစွာ လှုပ်ရှားနေတဲ့ ကျောင်းသားလူငယ်တွေ ဦးစီးပြီး သံဃာတော်တွေကို
ဆွမ်းကပ်ကာ စတုဒီသာ ကျွေးမွေးခဲ့တယ်လို့ သိရပါတယ်။ အခမ်းအနား တက်ရောက်တဲ့ လူငယ် အတော်များများဟာ ဗိုလ်ချုပ်ပုံပါ တီရှပ်တွေ ဝတ်ဆင်ခဲ့တယ်လို့ သိရပါတယ်။ ပန်းပဲတန်းလူငယ်တွေကလည်း နိုင်ငံရေး စိတ်ဝင်စားတဲ့ လူငယ်တွေကို အအေးဆိုင်တဆိုင်မှာ စုပြီးရုရှားစာရေးဆရာ တော်စတွိုင်းရဲ့ မွေးစားသား ဝတ္ထုကို ဖတ်ခိုင်းပြီး ဗိုလ်ချုပ်အကြောင်း ဆွေးနွေးပွဲ လုပ်ခဲ့တယ်လို့ လူငယ် ကိုသီဟဇော်က
ပြောပြပါတယ်။
ကိုသီဟဇော်။ ။“နိုင်ငံရေးနဲ့ မပတ်သက်ဖူးတဲ့ လူငယ်လူရွယ်တွေကို လိုက်ရှာ။ ရှာပြီးတော့ သူတို့ကို ဒီကိစ္စတွေ သေချာ ရှင်းပြပြီးတော့ ဗိုလ်ချုပ်ကို ဂုဏ်ပြုတဲ့ အထိမ်းအမှတ်လေးအနေနဲ့ တော်စတွိုင်းရဲ့ ဝတ္ထုလေးကို ကြိုဖတ်ခိုင်းထားတယ်။ တယောက်ကို ၅ မိနစ်စီ အချိန်ပေးပြီး တော့ ဆွေးနွေးတယ်။ တော်စတွိုင်းရဲ့ မွေးစားသားဝတ္ထုကို ရွေးရတဲ့အကြောင်းက ဒီဝတ္တုထဲမှာ ညစ်ပတ်နေတဲ့ စားပွဲကို ညစ်ပတ်နေတဲ့
အဝတ်နဲ့ ထပ်သုတ်လို့ သန့်ရှင်းမှာ မဟုတ်ဘူးလို့ ဆိုပါတယ်။ ကျနော်တို့တိုင်းပြည်မှာ ဗိုလ်ချုပ်အောင်ဆန်းက ဒီလို ပုဂ္ဂိုလ်မျိုးဖြစ်တယ်။ သူဟာ မကောင်းမှုကို မကောင်းမှုနဲ့ မတိုက်ဖျက်ဘဲနဲ့ မကောင်းမှုကို ကောင်းမှုနဲ့ တိုက်ဖျက်ဖို့ ကြိုးစားခဲ့တဲ့ လူတယောက်ဖြစ်တယ်။ ဒါကြောင့်မို့ ဒီဝတ္ထုလေးဟာ ဗိုလ်ချုပ်အောင်ဆန်းကို ဂုဏ်ပြုတဲ့အနေနဲ့ ဆွေးနွေးတာဖြစ်တယ်”
သန်လျင်က လူငယ်တွေ ပြုလုပ်တဲ့ပွဲကို ပြီးခါနီးမှာ သတင်းတပ်ဖွဲ့ရဲတွေ ရောက်လာပြီး ဗိုလ်ချုပ်အောင်ဆန်းပုံပါ တီရှပ် အင်္ကျီဝတ်တဲ့ လူငယ်တွေကို ဓာတ်ပုံရိုက်ယူပြီး ပွဲတက်ရောက်တဲ့သူ နာမည်စာရင်းကို ကောက်ယူခဲ့ ပါတယ်။ မွေးနေ့ပွဲ နဖူးစီးစာတမ်းကိုလည် ဖြုတ်ယူ သွားတယ်လို့ သိရပါတယ်။ ရန်ကုန်တိုင်း သုံးခွမြို့နယ်က အဲန်အယ်လ်ဒီ လူငယ်တွေ ပြုလုပ်တဲ့ မွေးနေ့ဆွမ်းကပ်ပွဲအတွက် သံဃာတော်တွေကို ပင့်ဖိတ်ထားရာမှာ ဒေသခံ အာဏာပိုင်တွေက သံဃာတော်တွေကို ဖိအားပေးတဲ့အတွက် မကြွလာ နိုင်တာကြောင့် ဘုန်းတော်ကြီး
ကျောင်းတိုက်တွေကို လိုက်လံ ဆွမ်းပို့ရတယ်လို့ သိရပါတယ်။
အိန္ဒိယနိုင်ငံရောက် မြန်မာဒုက္ခသည်တွေရဲ့ ကလေးတွေကို နယူးဒေလီ အခြေစိုက် အမျိုးသမီး အခွင့်အရေးနဲ့ အမျိုးသမီးရေးရာဌာန (မြန်မာနိုင်ငံ) က စုစည်းပြီး ကဗျာရွတ်ပွဲနဲ့ ပန်းချီပြိုင်ပွဲ ကျင်းပခဲ့ပါတယ်။ အဲဒီပွဲမှာ ကလေးငယ် ၈ဝ ကျော် တက်ရောက် ပြိုင်ပွဲဝင်ခဲ့ပြီး အမှတ်တရ လက်ဆောင်ပစ္စည်းတွေ ပေးအပ်ခဲ့ကြပါတယ်။
Friday, February 12, 2010
| [+/-] |
A (H1N1) ပိုးရှိသူ ကျောင်းသား ၁၄ ဦး တွေ့ရှိ |
ဆလိုင်း ဟံသာစန်း | သောကြာနေ့၊ ဖေဖေါ်ဝါရီလ ၁၂ ရက်
နယူးဒေလီ (မဇ္ဈိမ)။ ။ ရန်ကုန်တိုင်း မြောက်ဒဂုံမြို့နယ်ရှိ မူလတန်းကျောင်းနှင့် အထက်ကျောင်းအတွင်း ကျောင်းသား ၁၄ ဦးတွင် ကမ္ဘာ့လူတုပ်ကွေးခေါ် A (H1N1) ပိုး တွေ့ရှိခဲ့ကြောင်း ကျောင်းဆရာမများက ပြောဆိုကြသည်။
ကျန်းမာရေး ဝန်ကြီးဌာနမှ ဝန်ထမ်းများက ယခုလ ၈ - ၉ ရက်နေ့များတွင် ဆေးစစ်ခဲ့ရာ မြောက်ဒဂုံမြို့နယ် အမှတ် ၂၃ မူလတန်းကျောင်းမှ ကျောင်းသား ၈ ဦးနှင့် အမှတ် ၄ အထက်တန်းကျောင်းမှ ကျောင်းသား ၆ ဦးတွင် တွေ့ရှိခဲ့ခြင်း ဖြစ်သည်။
“၈ ရက်နေ့က ကျောင်းက ကလေးတွေကို စစ်ဆေးတဲ့အခါကျတော့ ၈ ဦးမှာ ပိုးတွေ့တယ်။ အဲဒါနဲ့ နောက်ရက်ကစပြီး ကျောင်းပိတ်ထားတာ။ ၃ ရက်ပေါ့နော်။ ကလေးတွေကတော့ မြောက်ဥက္ကလာပ ဆေးရုံမှာ ကုနေတယ်” ဟု အခြေခံပညာ မူလတန်းကျောင်း (အမက) ၂၃ မှ ကျောင်းဆရာမတဦးက မဇ္ဈိမကို ပြောသည်။
မြောက်ဒဂုံ အထက ၄ မှ ကျောင်းဆရာမတဦးကလည်း “ကျောင်းသား ၆ ဦးမှာ ပိုးတွေ့လို့ မြောက်ဥက္ကလာပက ဝေဘာဂီဆေးရုံမှာ ကုသနေပါတယ်။ ရောဂါကနေ သက်သာနေပါပြီ။ ဆေးဦးတယ်ပေါ့။ သတ်မှတ်ရက် ၁၀ ရက်အတွင်းတော့ ကလေးတွေက ဆေးရုံမှာ နေရမယ်” ဟု ပြောသည်။
သူက ဆက်ပြီး “ဒီမှာ ဖြစ်နေတာတော့ ကျမတို့ကျောင်းရယ်၊ (အလယ်တန်းကျောင်း) အလက ၁ ရယ်၊ အမက ၂၃ ရယ်။ ဘော်ဒါဆောင်က ကလေးတွေ စာသင်နေတဲ့ ကျောင်းတွေမှာ လာဖြစ်ကုန်တဲ့ သဘောပေါ့နော်” ဟု ပြောသည်။
ကျောင်းသားများတွင် A (H1N1) ပိုး တွေ့ရှိခြင်းနှင့် ပတ်သက်ပြီး မြောက်ဒဂုံ ဆေးရုံနှင့် ဝေဘာဂီ ဆေးရုံတို့ကို ဆက်သွယ် မေးမြန်းကြည့်ရာ တာဝန်ကျ ဝန်ထမ်းများက ဖြေကြားခြင်း မပြုခဲ့ပါ။
ယမန်နေ့ထုတ် ကြေးမုံ သတင်းစာတွင် မြောက်ဒဂုံမြို့နယ် ၄၃ ရပ်ကွက်ရှိ ဘော်ဒါဆောင်တခုမှ ကျောင်းသားများကို စစ်ဆေးကြည့်ရာ ရောဂါပိုးတွေ့ရှိသူ ၂၁ ဦး ရှိပြီး၊ ပိုးတွေ့သူနှင့် သံသယရှိသူ လူနာ ၄၇ ဦးကို ဝေဘာဂီ၊ မြောက်ဥက္ကလာပနှင့် သင်္ကန်းကျွန်းစံပြ ဆေးရုံတို့တွင် ကုသပေးနေကြောင်းနှင့် မင်္ဂလာဒုံတွင်လည်း ပြီးခဲ့သည့် ဗုဒ္ဓဟူးနေ့က ပိုးရှိသူ ၄ ဦး ထပ်မံတွေ့ရှိခဲ့ကြောင်း ဖော်ပြထားသည်။
ထိုဖော်ပြချက်အရ မြန်မာနိုင်ငံတွင် A (H1N1) ရောဂါပိုးတွေ့ရှိသူပေါင်း ၉၈ ဦး ရှိခဲ့ပြီ ဖြစ်သည်။
မြန်မာနိုင်ငံရှိ ကမ္ဘာ့ကျန်းမာရေးအဖွဲ့ (WHO) ရုံးက ယခုလ ၁ဝ ရက်နေ့အထိ လက်ခံရရှိသော စာရင်းများအရ ရောဂါပိုးတွေ့ရှိသူ ၈၁ ဦး ရှိပြီဖြစ်ကြောင်း မဇ္ဈိမကို ပြောသည်။
“ရောဂါနှိမ်နှင်းရေးအတွက် ကျနော်တို့ မြန်မာအစိုးရနဲ့ အရင်ကတည်းက ပူပေါင်း ဆောင်ရွက်နေတာပါ။ ဒီရောဂါက ဒီဇင်ဘာတုန်းက ခဏရပ်သွားတယ်။ အခု ပြန်ပေါ်လာတဲ့ အနေအထားမှာ ကျနော်တို့ ရောဂါနှိမ်နှင်းရေးတွေ ဆက်လုပ်နေပါတယ်” ဟု WHO မှ အမျိုးသား အကြံပေးအရာရှိ ဒေါက်တာမျိုးလွင်က ပြောသည်။
ကျောင်းအတွင်း ရောဂါဖြစ်ပွားခဲ့သည့်အတွက် ကူးစက်ခံရမည်ကို စိုးရိမ်ကြောင်း ၄၇ ရပ်ကွက်နေ အထက ၄ မှ ကျောင်းသား မိဘတဦးက ယခုလို ပြောဆိုသည်။
“ကျမကလေးတွေကို တနင်္လာနေ့ကတည်းက ကျောင်းမလွှတ်တာ။ ကူးမှာစိုးလို့လေ။ အဲဒီရောဂါက အတူထိုင်နေရင်းလည်း ကူးနိုင်တော့ စိုးရိမ်လို့။ ဆရာမတွေကတော့ ခွင့်တိုင်မယ်ဆိုရင် မိဘကိုယ်တိုင် လာတိုင်ရမယ်လို့ ပြောတော့ ကျမလည်း သွားတိုင်လိုက်တယ်” ဟု သူက ပြောသည်။
မြန်မာနိုင်ငံတွင် ပြီးခဲ့သည့်နှစ်အတွင်း A (H1N1) ဖြစ်ပွားသူ ၆၉ ဦး ရှိခဲ့ကြောင်း ယခုလ ၈ ရက်နေ့ထုတ် မြန်မာ့အလင်း သတင်းစာတွင် ဖော်ပြခဲ့သည်။
၂၀၀၉ ခုနှစ် ဇွန်လ ၂၇ ရက်နေ့တွင် စင်္ကာပူနိုင်ငံမှ လေကြောင်းဖြင့် ပြန်လာသော ၁၃ နှစ်အရွယ် ကျောင်းသူ တဦးထံမှ A (H1N1) ပိုး ပထမဦးဆုံး တွေ့ရှိခဲ့သည်။
အမေရိကတိုက် မက္ကဆီကိုနိုင်ငံတွင် ၂၀၀၉ ခုနှစ် ဧပြီလအတွင်းက ဝက်များတွင် စတင်ဖြစ်ပွားခဲ့ပြီးနောက် မျိုးစိတ်အသစ် ပေါက်ဖွားကာ လူသို့ ကူးစက်ခဲ့သည့် A (H1N1) (ထိုစဉ်က ဝက်တုပ်ကွေး)
ရောဂါသည် ကမ္ဘာ့ဒေသ အနှံ့အပြားသို့ ပြန့်နှံ့ ကူးစက်ခဲ့ပြီးနောက် ထိုနှစ် ဇွန်လအတွင်း WHO က ကမ္ဘာ့ကပ်ရောဂါ (အမြင့်ဆုံး အဆင့်) အဖြစ် သတ်မှတ်ခဲ့သည်။
A (H1N1) ကြောင့် နိုင်ငံပေါင်း ၂၁၁ နိုင်ငံမှ လူဦးရေ အနည်းဆုံး ၁၅၁၇၄ ဦး သေဆုံးခဲ့ပြီ ဖြစ်ကြောင်း WHO က ယခုလ ၅ ရက်နေ့တွင် ထုတ်ဖော်ကြေညာခဲ့သည်။
(ရဲရင့်အောင် တည်းဖြတ်သည်။)
Saturday, February 6, 2010
| [+/-] |
နယ်စပ်ရှိ မြန်မာစာသင်ကျောင်းများ စကားရည်လုပွဲ လေ့ကျင့်သင်ကြား |
2010-01-23 RFA
ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ ချုပ်၊ ဗကသ နိုင်ငံခြားရေးရာကော်မတီက ကမကထပြုပြီး ထိုင်း-မြန်မာနယ်စပ် မဲဆောက်မြို့မှာရှိတဲ့ မြန်မာစာသင် အထက်တန်းကျောင်းတွေက ကျောင်းသားတွေ အတွက် စကားစစ်ထိုးပွဲတရပ်ကို ဇန်နဝါရီလ ၂၃ ရက်နေ့ ညနေပိုင်းမှာ ကျင်းပ ပြုလုပ်ခဲ့ပါတယ်။
ဗကသ နိုင်ငံခြားရေးရာ ကော်မတီက ‘Debater for our Society’ လူထုအတွက် စကားစစ်ထိုးသူများ အစီ အစဉ်ကို မြန်မာကလေးသူငယ်များ ပညာရေးထောက်ပံ့မှု အစီအစဉ် APEBC အဆောင်မှာနေတဲ့ အထက်တန်း ကျောင်းသားတွေကို သုံးလကြာ ဆွေးနွေးငြင်းခုံတဲ့ စကားစစ်ထိုးခြင်း ယဉ်ကျေးမှုကို လေ့ကျင့် ပေးခဲ့ပါတယ်။ အဲဒီလို လေ့ကျင့်ထားတဲ့ ကျောင်းသားတွေကို အခုအခါ လူအများရှေ့မှာ ပထမဆုံးအကြိမ်အဖြစ် ပြိုင်ပွဲ ကျင်းပ ခဲ့တာ ဖြစ်ပါတယ်။
ဒီပွဲ ကျင်းပရတာဟာ မြန်မာ့ပညာရေးစနစ်မှာ ကျောင်းသားတွေ အချင်းချင်း ဆွေးနွေး ငြင်းခုံခဲ့တာမျိုး မရှိတဲ့ အတွက် မှားနေတဲ့အချက်တွေကို ထောက်ပြနိုင်စွမ်း မရှိခဲ့သလို ပြင်ပ လူမှုဘဝ ရပ်တည်တဲ့ အခါမှာ လည်း အမှားအမှန် ဝေဖန် ထောက်ပြနိုင်စွမ်း လျော့နည်းလာတဲ့အတွက် အဲဒီလို အခြေ အနေမျိုးတွေကို ကျော်လွှား နိုင်ဖို့ ဒီပွဲကို ပြုလုပ်ရတာလို့ လူထုအတွက် စကားစစ်ထိုးသူများ အစီအစဉ်ရဲ့ ဒါရိုက်တာ ကိုသွင်လင်းအောင်က ပြောကြားပါတယ်။ အခုပြုလုပ်တဲ့ စကားစစ်ထိုးပွဲခေါင်းစဉ်က “ဖွံ့ဖြိုးဆဲနိုင်ငံများမှ ကျောင်းသူကျောင်းသား များသည် ဖွံ့ဖြိုးပြီး နိုင်ငံများရှိ ကျောင်းများထက် ဒေသတွင်းရှိ ကျောင်းများတွင်သာ ပညာသင်ကြားသင့်သည်” ဆိုတဲ့ ခေါင်းစဉ်ကို အဆိုပြုသူဘက်နဲ့ ငြင်းခုံဘက် အဖွဲ့ နှစ်ဖွဲ့ခွဲပြီး ကျင်းပခဲ့တာဖြစ်ပါတယ်။
| [+/-] |
ယူနီဆက်ဖ်က ကျောင်းပြင်ပ မူလတန်း ပညာရေး လုပ်ဆောင် |
ဖနိဒါ | သောကြာနေ့၊ ဖေဖေါ်ဝါရီလ ၀၅ ရက် ၂၀၁၀ ခုနှစ်
မဇ္ဈိမ (ချင်းမိုင်) ။ ။ ကျောင်းမတက်နိုင်သော ကလေးများအတွက် ကျောင်းပြင်ပ မူလတန်း ပညာ သင်ကြားရေးကို ကုလသမဂ္ဂ ကလေးများ ရန်ပုံငွေအဖွဲ့ (ယူနီဆက်ဖ်) နှင့် ပညာရေးဝန်ကြီးဌာနတို့က မြို့နယ် ၁၂ မြို့နယ်တွင် လုပ်ဆောင်လျှက်ရှိသည်။
ယင်းပူးတွဲအစီစဉ်ကို ၂ဝဝ၉-၂ဝ၁ဝ ပညာသင်နှစ်အတွက် ပဲခူး၊ ပြည်၊ ကျိုက်ထို၊ စစ်တွေ၊ ပုသိမ်၊ လပွတ္တာ၊ ဘိုကလေး၊ မော်လမြိုင်ကျွန်း၊ ကွမ်းခြံကုန်း၊ ကော့မှူး၊ သပိတ်ကျင်း၊ ပေါက် တို့တွင် အကောင်အထည် ဖော်နေပြီး ၂ နှစ် ကြာမည် ဖြစ်သည်။
“ကလေးတွေကို (အချက်အလက်) ကောက်လိုက်ပြီးတော့မှ အဲဒီကလေးတွေထဲကနေ ကျမတို့စီမှာ ဘယ်နှစ် ယောက်လောက် ဝင်လဲ စုလိုက်တာပေါ့။ သူတို့ အဆင်ပြေမယ့် အချိန်တွေမှာ ကျွန်မတို့ ကျောင်းဖွင့် ပေးပါတယ်” ဟု အခြေခံ ပညာရေးဦးစီးဌာန အရာရှိက မဇ္ဈိမကို ပြောသည်။
ကျောင်းပြင်ပ အစီအစဉ်မှ အောင်မြင်သော ကလေးငယ်များကို အစိုးရကျောင်းများတွင် အလယ်တန်းပညာ ဆက်လက်သင်ယူခွင့် ပြုမှာဖြစ်သည်။
မြန်မာနိုင်ငံတွင် စာတတ်မြောက်သူ ဦးရေ ၈၈ ရာခိုင်နှုန်း ရှိသည်ဟု ဆိုသော်လည်း မူလတန်းအဆင့် တပိုင်း တpဖြင့် ကျောင်းထွက်သွားသူ အနည်းဆုံး ၅၅ ရခိုင်နှုန်း ရှိသည်ဟု UNICEF အစီရင်ခံစာ တခုက ဖော်ပြ ထားသည်။
ဆင်းရဲချို့တဲ့သည့် ကလေးငယ်များ ပပျောက်ရန် ရည်ရွယ်သည့် အသက်မွေးဝမ်းကျောင်း ပညာရပ်များလည်း သင်ကြားသွားမည်ဖြစ်ကြောင်းလည်း UNICEF အရာရှိတဦးထံမှ သိရသည်။
သီးသန့်သင်ရိုးသုံးမည်ဖြစ်ပြီး အသက် ၁၀-၁၄ နှစ်အရွယ် အကြောင်းအမျိုးမျိုးကြောင့် မူလတန်း တဝက်တပျက် ဖြင့် မိဘများကို ကူနေရသည့် ကလေးများကို ရည်ရွယ်သည်။
အဆင့် နှစ်ဆင့် ခွဲထားကာ ၃ တန်း အောက်ကို အဆင့် ၁၊ ၃ တန်းနှင့် ၄ တန်းကို အဆင့် ၂ သတ်မှတ်ထား သည်ဟု ပညာရေးဦးစီးဌာနက မဇ္ဈိမကို ပြောသည်။
အဆင့် ၁ တွင် သင်တန်းသားဦးရေ ၁၃၇၈ ဦးရှိ၍ အဆင့် ၂ တွင် ၉၅၈ ဦး၊ ဆရာဦးရေ ၁၉၄ ဦး၊ ကြီးကြပ်သူ ၂၀ ဦး ရှိပါပြီး ပံ့ပိုးသူ ၆၂၉ ဦး လျာထားကြောင်း စစ်အစိုးရက ထုတ်ပြန်ထားသည်။
ထိုင်းနိုင်ငံအခြေစိုက် ရွှေ့ပြောင်းပညာရေး အစီအစဉ်တခုမှ တာဝန်ရှိသူ ဆရာဦးသိန်းဝင်းကမူ စစ်အစိုးရ အနေဖြင့် ကလေးများ ကျောင်းထွက်ရသည့် အကြောင်းရင်းကိုလည်း လေ့လာရန် လိုအပ်သည်ဟု သုံးသပ်သည်။
“ကလေးတွေ ကျောင်းမထွက်အောင် နိုင်ငံတော်က ဘာတွေ ဖြည့်ဆည်းပေးမှာလဲ။ ဘယ်လိုအရေးယူ ဆောင်ရွက်ပေးမလဲဆိုတဲ့ အပိုင်းက ပိုပြီးတော့ အရေးကြီးတယ်” ဟု သူက မဇ္ဈိမကို ပြောသည်။
(ကိုဝိုင်းတည်းဖြတ်သည်)
Friday, February 5, 2010
| [+/-] |
ကျောင်းထွက်ကလေးငယ်များ စာပြန်သင်နိုင်ရေးလုပ်ဆောင် |
မဇ္ဈိမသတင်းဌာန ၄ ဖေဖော်ဝါရီ ၂၀၀၉
http://www.mizzimaburmese.com/mizzima-tv.html?task=videodirectlink&id=128
Monday, February 1, 2010
| [+/-] |
ဆယ်တန်းစာမေးပွဲ ခိုးကူးစာအုပ်ငယ် ဈေးကွက် ကြီးမားလာ |
Monday, 01 February 2010 13:07 ဧရာဝတီ
ဆယ်တန်း စာမေးပွဲတွင် စာကူးဖြေသူ များအတွက် အထူးစီမံ ထုတ်လုပ်ထားသော စာအုပ်ငယ် ဈေးကွက်သည် ရန်ကုန်တွင် တနှစ်ထက် တနှစ် ပိုမို ကြီးမားလာသည်။
ယခုနှစ်အတွက် ဆယ်တန်း စာမေးပွဲ ကျင်းပရန် ရက်ပေါင်း ၄၀ ခန့်သာ လိုသည့်အချိန်တွင် ထိုစာအုပ်ငယ်များ အလွန် အရောင်းသွက်နေသည်ဟု ခိုးကူး စာရွက်စာတမ်း ရောင်းချသူများက ပြောသည်။
[လျှို့ဝှက်သယ်ဆောင်ရန် လွယ်ကူသည့် ပေါ့ကက် (pocket) ခေါ် ခိုးကူးစာအုပ်ငယ်များ (ဓာတ်ပုံ - ဧရာဝတီ)]
“စာအုပ်ဆိုင်တွေမှာ တင်ရောင်း သလို၊ လူကိုယ်တိုင်လည်း လမ်းပေါ် လျှောက်ပြီး ဒိုင်လျှို ရောင်းကြတယ်” ဟု ဆိပ်ကမ်းသာလမ်း အနီးရှိ စာအုပ်ဆိုင် တဆိုင်မှ ၀န်ထမ်းတဦးက ပြောသည်။
ဆယ်တန်း ဘာသာရပ်စုံ ပါဝင်သော ခိုးကူး စာရွက်စာတမ်း တစုံလျှင် အနည်းဆုံး ကျပ် ၃၅၀၀ ဖြင့် ရောင်းဝယ် ကြကြောင်း၊ စာမေးပွဲ နီးလာချိန်တွင် ၀ယ်ယူသူ ပိုမို များပြား လာဖွယ် ရှိကြောင်း ခိုးကူးစာအုပ် ရောင်းသူတဦးက ပြောသည်။
“ဖေဖော်ဝါရီ လကုန်နဲ့ စာမေးပွဲ စဖြေတဲ့ မတ်လဆန်း လောက်ဆို တနေ့ကို ခိုးကူး အစုံ ရာချီ ရောင်းရတယ်။ ခိုးကူးတစုံကို ၃၅၀၀နဲ့ ရောင်းတယ်။ စာအုပ်ဖိုးရော၊ လိုင်းကြေး အပါ ခိုးကူးတစုံ အရင်းချည်းပဲ ၁၈၀၀ ရှိတယ်” ဟု သူက ရှင်းပြသည်။
လိုင်းကြေး ဆိုသည်မှာ အာဏာပိုင် အဖွဲ့အစည်းများကို ပေးရသည့် လာဘ်ငွေ ဖြစ်သည်။
နယ်မြေခံ ရဲတပ်ဖွဲ့ဝင်များကို နေ့စဉ် ကျပ် ၅၀၀၀ ပေးရပြီး စည်ပင်ရဲ၊ ရယက၊ ကြံ့ဖွံ့ စသည့် ဒေသခံ အဖွဲ့အစည်းများကိုလည်း လာဘ်ငွေ အနည်းငယ် ပေးရသည်ဟု ဆူးလေးဘုရားအနီးရှိ ခိုးကူးစာအုပ် အရောင်းဈေးသည် တဦးက ပြောသည်။
မြန်မာနိုင်ငံတွင် ကျောင်းသားများသည် ကိုးတန်းအထိ စာမေးပွဲနှင့် ပတ်သက်ပြီး ကြီးမားသည့် အခက်အခဲများနှင့် မကြုံခဲ့ရပေ။ သက်ဆိုင်ရာ ကျောင်းမှ ဆရာ ဆရာများက စာမေးပွဲနီးလျှင် လေ့လာကျက်မှတ်ရမည့် သင်ခန်းစာများကို ရွေးချယ်ပေးလေ့ရှိသည်။
ကျောင်းသားများ ဆယ်တန်းသို့ ရောက်သည့်အခါ ယခင်နှင့်မတူဘဲ ခက်ခဲသည့် စာမေးပွဲနှင့် ရင်ဆိုင်ရသည်။ ဆယ်တန်း စာမေးပွဲသည် အစိုးရစစ် ဖြစ်ပြီး မေးခွန်းလွှာများကို ပညာရေးဝန်ကြီးဌာနက စီစဉ်သဖြင့် ပါဝင်မည့် မေးခွန်းများကို ကြိုတင် မသိနိုင်သောကြောင့် လေ့လာ ကျက်မှတ်ရမည့် သင်ခန်းစာများ အထူး များပြားနေခြင်းသည် ကျောင်းသားများ၏ အခက်အခဲ ဖြစ်နေသည်။
၁၉၉၅ ခုနှစ်ခန့်မှ စပြီး စီးပွားရေး သမားများက စာမေးပွဲခန်း အတွင်း စာကူးပြီး ဖြေလိုသူ ကျောင်းသားများ ခိုးဝှက် သက်ဆောင်ရန် လွယ်ကူသည့် စာအုပ် ငယ်များကို ပုံနှိပ် ရောင်းချခဲ့ကြသည်။
ဆယ်တန်း စာမေးပွဲတွင် ခိုးကူး ဖြေဆိုသူများကို စာမေးပွဲ ရာသက်ပန် ဖြေဆိုခွင့် ပိတ်သည် အထိ အရေးယူ နိုင်ကြောင်း အခြေခံ ပညာ အထက်တန်းကျောင်း တကျောင်းမှ ဆရာတဦးက ရှင်းပြသည်။
ရန်ကုန်မြို့မှ နာမည်ကြီး ကျူရှင်ဆရာကြီး တဦးက ပညာရေးသည် တိုင်းပြည် တိုးတက်ရေး အတွက် အဓိက ဖြစ်သောကြောင့် အာဏာပိုင် တို့က ခိုးကူးရောင်း ချမှုများကို ထိရောက်စွာ နှိမ်နင်းသင့်သည်ဟု သုံးသပ်သည်။
“အရေးယူမှု မရှိလို့ ဒီလောက် တွင်ကျယ်လာတာ။ ဒါ ပညာရေးကို အလေးမထားတဲ့ လုပ်ရပ် ဆိုရင် ပိုမှန်မယ်” ဟု သူက ပြောသည်။
ယခုနှစ်အတွက် ဆယ်တန်း စာမေးပွဲကို မတ်လ ၁၀ ရက်နေ့မှ ၁၉ ရက်နေ့ အထိ ပြုလုပ်မည် ဖြစ်သည်။
Saturday, January 30, 2010
| [+/-] |
အရေပြားရောဂါ ကူးစက်မှုဆိုးရွားခြင်းကြောင့် နို့စို့အရွယ် ကလေးငယ်များအတွက် စိုးရိမ်နေရ |
ကို(၂)/ ဇန်န၀ါရီ ၂၈၊ ၂၀၁၀
http://www.ktimes.org/thatin/1-latest-news/548-2010-01-28-10-11-42.html
ကရင်နီပြည် ဖရူဆိုမြို့နယ်အတွင်းရှိ လော်ခုခူနှင့် လောက်ပလဲလျားကျေးရွာတို့သည် အရေပြားရောဂါ ဆိုးရွားစွာ ကူးစက်ပြန့်ပွား နေမှုကြောင့် နို့စို့ကလေးငယ်များအတွက် စိုးရိမ်နေရသည်ဟု ကရင်နီနယ်လှည့် ကျန်းမာရေးအဖွဲ့က ပြောသည်။
လော်ခုခူနှင့် လောက်ပလဲလျားကျေးရွာတို့မှ တရွာလျင် အနည်းဆုံး ၂၀ ဦးထက်မနည်း အရေပြားရောဂါ ကူးစက် ခံရပြီး ထိုထဲမှ ကလေးငယ်များပါဝင်သည်ဟု ဆိုသည်။
၎င်းကျေးရွာတို့သည် ရေရှားပါးပြီး ကျေးရွာနီးနားမှ ရေအိုင်များ သောက်သုံးရေအဖြစ် အသုံးပြုခြင်း၊ အ၀တ်လျှော်ခြင်းများ၊ ရေချိုးခြင်းများ နှင့် တိရိစ္ဆာန်တို့၏ သွားလာ လှုပ်ရှားမှု စားကျက်ဖြစ်သောကြောင့် ယားနာခြင်းများ စသည့်အရေပြားရောဂါ ကူးစက်ခံရခြင်းဖြစ်သည်ဟု နယ်လှည့် ကျန်းမာရေးအဖွဲ့မှ ဆေးမှူးတဦးက ပြောသည်။
၎င်းက “ တိရိစ္ဆာန်တို့နဲ့ ရောနှောပြီး အသုံးပြုကြတာ ရေအိုင်တအိုင်တည်းကို၊ ဒါကြောင့် ရောဂါက နာတာရှည်ရောဂါအဖြစ်သို့ ကူးသွားတာ ဖြစ်တယ်” ဟု ပြောသည်။
ကူးစက်မှုဒဏ်ကြောင့် အလည်ပိုင်းဂွင်ရှိ ဒေါတမကြီး ကျေးရွာမှ ကလေးငယ် ၂ ဦးနှင့် တောလုံ ကျေးရွာမှ ၂ ဦး ယခင် ၂၀၀၉ ခုနှစ်တွင် သေဆုံးသွားခဲ့ပြီး ဒီမောဆိုမြို့နယ်မှ ဒေါဖုအုပ်စုနှင့် ဖရူဆိုမြို့နယ် ကေးလျား ကျေးရွာအုပ်စုတွင်လည်း ထိုရောဂါကူးစက်မှုနှုန်း ဆိုးရွာစွာ ဖြစ်ပွားနေသည်။
“ဒီနှစ်တော့ ရောဂါကူးစက်ခံရလို့ သေသွားတယ်ဆိုတဲ့ သတင်းအတိအကျတော့ မသိရသေးဘူး။ ဒါပေမယ့် ဆိုးဆိုးဝါးဝါးဖြစ်နေသေးတယ် ဆိုတာတော့ ရှိတယ်” ဟု ကရင်နီ နယ်လှည့် ကျန်းမာရေးအဖွဲ့မှ တာဝန်ခံ ခူဒယ်နီယာယ်ကပြောပါသည်။
ကျေးရွာများသည် ဆေးပေးခန်းများမရှိခြင်း ကျန်းမာရေးအတွက် အစိုးရမှ ခန့်အပ်ထားသော ဆေးဆရာ၊မများ တနှစ်တကြိမ်သာ ဆေးဝါးများ လာရောက်ကုသပေးခြင်းများ ရှိခဲ့ပြီး နယ်လှည့် ကရင်နီ လူမှုကယ်ဆယ်ရေး အဖွဲ့မှ ကျန်းမာရေး လုပ်သားများမှလည်း အစိုးရထိန်းချုပ်ထားသည့် နယ်မြေသို့လည်း သွားရောက် ကုသ ပေးခြင်းများ ရှိခဲ့သည်ဟု သိရသည်။ သို့သော် ဆေးလုံလုံလောက်လောက် ကုသပေးနိုင်ခြင်းမရှိဟု ပြောဆိုကြပါသည်။
Friday, January 29, 2010
| [+/-] |
ရန်ကုန်တက္ကသိုလ် ကျောင်းသားလှုပ်ရှားမှု ဖြစ်ပွား |
2010-01-29 RFA
ရန်ကုန် လှော်ကား ကွန်ပျုတာ တက္ကသိုလ် ကျောင်းအာဏာပိုင်တွေက ကျောင်းသားတွေအပေါ် ပြုမူဆက်ဆံတာတွေကို သဘောမကျတဲ့အတွက် ကန့်ကွက်ကြောင်း ကျောင်းတွင်း စာကပ်တဲ့ လှုပ်ရှားမှုတခု ဖြစ်ပွားခဲ့တဲ့အတွက် ဇန်နဝါရီ ၂၈ ရက် မနေ့က ကြာသပတေးနေ့မှာ ကျောင်း အတွင်း ရုတ်ရုတ်သဲသဲ ဖြစ်သွားခဲ့တယ်လို့ မျက်မြင်ကျောင်းသားတွေက ပြောဆိုကြပါတယ်။
ရန်ကုန်မြို့ရှိ တက္ကသိုလ်တခု၏ ဂိတ်ဝတွင် ဝတ်စုံပြာ လုံခြုံရေး ဝန်ထမ်းများ စောင့်ကြပ်နေပုံ ဖြစ်ပါသည်။
(Photo: AFP)
မနက်ပိုင်း ၁ဝ နာရီလောက် ကျောင်းခေတ္တနားချိန်မှာ စာကပ်သွားတာ ဖြစ်တယ်လို့၊ ကျောင်းသားတဦးက RFA ကို အခုလို ပြောပြပါတယ်။
ကျောင်းသားတဦး။ ။ 'ကျောင်းသားသမဂ္ဂကနေပြီးတော့မှ ကြေညာချက်တစောင် ကပ်သွားတယ်ဗျ။ ဘာတွေပါလဲဆိုတော့ ဟိုဟာပေါ့၊ ကျောင်းမှာက ဟို ကျောင်းပတ်လည်လေ၊ ကော်ရစ်ဒါပတ်လည်မှာ သံပန်းတံခါးတွေ ကပ်တယ်၊ အဲဒါကို ကျောင်းသားတွေ မကျေနပ်တဲ့ကိစ္စ၊ အဲဒီအချက်လည်းပါတယ်၊ နောက်ပြီးတော့ ကျောင်းအားကစားကြေး ဆိုပြီးတော့ ကောက်သေးတယ်၊ ချလံမှာ တရားဝင်ကို ကောက်ထားတာ၊ ကျောင်းသားတွေ ပါဝင်ဆင်နွှဲရမဲ့ အားကစားပွဲလည်း မလုပ်ပေးဘူး။ ကျောင်းသားတွေပေါ့နော်၊ ကန်တဲ့ ဘောလုံးကွင်းကိုလည်း အခု ပိတ်ပစ်လိုက်ပြီ။ အဲဒါကို မကျေနပ်တဲ့အတွက် မကျေနပ်ဖူးပေါ့။ ကန့်ကွက်တဲ့ ပြင်းပြင်းထန်ထန် ကန့်ကွက်ကြောင်းဆိုတဲ့ ဥစ္စာလေး ကပ်ထားတယ်ခင်ဗျ။'၂ဝ၁ဝ ခုနှစ်အတွင်း ရွေးကောက်ပွဲလည်း ကျင်းပဖို့ ရှိနေပြီး၊ ကျောင်းသားတွေပေါ်မှာ မယုံသင်္ကာစိတ်နဲ့ ထိန်းချုပ်လို့ လွယ်ကူအောင်၊ ဝင်ပေါက်တပေါက်လောက်ပဲ ထားပြီး၊ အားလုံးကို သံပန်တံခါးတွေနဲ့ ပိတ်ဆိုကာရံလိုက်တဲ့အပေါ် ကျောင်းသားတွေက မကျေနပ်ကြကြောင်းနဲ့ ကျောင်းတွင်းလှုပ်ရှားမှုတွေအဖြစ်၊ fresher welcome လို ကျောင်းသားပွဲတွေက စလို့၊ လှုပ်ရှားမှုတွေ၊ အခမ်းအနားတွေလည်း မရှိတဲ့အတွက် ကျောင်းသားတွေက မကျေနပ်ကြကြောင်း နောက်ထပ်မျက်မြင် ကျောင်းသားတဦးက ပြောဆိုပါတယ်။'ရုတ်ရုတ်ရက်ရက်တော့ ဖြစ်တာပေါ့ဗျာ၊ ကျောင်းသားတွေအနေနဲ့ တော်တော်များများကတော့ အဲဒီမှာ ကျောင်းက နံရံ၊ တံခါးဘောင်တွေပေါ့ အစ်ကိုရာ အဲလိုမျိုးတွေမှာလည်း တွေ့ကြတယ်၊ နောက် အိမ်သာထဲတွေမှာလည်း တွေ့ကြတယ်ပေါ့၊ အဲဒီတော့ အကုန်လုံးကတော့ ဝိုင်းပြီးတော့ ဖတ်ကြတာပေါ့ဗျာ၊ ကျောင်းသားတွေကတော့။ အဓိက ရေးထားတာကတော့ဗျာ၊ ဒီကွန်ပျုတာကျောင်းမှာပေါ့ဗျာ၊ သံပန်းတံခါးတွေ တပ်ထားတယ်ဗျာ၊ ကျောင်းရှေ့ ကော်ရစ်ဒါပေါ့လေ၊ ကော်ရစ်ဒါတွေကို သံပန်းတွေ အကုန်ပိတ်လိုက်တယ်ဗျ။ ကင်တင်းကို သွားတဲ့ဟာတွေကအစ အကုန်လုံး ပိတ်လိုက်တယ်ဗျာ။ အဓိကကတော့ အပေါက်တပေါက်တည်း ထားလိုက်တယ်၊ ထောင်သဘောမျိုး ဖြစ်သွားတာပေါ့ဗျာ။'
စကပ်လို့ ကျောင်းသားတွေ ဖတ်တာကို တွေ့တဲ့အခါ ကျောင်းအာဏာပိုင်တွေက၊ စာရွက်တွေကို ချက်ချင်း ပြန်ခွာသွားကြတယ်လို့ ကျောင်းသားတွေက ပြောပြပါတယ်။ ရန်ကုန် ကွန်ပျုတာတက္ကသိုလ်ဟာ လှော်ကားမှာ ရှိပြီး ကျောင်းသား တထောင်ကျော်လောက်၊ တက်ရောက် သင်ကြားနေတာ ဖြစ်တယ်လို့ သိရပါတယ်။
| [+/-] |
ကပ်ဘေးသင့် အာရှကလေးများကို စိတ်ဒဏ်ရာကုစားရေး ပညာရှင်များ ဆွေးနွေး |
သီရိထက်စံ
28 ဇန်န၀ါရီ 2010 - DVB
နာဂစ်မုန်တိုင်းဘေး အပါအ၀င် အာရှတိုက်က ကပ်ဘေးတွေ သင့်တဲ့ ကလေးငယ်တွေရဲ့ စိတ်ဒ ရာတွေကို ကုစားရေးနဲ့ ပတ်သက်လို့ ပညာရှင်တွေ က ထိုင်းနိုင်ငံ ဘန်ကောက်မြို့ မှာ တွေ့ဆုံဆွေးနွေး နေကြပါတယ်။
ဘန်ကောက်မြို့ အင်ပီရီယယ်ကွင်းပတ်ဟိုတယ်မှာ ဗုဒ္ဓဟူးနေ့ က ကျင်းပတဲ့ ဒီ ဆွေးနွေး ပွဲကို အာရှကပ်ဘေး ကြိုတင်ကာကွယ်ရေးဌာနက ကြီးမှူးဆောင်ရွက် တာ ဖြစ်ပြီး သန်ဘက်ခါ ဇန်န၀ါရီ 29 ရက်အထိကျင်းပါမှာပါ။
ဒီဆွေးနွေးပွဲမှာ ပထမဆုံးရက်က ကလေးစိတ်ပညာရှင်တွေရဲ့  လေ့လာတွေ့ ရှိ ချင်တွေ ကို အကြမ်းဖျင်း ရှင်းလင်းတင်ပြကြပြီး နောက်ရက်တွေမှာ အသေးစိတ် အပြန် အလှန် ဆွေးနွေးကြမှာပါ။
ကပ်ဘေးသင့် အာရှကလေးများကို စိတ်ဒဏ်ရာကုစားရေး ပညာရှင်များ ဆွေးနွေး
စစ်ဘေး သဘာဝဘေးတို့ ကြောင့် စိတ်ဒဏ် ရာဖြစ်နေတဲ့ ကလေးတွေကို လေ့ လာ ကုသ တဲ့ စိတ်ပညာရှင် တွေက သူတို့ ရဲ့ လေ့လာတွေ့ ရှိချက်တွေကို ရှင်းလင်း တင်ပြ ကြပြီး နိုင်ငံတကာ ကျန်းမာရေး ၀န်ထမ်းတွေ အစိုးရ၀န်ထမ်းတွေနဲ့  ကုလသမဂ္ဂ အရာရှိ တွေ တက်ရောက်ပါတယ်။
နာဂစ်မုန်တိုင်းဒဏ် ပြန်လည်ထူထောင်ရေး ကူညီဖို့  မြန်မာပြည်ကို ရောက်ခဲ့တဲ့ ထိုင်း ကျန်းမာရေး ၀န်ကြီး ဌာနက အရာရှိ ဒေါက်တာ ဘန်ဂျပွန်ပညာရုံလည်း ဒီဆွေး နွေးပွဲကို တက်ရောက်ပြီး နာဂစ်မုန်တိုင်း ဘေးသင့် ကလေးတွေရဲ့ စိတ်အခြေအနေနဲ့ ပြုစုကုသတဲ့ အတွေ့ အကြုံတွေကို ရှင်းလင်းပြောပြပါတယ်။
“ကလေးတွေက အစက စကား မပြောကြဘူး၊ ပန်းချီဆွဲရအောင်ဆိုပြီး သူတို့ ကို ပုံဆွဲစကူတွေ ရောင်စုံ ခဲတံတွေ ချပေတော့ သူတို့ ခံစားချက်တွေကို ပန်းချီပေါ်မှာ ဖွင့်အန်ချကြတယ်၊ လေးနှစ်သား ကလေး တစ်ယောက်ဆိုရင် နာရီပုံလေးဆွဲထားတယ် အဲဒီအချိန်က မိဘတွေနဲ့ အတူတူရှိတယ် ၊ အဲဒီအချိန်မှာ နာဂစ် မုန်တိုင်းတိုက်ပြီး နောက် ပိုင်းမိဘဆွေမျိုးတွေ ဆုံးရှုံးခဲ့ရတယ်တဲ့။
“ကလေးလေးတစ်ယောက်ဆိုရင် သူ့ ကို ချစ်ရဲ့လားလို့ လူတိုင်းကို လိုက် မေး နေတာ ခံစားချက်တွေကို ရင်ဖွင့်ပြီးတဲ့နောက်တော့ ကျမတို့ အတူကကြ ကစားကြ တယ် ကလေးတွေရင်ထဲမက ခံစားချက်တွေ ပေါ့ပါးသွားအောင် စိတ်ထားနည်းလေး တွေ ပြောပြရတယ်၊ လူတော်လူကောင်းဖြစ်အောင်နေရင် သေသွားတဲ့ မိဘတွေကို စိတ်ချမ်းသာမယ်ဆိုတာမျိုးပေါ့။ သူတို့ မှာ လိုအပ်နေတာ စားဝတ်နေရေး ချည်း မဟုတ်ပါဘူး။ အရေးကြီးဆုံးက သူတို့ လိုအပ်နေတာ က မေတ္တာပါ။
ဘင်္ဂလားဒေ့ရှ် -မြန်မာနယ်စပ်က မြန်မာတိုင်းရင်းသားတွေ ခိုလှုံနေထိုင်တဲ့ ဒုကသည်စခန်းက ကလေးတွေရဲ့ စိတ်ဒ ရာတွေကို လေ့လာခဲ့တဲ့ စိတ်ပညာရှင် ဒေါက်တာ စာရှာ ဘရာတာဒက်ရ်ှက ရှင်းလင်းပြောပြပါတယ်။
’ကလေးတွေကို တနေရာကတနေရာကို ရွေ့ ပြောင်းတော့မယ်ဆိုရင် သူတို့ အ ခြေအနေ အသေးစိတ်ကို ရှင်းပြသင့်တယ်၊ နွေးထွေးမှု လိုအပ်ပါတယ်။ နေရာသစ်မှာ လူစိမ်းတွေနဲ့ တွေ့ ရမဲ့ ကလေးတွေရဲ့ အတွင်းစိတ် မလုံခြုံမှုတွေကို လူကြီးတွေက ဂရုစိုက်ပေးဖို့ လိုပါတယ်။ ပညာပေး အစီအစဉ်တွေကတော့ နိုင်ငံတော် အစိုးရကိုယ် တိုင်က လိုလိုချင်ချင်စီစဉ်ပေးဖို့ အရေးကြီးပါတယ်”။
ဒီဆွေးနွေးပွဲမှာ ဗီယက်နမ် -အမေရိကန်စ်ဘေးဒ ကို ခံစားခဲ့ရတဲ့ ကလေးတွေနဲ့  ဆူနာမီ ငလျင် ရေလှိုင်းဘေး သင့် ကလေးတွေကို ပြန်လည်ထူထောင်ရေး ဆောင်ရွက်ပုံ မှတ်တမ်းတင် သတင်းရုပ်ရှင်တွေလည်း ပြသပါတယ်။
| [+/-] |
မုန်တိုင်းဘေးမှ လွတ်ခဲ့သည့် ကလေးများ စိတ်ဓာတ်အင်အား လိုအပ်နေ |
ဒီဗွီဘီ 5 ဇူလိုင် 2008
နော်အေးဖော ဒီဗွီဘီ သတင်းထောက် ထိုင်း
မုန်တိုင်းဘေးဒဏ် သင့်တာ ၂ လ ပြည့်ပြီတဲ့ ရာဝတီတိုင်းမှာ စိတ်ဓာတ်အင်အား ကုစားဖြည့်ဆည်းပေးဖို့  လိုအပ်နေတဲ့ ကလေးတွေ အများအပြားရှိနေပါတယ်။
ရန်ကုန်ကြည့်မြင်တိုင်မြို့နယ်မှာ သာဓုကျောင်းတိုက်က ရွှေည၀ါဆရာတော် ဦးပညာသီဟ ဦးဆောင်တဲ့ အဖွဲ့ က ပြင်စလူမြို့ နယ်အပါအ၀င် ကျေးရွာတွေမှာ ၇ရက်ကြာ လေဘေးထောက်ပံ့ရေး ဆောင်ရွက်ခဲ့ပါတယ်။ ကလေးတွေက ကြောက်ရွံ့ ထိတ်လန့် နေဆဲဖြစ်ပြီး သားချင်းတွေ ပြန်ရောက်လာ လေမလားလို့  မျှော်နေကြတဲ့ အတွက် မိဘမဲ့ ကလေးတွေကို မွေးစားပြီး ပညာသင် ကြား ပေးဖို့ ကိစ္စ မဖြစ်မြောက်သေးဘူးလို့ ဆရာတော် ဦးပညာသီဟက မိန့်  ပါတယ်။
“ ကြောက်ရွံ့ ထိတ်လန့် စိတ်တွေ၊ နာကျည်းစရာတွေ စိတ်ဝေဒနာတွေ ခံစား ချက်တွေ မပြယ်သေးတဲ့ အတွက် ဘယ်လိုဘဲ နှစ်သိမ့် ဖျောင်းဖျပြီးတော့ အားပေး သိမ်းသိမ်းပြီး ပြောပေမဲ့လည်း မရပါဘူး”
ဆွေမျိုးတွေ ဆရာ ဆရာမတွေ၊ ဘုန်းတော်ကြီးတွေ စတဲ့ ပတ်ဝန်းကျင်က ဖေးဖ ကူညီရင် မိဘမဲ့ကလေးရဲ့ စိတ်ကျန်းမာရေး အခြေအနေ သက်သာရရနိုင်မယ်လို့ ဆရာ တော်က မိန့် ပါတယ်။
မုန်တိုင်းဘေးသင့်ဒေသမှာ အလောင်းးတွေရှိနေဆဲဖြစ်လို့  လူသေအလောင်း 20 ကို သရ ဂုံတင်၊ မီးရှို့ သင်္ဂြိဟ်ပေးခဲ့ ပြီး ကျွဲ နွား တိရစ္ဆာန် 17 ကောင်ကိုလည်း သင်္ဂြိဟ်ခဲ့တယ်လို့  ဆရာတော်က မိန့် ကြားပါတယ်။
ကျန်းမာရေးမကောင်းတဲ့ လေဘေးဒုက္ခသည်တွေကိုလည်း ဆေးဝါးကုသမှုပေး ခဲ့ပြီး ဒေသခံ ဆေးခန်းတွေကိုလည်း လိုအပ်တဲ့ ဆေးပစည်းတွေ လှူဒန်းခဲ့တယ်လို့ ဆ ရာတော်က မိန့် ပါတယ်။
‘ ဆေးကုပေးစရာရှိတာ ဆေးကုပေးတာပေါ့၊ ရေကန်တွေ ညစ်ညမ်းနေတာ သုတ်သင်ပြီးတော့ ဆည်ပေးတာပေါ့၊ ကျောင်းသားတွေကို စာအုပ်စာတမ်းတွေ ထောက် ပံ့ပေးတယ်လေ”
ဆန်၊ ပဲ၊ ဆီ၊ မိုးကာ၊ အိုးခွက်၊ ပေါက်တူး၊ လ္ဂ၊ အ၀တ်အစားစတဲ့ တတ်နိုင်တာ တွေကို ထောက်ပံ့ကူညီခဲ့တယ်လို့ ဆရာတော်က အသိပေးမိန့် ကြားပါတယ်။
လုပ်ငန်းအရင်းအနှီးမရှိတဲ့ သူတွေက မျိုးစပါးရရင်တောင် ကဇင်း( ကန်သင်း) ဘေးမှာ ထိုင်နေရုံဘဲပေါ့၊ လယ်ထွန်စရာစက်ရှိလားဆိုတာ ကိုယ်မပေးနိုင်တဲ့အတွက် ကိုယ်မပေးဘူးလေ” စိုက်စရာကောက်စပါးရှိလား’ ဆိုတာ မမေးဘူးလေ ကိုယ်မှ မပေးနိုင်တာ၊
“ကိုယ်မပေးနိုင်ဘဲနဲ့  သွားမေးလို့ မရှိဘူးဆိုရင် ဘယ်လိုလုပ် စိတ်ကောင်းမှာလဲ၊ ကိုယ်ပေးနိုင်တာကိုဘဲ မေးတယ်၊ မပေးနိုင်တာကို မမေးဘူး၊ သူတို့ လုပ်စားကိုင်စားးတဲ့ ဘ၀အခြေအနေတွေ ဘယ်တော့များမှ ဘာဖြစ်မလဲဆိုတာကို မတွေးဘူး၊ မေးလည်း မမေးဘူး၊ သူတို့ ပြောရင်လည်း “မပြောတော့နဲ့  ရပ်ထား စိတ်အကောင်းမှာ စိတ်ဆင်းရဲ မှာ စိုးလို့ ’
Thursday, January 28, 2010
| [+/-] |
ကလေးစစ်သားများ စစ်တပ်က ဆက်လက်စုဆောင်းနေ |
Thursday, 28 January 2010 14:40 ရန်ပိုင်
http://www.irrawaddy.org/bur/index.php/news/1-news/2494-2010-01-28-07-47-52
မြန်မာနိုင်ငံတွင် ကလေးစစ်သား စုဆောင်းခြင်း မရှိဟု စစ်အစိုးရက ပြောဆိုနေ သော်လည်း ကလေးစစ်သား အဖြစ် အဓမ္မ ခေါ်ဆောင်မှုများ ရှိနေသေးကြောင်း သိရသည်။
မကွေးတိုင်း တောင်တွင်းကြီးမြို့တွင် နေထိုင်သည့် အသက် ၁၄ နှစ်အရွယ် မောင်ကျော်မင်းထွန်းအား ဆင်ပေါင်ဝဲမြို့နယ် မိကျောင်းရဲမြို့ အခြေစိုက် ခလရ ၈၃ တပ်ရင်းမှ ဒုတပ်ကြပ် နိုင်ဝင်းဆိုသူက ဇန်န၀ါရီလ ၁၉ ရက်နေ့တွင် ခေါ်ဆောင် သွားကြောင်း မိခင်ဖြစ်သူ ဒေါ်စန္ဒာဝင်းက ဧရာဝတီသို့ ပြောသည်။
“လစာတွေ တိုးနေပြီ၊ ငါတို့တောင်မှ အခု လစာကနေ နှစ်ဆတိုးပြီလို့ ပြောပြီး ဆွယ်သွားတယ်”ဟု ၎င်းက ဆိုသည်။
ဒုတကြပ်နိုင်ဝင်းက လစာငွေ ကျပ် ၆၀၀၀၀ ရရှိမည်ဟု ပြောဆိုပြီး ၎င်း၏ စစ်ယူနီဖောင်းကို မောင်ကျော်မင်းထွန်းအား ၀တ်ဆင် ပေးကာ ခေါ်ဆောင်သွားခြင်း ဖြစ်ကြောင်း၊ မောင်ကျော်မင်းထွန်းသည် လက်တဘက် မသန်သည့် ဒုက္ခိတ တဦးဖြစ်ပြီး ကျန်းမာရေးလည်း မကောင်းကြောင်း မိခင်ဖြစ်သူက ပြောပြသည်။
ဒေါ်စန္ဒာဝင်းသည် သားဖြစ်သူအား ပြန်လည် ခေါ်ဆောင်ရန် အတွက် ၂ ရက်တိုင် ခလရ ၈၃ သို့ သွားသော်လည်း တာဝန်မှူးက တွေ့ဆုံခွင့် မပေးဘဲ ဆူပူကြိမ်းမောင်း၍ ပြန်လွှတ် လိုက်ကြောင်း သိရသည်။
ကလေးစစ်သား စုဆောင်းမှုနှင့် ပတ်သက်၍ မကြာသေးမီက စစ်အစိုးရနှင့် အပြည်ပြည်ဆိုင်ရာ အလုပ်သမား အဖွဲ့ချုပ် (ILO) အမှုဆောင် ညွှန်ကြားရေးမှူး ကယ်ရီ တာပီအိုလာ တို့ ကလေးစစ်သား စုဆောင်းမှုနှင့် ပတ်သက်သည့် သဘောတူညီမှု လက်မှတ် ရေးထိုးခဲ့ကြောင်း၊ သက်ဆိုင်ရာ အထက်လူကြီးများမှ သဘောတူညီ ထားသည့် စာချုပ်ကို အောက်ခြေ အရာရှိအရာခံ အကြပ် တပ်သားများက ဖျက်ဆီးနေခြင်း ဖြစ်ကြောင်း ကလေးစစ်သား စုဆောင်းမှုများ အတွက် လိုက်ပါဆောင်ရွက် နေသည့် ပဲခူးမြို့ မှ ရှေ့နေကြီး ဦအေးမြင့်က ပြောသည်။
“အမေနဲ့သား နှစ်ယောက်တည်းရှိပြီး ရောဂါသည်ကိုလည်း မရှောင်ဘူး ခေါ်သွားတယ်၊ မိသားစုဘ၀ကို ဖျက်ဆီးတာပဲ၊ အညာဒေသမှာ ကလေးစစ်သား စုဆောင်းမှုက ပြန်ပေးဆွဲသလို ဖြစ်နေတယ်”ဟု ၎င်းကဆို သည်။
ကလေးစစ်သားနှင့် ပတ်သက်၍ ၂၀၀၉ ခုနှစ်က အမှုပေါင်း ၁၂၁ မှုရှိကြောင်း၊ ယခုအမှုသည် ၂၀၁၀ ခုနှစ်အတွက် ဒုတိယ အကြိမ်မြောက် တိုင်ကြားသည့် အမှုဖြစ်ကြောင်း၊ ပြစ်မှုကျုးလွန်သူ များကို အရေးယူမှ သာလျှင် ကမ္ဘာ့အလယ်တွင် နာမည်ကောင်း ရမည်ဖြစ်သည်ဟု ဦးအေးမြင့်က ပြောသည်။
ပဲခူးတိုင်းအတွင်း ကလေးစစ်သား စုဆောင်းခံရမှုနှင့် ပတ်သက်၍ စစ်အစိုးရ၏ သက်ဆိုင်ရာ ၀န်ထမ်းများသာမက နိုင်ငံရေးအဖွဲ့ အစည်းဖြစ်သည့် အမျိုးသား ဒီမိုကရေစီ အဖွဲ့ချုပ် ကလည်း ၀ိုင်းဝန်းကူညီ ဆောင်ရွက် ပေးကြောင်း သိရသည်။
အဓမ္မကလေးစစ်သား စုဆောင်းမှုနှင့် ပတ်သက်၍ ILO သို့ တိုင်ကြားမှုသည် ၂၀၀၉ ခုနှစ် အတွင်းတွင် ပိုမိုများပြား လာကြောင်း ကယ်ရီ တာပီအိုလာ ကလည်း ဧရာဝတီသို့ ပြောသည်။
ပြီးခဲ့သည်နှစ် မတ်လက ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း မှ ကုလသမဂ္ဂ လုံခြုံရေး ကောင်စီသို့ ပေးပို့သည့် ကလေးသူငယ်များနှင့် လက်နက်ကိုင် ပဋိပက္ခဆိုသည့် အစီအရင် ခံစာတွင် နိုင်ငံတကာ အလုပ်သမား အဖွဲ့သည် မိမိသဘော ဆန္ဒမပါဘဲ စုဆောင်းခြင်း ခံထားရသည့် ကလေးသူငယ် ၂၃ ဦး လွတ်မြောက်ရေး အတွက် ဆောင်ရွက် နိုင်ခဲ့ကြောင်း၊ ထိုအထဲတွင် နိုင်ငံတကာ ကြက်ခြေနီ ကော်မတီနှင့် ပူးပေါင်းပြီး ကယ်တင်နိုင်ခဲ့သည့် ကလေး ၁၂ ဦးရှိကြောင်း သိရသည်။ တခြားသော ကလေး ၁၄ ဦးနှင့် ပတ်သက်ပြီး ဆက်လက် ဆောင်ရွက်ရန် အတွက် အစိုးရများထံမှ တုံ့ပြန်ချက်ကို စောင့်ဆိုင်း နေကြောင်းလည်း ပါရှိသည်။
