ဒါလား ခေတ်မှီဖွံ့ဖြိုးတိုးတက်တဲ့ တက္ကသိုလ်ကျောင်း

Submitted by Karen Information Center on January 21, 2010 – 3:58 am
ပြည်သူ့အသံ

မြန်မာနိုင်ငံရဲ့ ပညာရေးစနစ်ဟာ အခြားအိမ်နီးချင်းနိုင်ငံတွေရဲ့ ပညာရေးစနစ်နှင့်ယှဉ်ရင် များစွာ ကွာခြားနေပါတယ်။ မြန်မာ့ပညာ ရေးက အထက်တန်းမှာပဲ အဆင့်မြင့်ပညာရေးစနစ် သတ်မှတ်ထားတာ တက္ကသိုလ်အဆင့် ပညာရေးကတော့ လုံးဝ အဆင့်မမှီပါ ဘူး။ ဘာဖြစ်လို့လဲဆိုတော့ ကျမတို့ ကရင်ပြည်နယ် ဖားအံတက္ကသိုလ်မှာဆိုရင် အထူးသဖြင့် ဆရာ၊ ဆရာမတွေရဲ့ လာဘ်စားမှု တွေနဲ့ ကျောင်းသူ ကျောင်းသား တွေရဲ့ မသမာမှုတွေက ပြည့်နှက်နေတယ်လေ။ ကျောင်းမှန်မှန်မတက်ဘဲ စာမေးပွဲမှာ အောင်မှတ် တောင်မရတဲ့သူတွေက လွတ်လွတ်ကျွတ်ကျွတ် အောင်သွားကြတာ မအံ့သြဘူးလား။ တချို့ အောင်မှတ် ရလုရခင် ကျောင်းသား တွေတောင် အောင်စာရင်းထွက်တော့ အမှတ်ကောင်းကောင်းနဲ့ အောင်သွားကြ တယ်လေ။ တချို့ဆိုရင် တစ်ပတ်မှတစ်ခါပဲ ကျောင်းတက်ပြီး စာမေးပွဲမှာ လက်၊ အင်္ကျီ၊ ဘောင်းဘီတွေထဲ မိုက်ခရိုတွေနဲ့ကပ်ပြီး ခိုးကူးချထားတော့ စာကို အပုဒ်စေ့တောင် ဖြေနိုင်ကြတယ်လေ။

စာမေးပွဲအခန်းဝက ဆရာမတွေကလည်း သေချာမစစ်ဆေးတာလား။ မသိချင်ယောင်ဆောင်တာလားတော့ မသိ။ ကျောင်းသား တွေအတွက်တော့ အခွင့်ထူးပါပဲ။ စာမေးပွဲဖြေပြီးတဲ့အခါကျရင်လည်း ကိုယ်ဖြေမရတဲ့ ဘာသာအတွက် သက်ဆိုင်ရာ ဆရာတွေဆီ မှာ အောင်မှတ်ဖြည့်ပေးဖို့ လက်ဆောင်ပစ္စည်းတွေနဲ့ လာဘ်သွား ထိုးရသေးတယ်။ တချို့ဆရာတွေဆို လက်ဆောင်တန်ဘိုးကို တောင် သတ်မှတ်ထားတာ။ တချို့က နည်းမသိ ဘဲ လိုက်ကြတော့ ပိုက်ဆံ အလကားကုန်ပြီး အောင်စာရင်းမှာ နာမည်က ပါမလာဘူး။ အချို.ဆရာ၊ ဆရာမ တွေက သူတို့သင်ကြားတဲ့ ကျူရှင်တွေမှာ စာမေးပွဲမှာပါနိုင်တဲ့ မေးခွန်းတွေကို ကွက်တိပေးထား တယ်။ ကျူရှင်မတက်သူတွေကိုတော့ မေးခွန်းခက်ခက်မေးမယ်လို့ ခြိမ်းခြောက်ပြောတော့ ကျောင်းသားတွေလည်း ကြောက်အား လန့်အားနဲ့ အပြေးအလွှား ကျူရှင် တက်ရတော့တာပေါ့။ ဒါလည်း ဆရာမတွေအကွက်ပဲလေ။

တချို့ဆရာမတွေဆို သူတို့ကျူရှင်ကိုတက်ဖို့ တပည့်တွေကို လိုက်စုရင်းနဲ့ အချင်းချင်း မတည့်ကြတော့ဘဲ စောင်းမြောင်းပြောကြ သလို ကျူရှင်လခ အဝေမတည့်ဘဲ စကားများကြလို့ တိတ်တိတ်လေး ဖြေရှင်းရတာလည်း ရှိသေးတယ်။ အခုခေတ် တက္ကသိုလ် ကျောင်းသားတွေက ကျောင်းစာကို ပုံမှန်မလုပ်ဘဲ အပျော်ကျူးနေတာပဲ။ စာမေးပွဲနီးမှသာ စာကိုကုန်းကျက်၊ ဆရာမတွေဆီ သွားပြီး စပေါ့တောင်း၊ ဆရာတွေက ဒါပါမယ် ဒါကျက်ဆိုပြီး ဆရာကျင့်ဝတ်တွေ ချိုးဖောက်နေကြတာ။ ပြီးရင် တပည့်တွေကို ဟိုပို့ ခိုင်း၊ ဒီပို့ခိုင်းနဲ့။ သူတို့အလိုမကျရင် အကြောင်းရှာပြီး အပြစ်ပြောတာလည်း ခံရတယ်။ အဆိုးဆုံးကတော့ သူ့တပည့်၊ ငါ့တပည့် ခွဲ ခြားတာပဲ။ ဆရာအချင်းချင်း မတည့်ကြတော့ ကျောင်းသားတွေက ဘယ်သူ့ကို ချဉ်းကပ်ရမှန်း မသိဘဲ အခက်တွေ့နေကြတယ်။ ဆရာ၊ ဆရာမတွေကလည်း ကိုယ့်နဲ့မတည့်တဲ့ ဆရာတွေရဲ့ တပည့်ဆိုရင် စောင်းချိတ်ပြောတယ်။ ဒါ့အပြင် ဂရုတစိုက် မသင်ပေး တော့ ကျောင်းသူကျောင်းသားတွေက ကျောင်းစာကို စိတ်မ၀င်စားတော့ဘဲ အတန်းပြေးတာတွေချည်းဖြစ်နေတဲ့ တက္ကသိုလ် ပညာရေးဟာ ဘယ်လောက်ခေတ်မှီတိုးတက်ပြီး ဘယ်လောက် တုန်လှုပ်စရာကောင်းသလဲဆိုတာ ကျောင်းသူတဦးအနေနဲ့ ရင် ဖွင့်ပြောချင်ပါတယ်။

ဖားအံတက္ကသိုလ်ကျောင်းသူ

ပဲခူးမြို့လယ်ကောင်မှာ ကလေးစစ်သားတွေ စုဆောင်း

23 January 2010
http://www.voanews.com/burmese/2010-01-23-voa4.cfm

မြန်မာနိုင်ငံမှာ ကလေးစစ်သား စုဆောင်းမှု၊ အဓမ္မ လုပ်အားပေး စေခိုင်းမှုလိုမျိုး အခြေအနေတွေကို လေ့လာ အကဲဖြတ်ဖို့ ILO ကမ္ဘာ့အလုပ်သမား အဖွဲ့ရဲ့ အမှုဆောင် ညွှန်ကြားရေးမှူး မြန်မာနိုင်ငံကို ရောက်ရှိနေချိန်မှာပဲ အသက်မပြည့်တဲ့ ကလေးငယ်တွေကို စစ်တပ်ထဲ စုဆောင်းတဲ့ အဖြစ်အပျက်တွေကလည်း ရှိနေဆဲ ဖြစ်ပါတယ်။ မကြာသေးခင်တုန်းက ပဲခူးမြို့ အထက ၃ ကျောင်းက ၁၆ နှစ်အရွယ် ဆယ်တန်းကျောင်းသား တဦးဖြစ်တဲ့ မောင်ဝေဦးချိုကို တပ်သားအဖြစ် စုဆောင်းခဲ့လို့ အခုအခါ မိသားစုက ရန်ကုန်အခြေစိုက် ILO ရုံးကို တိုင်ကြားဖို့ လုပ်နေပါတယ်။ အပြည့်အစုံကို မအေးအေးမာက တင်ပြပေးထားပါတယ်။

ပဲခူးမြို့ ဇိုင်းဂနိုင်းတောင်ပိုင်း ပုလဲလမ်းမှာ နေထိုင်နေတဲ့ ဆယ်တန်းကျောင်းသား မောင်ဝေဦးချိုကို ခမရ ၂၁၂ က တပ်သားက ဇန်န၀ါရီလ ၁၄ ရက်နေ့က စစ်သားအဖြစ် စုဆောင်းသွားခဲ့ပုံကို မိခင်ဖြစ်သူ ဒေါ်နွယ်နွယ်က အခုလို ပြောပြပါတယ်။

“ကျမ ညနေ အလုပ်ကပြန်လာတော့ ကျမရဲ့ အမတွေဆီ ဖုန်းဆက်တော့ ဖုန်းဆက်တယ်တဲ့၊ နင့်သား စစ်ထဲဝင်သွားပြီလို့ ပြောတယ်တဲ့၊ မနက်ကတဲ့ ဆိုတော့ ဒုက္ခပဲဆိုပြီး စုဆောင်းရေးကို ကျမ ညဘက်ကြီးသွားတယ်။ သွားတော့ မနက် ၉ နာရီခွဲလောက်က ဒီကလေး လာသွားတယ်တဲ့။ တပ်သားတယောက်နဲ့ လာသွားတယ်တဲ့၊ အဲဒါနဲ့ သူတို့ အရပ်တိုင်းလိုက်တယ်။

“ပြီးတော့ ၈ တန်းတုန်းက ကျောင်းသားကတ်ကလေး၊ အဲဒီတုန်းက ကလေးရုပ်လေးနဲ့ပေါ့၊ အသက်ကိုလည်း သူတို့ ကြည့်လိုက်တယ်တဲ့။ ကြည့်လိုက်တော့ သူတို့က ငယ်တယ်ဆိုပြီး ပြန်လွှတ်လိုက်တယ်တဲ့။ အဲဒါနဲ့ တပ်သားက သူတို့ ၂၁၂ တပ်ထဲမှာပဲ မွေးထားတော့မယ်ဆိုပြီး လည်ပင်းဖက်ပြီး ခေါ်သွားပါတယ်တဲ့။ အဲဒီတပ်သားရဲ့ ပုံပန်းသဏ္ဌာန်ကို တပ်ကြပ်ကြီး မိုးသူက သိပါတယ်တဲ့။ နာမည်တော့ မမေးထားလိုက်မိဘူးတဲ့။”

ပဲခူးမြို့အခြေစိုက် တပ်မ ၇၇ ကိုလည်း သားဖြစ်သူ အသက်မပြည့်ဘဲ စစ်သားအဖြစ် စုဆောင်းခံရမှုကို အကြောင်းကြား တိုင်ကြားခဲ့ပေမဲ့ ဘာမှ ထူးခြားမလာဘူးလို့ ဆိုပါတယ်။ ပဲခူးမြို့ စုဆောင်းရေးကလည်း ရှာပေးမယ်လို့ ဆိုပေမဲ့ ၂၀ ရက်နေ့အထိ ဘာမှ ထူးခြားမလာခဲ့ဘူးဆိုပြီး မိခင်ဖြစ်သူက ပြောပြပါတယ်။ ဒီ့နောက် ဒညင်းကုန်း စုဆောင်းရေးတပ်ကို သွားရှာခွင့် ပေးခဲ့ပေမဲ့ သားဖြစ်သူကို ဘယ်လိုမှ ရှာမတွေ့တော့ဘူးလို့ ဆိုပါတယ်။

သူမအနေနဲ့ အသက်မပြည့်သေးတဲ့ သားဖြစ်သူကို ပြန်တွေ့လိုတဲ့ ဆန္ဒတွေနဲ့ ရှာဖွေနေချိန်မှာ အာဏာပိုင်တွေဘက်က တခြား အဖွဲ့အစည်းတွေကို အကြောင်းမကြားဖို့၊ မီဒီယာတွေနဲ့ မဆက်သွယ်ဖို့တွေကို ပြောဆိုခဲ့တယ်လို့ ဆိုပါတယ်။ နောက်ဆုံးမှာတော့ မိခင်ဖြစ်သူက ပဲခူးမြို့က ရှေ့နေကြီး ဦးအေးမြင့်ထံ သွားရောက်ပြီး သားဖြစ်သူ ပြန်ရရှိရေး ILO ကို အကြောင်းကြားပေးဖို့ မေတ္တာရပ်ခံခဲ့ပါတယ်။

မိခင်ဖြစ်သူအနေနဲ့ သားဖြစ်သူကို စစ်တပ်က စုဆောင်းခြင်းဟာ အရွယ်မရောက်သေးတဲ့ ကလေးကို အညွန့်ချိုးလိုက်သလို ဖြစ်တဲ့အတွက် အာဏာပိုင်တွေဘက်က ကိုယ်ချင်းစာကြဖို့လည်း အခုလို ပြောသွားပါတယ်။

“အဲဒါနဲ့ ကျနော်က လုပ်သင့်တဲ့ဟာ လုပ်ရမှာပဲလို့။ အခုဥစ္စာ ကျနော် ဗိုလ်ကြီးတို့ကို အချိန်ပေးထားပြီးပြီလို့၊ သားလေးကလည်း တဖြည်းဖြည်း အချိန်နီးကပ်လာတဲ့အတွက် သူတို့ မီဒီယာကို မတိုင်ပါနဲ့လို့ ပြောထားတဲ့အတွက် ကျမ သူတို့ကိုလည်း chance ပေးထားပြီးပြီ။ ဒီကြားထဲမှာ ကျမရဲ့ ဆန္ဒလေးကို ဘာမှ ဖြည့်မပေးနိုင်တဲ့အတွက် ကျမ မိခင်တယောက်ရဲ့ ခံစားချက်တွေနဲ့ စားလို့လည်း မ၀င်၊ အိပ်လို့လည်း မပျော်ဘူး။ သားသမီးချင်း ကိုယ်ချင်းမစာဘဲ သူတို့ရဲ့ လုပ်ဆောင်ချက်တွေ ကျမ မခံစားနိုင်တော့ဘူး။

“အခု ကျမသားလေးကလည်း အမှတ် ၃ အထကမှာ ပညာသင်နေတဲ့ ကလေးလည်း ဖြစ်တဲ့အပြင် ပညာရေးလည်း ကောင်းပါတယ်။ ကျမသားလေးက အလုံးအဖန်လေးလည်း ကောင်းတယ်၊ အားကစား လှုပ်ရှားမှုအတွက် ကြွက်သားလေးတွေ၊ ရင်အုပ်မောက်တာလေးတွေ၊ အရပ်အမောင်းလေးလည်း ရှိတယ်။ အဲဒီအတွက် ကျမ သူတို့တပ်ထဲပဲ သွင်းမှာပါ။ ဒါပေမဲ့ ဒီလိုအခြေအနေမျိုးနဲ့ ကျမသားလေးရဲ့ အညွန့်ကို ကျမ အချိုးမခံနိုင်ဘူး။”

မောင်ဝေဦးချို စစ်သားအဖြစ် စုဆောင်းခံရချိန်မှာပဲ ILO ရဲ့ အမှုဆောင် ဒါရိုက်တာ မြန်မာနိုင်ငံကို ရောက်ရှိနေချိန်နဲ့ တိုက်ဆိုင်နေတာမို့ သူနဲ့လည်း ရှေ့နေကြီး ဦးအေးမြင့်က တွေ့ဆုံဖို့ ရှိနေပါတယ်။ ဒီကိစ္စနဲ့ ပတ်သက်ပြီး အထောက်အထားတွေနဲ့ တင်ပြသွားမှာ ဖြစ်ကြောင်း ရှေ့နေကြီး ဦးအေးမြင့်ကလည်း ပြောသွားပါတယ်။

“ဒါကတော့ တပ်ထဲမှာ မရောက်ပါဘူး။ ရှာတော့ အရှာခံတာပဲ။ ပြီးရင် ဒီလိုပဲ မရှိဘူး၊ မတွေ့ဘူးနဲ့ပဲ ပြောလွှတ်လိုက်တဲ့ကိစ္စ။ ဒီ မောင်ဝေဦးချိုကိစ္စနဲ့ ပတ်သက်လို့ ILO ရုံးကို အမီတင်မယ်။ စနေနေ့မှာ အမှုဆောင် ဒါရိုက်တာနဲ့တွေ့ဖို့ ကျနော်တို့ကို ဖိတ်ထားတဲ့အတွက် ထိပ်တိုက် ပူပူနွေးနွေး ဒီအကြောင်းကို ကလေးဓာတ်ပုံ အထောက်အထားတွေနဲ့ တင်ပြမယ်။

“ကလေးစစ်သား မရှိဘူးလို့ သူကသာ နိုင်ငံတကာ အလယ်မှာ ငြင်းတယ်။ အခု ILO အမှုဆောင် ဒါရိုက်တာ လာတဲ့အချိန်ကျမှ ကလေးစစ်သားပျောက်တယ်။ အရင်တုန်းက တောနေလူတန်းစားနဲ့ အလုပ်သမား လူတန်းစား၊ အခြေနိမ့်နေတဲ့ လူတွေရဲ့ သားသမီးတွေ ကျောင်းတက်နေတာ အဆွဲခံရတယ်။ အခု ပဲခူးမြို့လယ်ကောင်ကြီး၊ အမှတ် ၃ ဆိုတာ တပြည်လုံး Top Ten ၀င်နေတဲ့ ကျောင်း၊ အဲဒီမှာတက်နေတဲ့ ကျောင်းသားတယောက်ကို စစ်သားက အသက်မပြည့်ဘဲနဲ့ စစ်သားအဖြစ် စုဆောင်းသွားတာ မိခင် ဘယ်လောက် ရင်ကျိုးပြီလဲ။”

ပဲခူးတိုင်းမှာတော့ ကလေးစစ်သားအဖြစ် စုဆောင်းခံရတဲ့အခါ တိုင်ကြားဖို့ ရှေ့နေကြီး ဦးအေးမြင့် ရှိနေတဲ့အတွက် သတင်းတွေ ဆက်တိုက်ကြားနေရသလို ဦးအေးမြင့် ဦးဆောင်တဲ့ လမ်းပြကြယ်အဖွဲ့ကို တိုင်ကြားတဲ့ ကလေးဦးရေဟာ ၁၂၁ ဦး ရှိသွားပြီ ဖြစ်ပါတယ်။ သတင်းမကြားပေမဲ့ ကလေးတွေ စစ်သားအဖြစ် စုဆောင်းခံရမှုတွေဟာ တိုင်းနဲ့ပြည်နယ် နေရာအနှံ့မှာ အများအပြား ဖြစ်ပေါ်နေဆဲ ဖြစ်ပါတယ်။

ပုဂ္ဂလိကပိုင် မီးစက်များကို ပိတ်ခိုင်းသဖြင့် ကျောင်းသားထောင်ချီ၍ အခက်အခဲဖြစ်

ပုဂ္ဂလိကပိုင် မီးစက်များကို ပိတ်ခိုင်းသဖြင့် ကျောင်းသားထောင်ချီ၍ အခက်အခဲဖြစ်
http://www.narinjara.com/detailsbur.asp?id=2271
1/18/2010
ရခိုင်ပြည်နယ် မောင်တောမြို့တွင် ပုဂ္ဂလိက မီးပေးဝေနေသော မီးစက်များကို အထက် အာဏာပိုင်များက ပိတ်ခိုင်းလိုက်သဖြင့် စာမေးပွဲနီးနေသော ကျောင်းသားများ အနေဖြင့် ညအချိန် စာဖတ်ရာတွင် အထူး အခက်အခဲ ကျရောက် ဖြစ်ပေါ်နေရသည်ဟု အမည်မဖေါ်လိုသူ ကျောင်းသားမိဖ တဦးက ပြောသည်။

“ခရိုင်ဥက္ကဌ ဦးအောင်ဆွေညွန့် အမိန့်နဲ့ ပုဂ္ဂလိက မီးစက်တွေကို ပိတ်ခိုင်းလိုက်တာ ဖြစ်ပါတယ်။ စာမေးပွဲ နီးနေချိန်မှ ခုလို လုပ်လိုက်တာကြောင့် မြို့ပေါ် နေထိုင်တဲ့ ကျောင်းသားတွေ ညအချိန် စာဖတ်တဲ့နေရာမှာတော်တော်ကို အခက်အခဲ ဖြစ်သွားပါတယ်။” ဟု သူက ပြောသည်။

ယခုကဲ့သို့ ပုဂ္ဂလိက မီးပေးနေမူကို ပိတ်ခိုင်းလိုက်ခြင်းမှာ EPC ခေါ် လျှပ်စစ်ကော်ပိုရေးရှင်းက မီးပေးဝေနေမူကို ၂ နာရီခွဲကနေ ၄ နာရီထိ တိုးမြှင့် လိုက်ပြီ နောက်ပိုင်းတွင် ဖြစ်သည်ဟု သူက ဆက်ပြောသည်။

“ မောင်တောမြို့မှာ အခု မီးပေးချိန်ကို ညနေ ၆ နာရီက ၁၀ နာရီထိ တိုးလိုက်ပါတယ်။ အဲသလို တိုးလိုက်တဲ့အတွက် မောင်တောမြို့ပေါ်ရှိ အိမ်တွေအကုန်လုံးကို EPC ကပေးတဲ့ မီးကို ယူစေလိုတာကြောင့် ပုဂ္ဂလိက မီးပေးဝေနေတာတွေကို ရပ်ခိုင်းလိုက်တာ ဖြစ်ပါတယ်။”

မောင်တောမြို့တွင် သာမန် လက်လုပ်စားများ အနေဖြင့် EPC က ပေးသော မီးကို ယူလိုသော်လည်း စရိတ်စခ လွန်စွာကြီးမြှင့်မူကြောင့် မီးယူရန် အခက်ကြုံနေကြသည်။

“ EPC ကမီးကို ယူရင် မီတာအိုး တလုံးကို ကျပ် ၈၀၀၀၀ ပေးရပါတယ်။ တပ်ဆင်ခ၊ ကြိုးခ အပါအ၀င် တခြားပေးတာ ကမ်းတာတွေနဲ့ ဆိုရင် ကျပ် တသိန်းခွဲလောက် ကုန်ပါတယ်။ တနေ့လုပ်မှ တနေ့စားရတဲ့ သူတွေ၊ တနေ့ရှာမှ ကျပ် တထောင်-နှစ်ထောင် ရတဲ့ သူတွေက ဒီလောက်ဈေးကြီးပေးပြီး အစိုးရ မီးကို မသွင်းနိုင်ပါဘူး။ ဒါကြောင့် မီးမယူနိင်ဘဲ အခက်ကြုံနေကြရတာ ဖြစ်ပါတယ်။” ဟု သူက ဆက်ပြောသည်။

ယခုကဲ့သို့ EPC ကပေးသော မီးကို မယူနိုင်သူ မိသားစုမှာ မောင်တောမြို့တွင် သုံးပုံ ပုံ၍ နှစ်ပုံခန့်ရှိသည်ဟု သူက ပြောသည်။ ပုဂ္ဂလိကမှ ဖြန့်ဖြူးနေသော မီးကို ယူပါက မီးချောင်း တချောင်းကို ကျပ် ၃၅၀၀ သာပေးရသဖြင့် အများစုက ပုဂ္ဂလိက ဖြန့်ဖြူးပေးသော မီးကိုသာ လိုချင်နေကြသည်ဟု သိရသည်။

တက်ကနက်မြို့သို့ နေ့ချင်းပြန်သွားလာနေသူ ခရီးသည် အမျိုးသမီးက “ကျွန်မတို့က အစိုးရက ပေးတဲ့ မီးကို လိုချင်ပါတယ်။ ဒါပေမယ့် အလုပ်အကိုင် အဆင် မပြေတဲ့ကြားထဲ ငွေတသိန်းကျော်သွင်းရမယ်ဆိုရင် ဒါက ဘယ်လိုမှ မဖြစ်နိုင်ပါဘူး။ ပုဂ္ဂလိက မီးစက်တွေဆိုရင် မီတာအိုးလည်း မလိုဘူး။ တလဆိုရင် မီးချောင်း တချောင်းကို ၃၅၀၀ ကျပ်ပေးလိုက်ရင် ရပြီ။ ရှုတ်ရှုတ်ထွေး လုပ်စရာ မလိုသလို ပြေစာသွင်းဖို့ ရုံးကို သွားစရာလည်း မလိုပါဘူး။ ပြဿနာလည်း ဘာမှ မရှိဘူး။ မီတာအိုး စောင့်ရှောက်ခလလည်း ပေးစရာမလိုပါဘူး” ဟု ပြောသည်။

မောင်တောမြို့တွင် ထိုကဲ့သို့ ပုဂ္ဂလိက မီးပေးဝေနေမူကို ရပ်ခိုင်းလိုက်သော အချိန်မှာ ကျောင်းသားများ၏ စာမေးပွဲနှင့် နီးကပ်လာချိန် ဖြစ်သဖြင့် မိသားစု သုံးပုံ နှစ်ပုံ၏ သားသမီးများမှာ ညအချိန်တွင် ဖယောင်းတိုင် အလင်းကို အားကိုးပြီး စာဖတ်နေကြရသည်ဟု အဆိုပါ ကျောင်းသား မိဖက ပြောသွားခဲ့သည်။

ဖမ်းဆီးမည်ဟူသော ကောလဟာလကြောင့် စာသင်သားများ ထိန့်လန်နေကြ

Tue 19 Jan 2010, လွတ်လပ်သောမွန်သတင်းအေဂျင်စီ
မွန်ရဟန်းပျိုတစ်ပါး ၂၀၁၀ ရွေးကောက်ပွဲ ဆန့်ကျင်သည့် လှုပ်ရှားမှုကြောင့် အဖမ်းခံရပြီး နောက်တွင် ရဟန်းပျိုများအား နောက်ထပ်ဖမ်းဆီးမည်ဟူသော ကောလဟာလသတင်းများ ပျံ့နှံ့နေခြင်းနှင့် မော်လမြိုင်-ရေး အဝေးပြေးလမ်းမပေါ်ရှိ ဂိတ်များတွင် ဂိတ်စောင့်ရဲများနှင့် စစ်သားများက ခရီးသွားသံဃာတော်များ၏ သာသနာဝင်ကဒ်ပြား (မှတ်ပုံတင်) များကို စစ်ဆေး မေးမြန်းနေခြင်းကြောင့် စာသင်တိုက်များရှိ စာသင်သားများ ထိန့်လန့်နေကြကြောင်း သိရသည်။

“အခု သံဖြူဇရပ် နဲ့ မုဒုံဘက်က စစ်ဆေးရေးဂိတ်တွေမှာ သံဃာတွေရဲ့ မှတ်ပုံတင်တွေကို စစ်ဆေးနေတယ် ၊ အထူးသဖြင့် မွန်ရဟန်းပျိုများဟာ ပိုပြီးတော့ စစ်ဆေးမေးမြန်း ခံရတယ်” ဟု ရေးမြို့ဘက်သို့ ဆင်းသွားသော မွန်ရဟန်းပျိုတစ်ပါးက မိန့်ကြားသည်။

မော်လမြိုင်ရှိ မွန်ပရိယတ္တိစာသင်တိုက်တစ်တိုက်သို့ ဆက်သွယ်လျှောက်ထားခဲ့ရာ “အရှင်ဥက္ကံသ (ဦးဇင်းဇော်လတ်) ဖမ်ဆီးခံရတာနဲ့ ပတ်သက်ပြီးတော့ ကျောင်းကို လာပြီးမေးမြန်းစစ်ဆေးတာ မရှိသေးဘူး၊ ကျောင်းကို စောင့်ကြည့်တာလည်း မရှိဘူး၊ ဒါပေမယ့် စာသင်သားတွေက ထိန့်လန့်နေကြတယ်” ဟု ထိုစာသင်တိုက်မှ ဘုန်းတော်ကြီးတစ်ပါးက မိန့်ကြားသည်။

“အခြေအနေက ဘာမှ မထူးသေးဘူး၊ အတိအကျတော့ ဘာမှမသိရသေးဘူး၊ ကျန်တဲ့ ဘုန်းကြီးတွေကို လိုက်ဖမ်းမယ်၊ ဟိုတစ်ပါး ပါသွားပြန်ပြီ၊ ဒီတစ်ပါး ပါသွားပြန်ပြီ၊ အဲဒီလိုပဲ ကောလဟာလတွေ ကြားနေရတယ်” ဟု မော်လမြိုင်မြို့ပေါ်မှ လူငယ်တစ်ဦးက ပြောသည်။

မော်လမြိုင်မြို့ပေါ်ရှိ စာသင်တိုက်များအား အာဏာပိုင်များက မေးမြန်းစောင့်ကြည့်မှုများ မရှိသော်လည်း အရှင်ဥက္ကံသ သီတင်း သုံးသည့် မုဒုံမြို့နယ် နှင့် အဖမ်းခံရသည့် သံဖြူဇရပ်မြို့နယ်များတွင် ဘုန်းတော်ကြီးကျောင်းများ စောင့်ကြည့်ခံနေရကြောင်း အစောင့်ကြည့်ခံရသည့် ကျောင်းတစ်ကျောင်းမှ သံဃာတော်တစ်ပါးက ပြောသည်။

“စောင့်ကြည့်နေတာ ရှိတယ်၊ အဓိကကတော့ ဦးဇင်းဇော်လတ် ဝင်ထွက်သွားလာနေတဲ့ ကျောင်းတွေကို လိုက်ပြီး စောင့်ကြည့် တာ၊ သံဃာဆိုတာက ဟိုဘုန်းကြီးကျောင်းဝင် ဒီဘုန်းကြီးကျောင်းတည်းဆိုတာ ဓမ္မတာပဲလေ၊ ဘာမှလည်း မဟုတ်ပါဘူး၊ သံဃာတော်တွေကို ကြောက်အောင် စိတ်ဓါတ်စစ်ဆင်ရေး လုပ်တာပဲ” ဟု မုဒုံမြို့နယ်မှ အထက်ပါသံဃာတော်က မိန့်သည်။

အချို့စာချ ဆရာတော်များက မိမိ၏တပည့် စာသင်သားများ အရှင်ဥက္ကံသ အဖမ်းခံရမှုနှင့် ပါဝင်ပတ်သက်နေမည်ကို စိုးရိမ် နေကြကြောင်း၊ သံဃာတော်များ စာမေးပွဲ ဖြေဆိုချိန် နီးကပ်လာပြီ ဖြစ်၍ ယခုကောလဟာလသတင်းမှာ စာသင်သားများ အတွက် အနှောက်အယှက် ဖြစ်ကြရကြောင်းနှင့် ရဟန်းပျိုများအား နောက်ထပ်ဖမ်းဆီးမည်ဟူသော သတင်းမှာလည်း စစ်အစိုးရက ကောလဟလသတင်းလွှင့်ပြီး လူထုကို ခြောက်လှန့်နိုင်ခြင်း ဖြစ်နိုင်ကြောင်း ဖမ်းဆီးခြင်းကို စောင့်ကြည့်လေ့လာနေသော ရဟန်းပျို တစ်ပါးက မိန့်ကြားသည်။

“စိုးရိမ်တာလောက်ပဲ ရှိတယ်။ နောက်ဆက်တွဲ သံဃာတွေကို ဖမ်းတာ ဘာမှ မကြားသေးဘူး၊ ပတ်သက်တယ်ထင်တဲ့ ဒကာ တစ်ယောက်လောက်ကို ဖမ်းတာလောက်ပဲ ကြားတယ်၊ နအဖ စစ်အစိုးရတွေက သံဃာတော်တွေ အနှောက်အယှက်ဖြစ်အောင် လုပ်တာပဲ” ဟု အထက်ပါရဟန်းပျိုက မိန့်သည်။

ပြီးခဲ့သည့် ၂၀၁၀ နှစ်သစ်ကူးညတွင် မွန်ပြည်နယ် မော်လမြိုင်၊ မုဒုံ၊ သံဖြူဇရပ် စသော မြို့နယ်များ၌ ၂၀၁၀ ရွေးကောက်ပွဲကို ကွန့်ကွက်သည့် ၂၀၁၀ စာလုံးပေါ်တွင် ကြက်ခြေခတ်ခြင်း၊ ( No 2010 ) စာလုံးများရေးသားခြင်း စသော ဆေးမှုတ် လှုပ်ရှားတစ်ခုကို ပြုလုပ်ခဲ့သည်။

ထိုလှုပ်ရှားမှုတွင် အရှင်ဥက္ကံသ ကိုယ်တိုင်ပါဝင်ပတ်သက်နေသည်ဟု အာဏာပိုင်များက မှတ်ယူထားပြီး လွန်ခဲ့သည့် ဇန်နဝါရီလ ၇ ရက်နေ့တွင် အရှင်ဥက္ကံသအား သံဖြူဇရပ်မြို့ ကြံ့ခိုင်ရေးရပ်ကွက်တွင် ရဲများက ဖမ်းဆီးခဲ့သည်။

၂၀၀၇ ခုနှစ် စက်တင်ဘာ ရွေဝါရောင်တော်လှန်ရေး ပြီးချိန်မှစ၍ စစ်အစိုးရက ရဟန်းသံဃာများကို ပိုမို စောင့်ကြည့်မှုများ ပြုလာခဲ့သည်။ မွန်ပြည်နယ် မော်လမြိုင်မြို့တွင်လည်း သံဃာတော်များ ငြိမ်းချမ်းစွာ ဆန္ဒပြခဲ့ပြီး ထိုနှစ်တွင် မုဒုံမြို့နယ် ကမာဝက်ကျေးရွာတွင် နှစ်စဉ်ကျင်းပမြဲဖြစ်သော သံဃာတော်များအား ဆွမ်းဆန်စိမ်းလောင်းလှူပွဲ တစ်နှစ်ရပ်နားခဲ့ရသည်။

၂၀၀၈ နှင့် ၂၀၀၉ ခုနှစ်တွင် မုဒုံမြို့နယ် ကမာဝက်ရွာ ဆွမ်းဆန်စိမ်းလောင်းလှူပွဲ၊ မော်လမြိုင်မြို့နယ် ဖားအောက်ရွာ ဆီဆွမ်း လောင်းလှူပွဲများ ကျင်းပခွင့်ရသော်လည်း စစ်တပ် ရဲနှင့် မီးသတ်များက လုံခြုံရေးများကို တင်းကျပ်စွာ ချထားပြီး စောင့်ကြည့်နေခဲ့သည်။

ဆယ်တန်းတွင် မြန်မာစာ ကျသူ ၂၇ ရာခိုင်နှုန်းရှိဟု ဂုဏ်ထူးဦးသိန်းနိုင် ပြောဆို

မိုးမခအထောက်တော် အမှတ် ၀၀၉
ဇန်န၀ါရီ ၁၇၊ ၂၀၁၀

မြန်မာပြည် ဆယ်တန်းစာမေးပွဲတွင် မြန်မာစာ ဘာသာရပ် ကျရှုံးသူ နှစ်စဉ် ၂၇ ရာခိုင်နှုန်းရှိသည်ဟု နာမည်ကျော် မြန်မာစာ ဆရာကြီး ဂုဏ်ထူးဦးသိန်းနိုင်ကပြောသည်။

တနင်္လာနေ့ထုတ် The Voice ဂျာနယ်နှင့် ဆက်သွယ်မေးမြန်းခန်းတွင် ထိုသို့ ပြောလိုက်ခြင်း ဖြစ်သည်။

ဆယ်တန်း စာမေးပွဲ ခေါ် တက္ကသိုလ်ဝင်တန်း စာမေးပွဲ ဖြေဆိုရန် ရက်ပေါင်း ၆ဝ ခန့်သာ လိုတော့သည်ဟု ဆိုသည်။

အစိုးရစစ် စာမေးပွဲဖြစ်သည့် ဆယ်တန်းစာမေးပွဲသည် မေးခွန်းများ ကြိုတင်မသိရှိရ သောကြောင့် ကျရှုံးသူ အလွန် များပြားသည်။

မြန်မာနိုင်ငံ၏ ပညာရေး အခြေအနေနှင့် ပတ်သက်သည့် သတင်းဆိုးများ ထွက်ပေါ်နေသည်မှာ နှစ်ပေါင်း ၄၀ ၀န်းကျင် ရှိပြီ ဖြစ်သည်။

အစိုးရက ကျောင်းသားများ ပညာတတ်မြောက်ရေးထက် ၎င်းတို့အား ထောက်ခံရေးကိုသာ ဦးစားပေး ဆောင်ရွက်နေသည်ဟု အများက ယူဆကြသည်။

ဆယ်တန်းစာမေးပွဲ အောင်ချက်ကောင်းရေးအတွက် ဖိအားပေးသဖြင့် အဖြေလွှာ စစ်ဆေးသူများကလည်း လျှော့ပေါ့ပြီး စစ်ဆေးကြရသည်ဟူသော သတင်းများလည်း ထွက်ပေါ်နေသည်။

“နအဖစစ်အစိုးရ ပညာရေးစနစ်သည် သူငယ်တန်းမှ (၈) တန်းအထိ ကျရှုံးမှု မရှိ အတန်းတင် ပေးသည့် စနစ် ဖြစ်သည်။ တက္ကသိုလ် ဝင်တန်းများနှင့် ပတ်သက်၍ ဘာသာရပ် အလိုက် အောင်မှတ် (၄ဝ) ရသူများကို အအောင်ပေးသည့် စနစ် ကျင့်သုံးခြင်း မဟုတ်ဘဲ ၎င်းတို့ လိုအပ်သည့် အရေအတွက်ကို လိုက်ပြီး အောင်မှတ်ကို အလျှော့အတင်းလုပ် အအောင်ပေးလေ့ ရှိသည့်အတွက် အချို့နှစ်များတွင် ဘာသာတချို့၏ အောင်မှတ်သည် အမှတ် (၂ဝ) အောက်အထိ ရောက်သွားခဲ့ဖူးသည်” ဟု ခေတ်ပြိုင်သတင်းဌာန၏ ဇွန်လ ၈ ရက်နေ့ သတင်းတပုဒ်တွင် ဖော်ပြထားသည်။

စာဖတ်ခန်း (၁) ဆရာတင်မိုးနှင့် ပညာရေးဆွေးနွေးပွဲ

အိန္ဒိယနိုင်ငံ၊ နယူးဒေလီမြို့
http://www.mizzimaburmese.com/mizzima-tv.html?task=videodirectlink&id=102


Type the rest of your post here.

ဗိုလ်ချုပ်မှူးကြီး၏သမီး နိုင်ငံခြားဘာသာတက္ကသိုလ် တက်ရောက်

စိုးမိုး/ ၁၄ ဇန်န၀ါရီ ၂၀၁၀
http://www.khitpyaing.org/news/January%2010/14110e.php

ဗိုလ်ချုပ်မှူးကြီး သန်းရွှေ၏သမီးတဦးဖြစ်သူ ဒေါ်သန္တာရွှေသည် ရန်ကုန် နိုင်ငံခြားဘာသာတက္ကသိုလ်တွင် အင်္ဂလိပ်စာ အထူးပြု သင်တန်း တက်ရောက်မည်ဖြစ်သည်။

ပြီးခဲ့သည့် ဒီဇင်ဘာ (၄) ရက်နေ့က စတင်ဖွင့်လှစ်သည့် ရန်ကုန် နိုင်ငံခြားသာသာတက္ကသိုလ် တက်ရောက်ခွင့် အတွက် ၀င်ခွင့်စာမေးပွဲ ဖြေဆိုခဲ့ခြင်းမရှိဘဲ ယခု သင်တန်းဖွင့်ပြီး (၁) လကျော်ကြာမှ ကျောင်းတက်ရောက် မည်ဖြစ်သည်။

“သူကျတော့ ၀င်ခွင့်လည်း ဖြေစရာမလိုဘူး။ ကျောင်းဖွင့်တာကကြာပြီ။ အခုမှတက်ရင် ကျောင်းခေါ်ချိန် သူ (၇၅) ရာခိုင်နှုန်း ပြည့်မှာ မဟုတ်ဘူး။ ဟိုတခါ မင်္ဂလာဆောင်တဲ့တယောက်။ သူကြောင့်လေ အတန်း ပြောင်းရတာ” ဟု ရန်ကုန် နိုင်ငံခြားဘာသာ တက္ကသိုလ် တက်ရောက်နေသူတဦးက ပြောသည်။

ဒေါ်သန္တာရွှေ ကျောင်းတက်မည် ဖြစ်သဖြင့် ၎င်းတက်ရောက်မည့် အင်္ဂလိပ်စာ ဒီပလိုမာ သင်တန်းခန်းကို စာသင်ခန်း Hall 1 နှင့် Hall 2 မှ ကျောင်းသားနည်းသည့် LRC ကျောင်းဆောင်သို့ စာသင်ခန်းကို ယမန်နေ့က ပြောင်းရွှေ့လိုက်ကြောင်း သိရသည်။

“ဒီနေ့ စကျောင်းတက်မယ် ပြောတယ်။ ဒါပေမယ့် ဒီနေ့မရောက်လာဘူး။ ပုံမှန်အားဖြင့်တော့ စာသင်ရင် ဆရာ ဆရာမက ကျောင်းသားကို ကြပ်မတ်တာပေါ့။ ကျောင်းချိန်ပြည့်အောင်၊ စာလုပ်အောင် သူ့ကိုတော့ ဘယ်လို သင်ရမလဲ မသိသေးဘူး” ဟု ယင်းတက္ကသိုလ်မှ ဆရာမတဦးက ပြောကြားသည်။

နှစ်စဉ် ဖွင့်လှစ်နေသည့် အင်္ဂလိပ်စာ ဒီပလိုမာသင်တန်းမှာ ကျောင်းလခ (၁၃,၀၀၀) ကျပ်သာ ကျသင့်ပြီး ဒီပလိုမာ လက်မှတ် ရရှိခြင်း၊ မဟာတန်း ဆက်လက် တက်ရောက်နိုင်ခြင်းတို့ကြောင့် ငွေကြေးတတ်နိုင်သည့် ဘွဲ့ရကျောင်းသားများ တက်ရောက်မှု များသည့် သင်တန်းတခုဖြစ်သည်။

ယခုနှစ် ရန်ကုန် နိုင်ငံခြားဘာသာ တက္ကသိုလ် အင်္ဂလိပ်စာ ဒီပလိုမာသင်တန်း ၀င်ခွင့်ရ ကျောင်းသူ ကျောင်းသား (၁၄၇) ယောက် ရှိပြီး ယင်းစာရင်းထဲတွင် ဒေါ်သန္တာရွှေ မပါဝင်ကြောင်း သိရသည်။

လက်ရှိ သင်တန်းတက်ရောက်နေသော ကျောင်းသား ကျောင်းသူများကမူ ဗိုလ်ချုပ်မှူးကြီး၏ သမီးကို ဆရာ ဆရာမများ မည်သို့ စာသင်ကြားမည်၊ ပါမောက္ခများ မည်သို့ ဆက်ဆံမည်ကို စိတ်ဝင်စားနေကြသည်။

“အပေါက်ဆိုးပြီ ခဏခဏ ရစ်တဲ့ဆရာမတွေ သူ့ကို ဘယ်လိုစာသင်မလဲ သိချင်လိုက်တာ” ဟု ယူအက်ဖ်အယ်လ် ခေါ် ရန်ကုန် နိုင်ငံခြားဘာသာတက္ကသိုလ် တက်ရောက်နေသူ ကျောင်းသူက ပြောကြားသည်။

ရန်ကုန် နိုင်ငံခြားဘာသာတက္ကသိုလ်မှာ အထက်တန်းကျောင်းများကဲ့သို့ စည်းကမ်းတင်းကျပ်လှပြီး ကျောင်းချိန် နံနက် (၉) နာရီမှ ညနေ (၃) နာရီခွဲအတွင်း ကျောင်းသားများ ကျောင်းပြင်မထွက်စေရန် အလုံပိတ် ကန့်သတ်ထားသည့်ကျောင်းဖြစ်သည်။

တက္ကသိုလ်အားလုံး မြို့ပြင်သို့ ပြောင်းရွှေ့လိုက်ပြီး နောက်ပိုင်း ရန်ကုန်မြို့တော်တွင်း တက္ကသိုလ်အဖြစ် လူကြိုက်များလာပြီး စည်းကမ်းကြီးလှသည့် ရန်ကုန် နိုင်ငံခြားဘာသာတက္ကသိုလ်ကမူ ဗိုလ်ချုပ်မှူးကြီး၏သမီး ကျောင်းလာတက်ပါက ကျောင်းသား ကျောင်းသူများကြား စည်းကမ်းများ လျှော့ပေါ့ပေးလာရဖွယ်ရှိကြောင်း ယူဆနေကြသည်။

ယူအက်ဖ်အယ် ပါမောက္ခချုပ် ဦးမျိုးမြင့်ဖြစ်ပြီး အင်္ဂလိပ်စာ ဌာနမှူးမှာ ဒေါ်သီတာဦးဖြစ်ကြောင်း သိရသည်။

နိုင်ငံရေးကို စိတ်ဝင်စားဖို့ ၀န်ကြီးချုပ်က ကျောင်းသားတွေကို ပြော

ဇန်န၀ါရီ ၁၁၊ ၂၀၁၀ (The Nation)
Monday, January 11, 2010
http://www.naytthit.com/internationalnews/2010/jan10/bl4-jan11.html

နိုင်ငံရေးကို မကောင်းဆိုဝါးတကောင်လိုမြင်ပြီး ဖယ်နေ မယ့်အစား နိုင်ငံရေးမှာပိုပြီး စိတ်ဝင်စားကြဖို့ စနေနေ့က ၀န်ကြီးချုပ် အဘီဆစ်ဝေ့ချာချီဝက ကျောင်းသားတွေကို ပြောကြားလိုက်ပါတယ်။

ဝန်ကြီးချုပ်က အိုလံပစ်အားကစားပွဲမှာ အနိုင်ရခဲ့တဲ့ ကျောင်းသား ၅ ယောက်ကို ပြောကြားခဲ့တာ ဖြစ်ပါတယ်။ ကျောင်းသားတွေဟာ နိုင်ငံ့ကလေးများနေ့အခမ်းအနားမှာ အစိုးရအိမ်တော်မှာနေတဲ့ ၀န်ကြီးချုပ်ဆီကို သွားရောက် လည်ပတ်ခဲ့ပါတယ်။

သူတို့တွေကို ၀န်ကြီးချုပ်နဲ့အတူ ထိုင်ခုံတခုံတည်း ထိုင်ခွင့်ပေးခဲ့ပါတယ်။

Type the rest of your post here.