အရေပြားရောဂါ ကူးစက်မှုဆိုးရွားခြင်းကြောင့် နို့စို့အရွယ် ကလေးငယ်များအတွက် စိုးရိမ်နေရ

ကို(၂)/ ဇန်န၀ါရီ ၂၈၊ ၂၀၁၀
http://www.ktimes.org/thatin/1-latest-news/548-2010-01-28-10-11-42.html

ကရင်နီပြည် ဖရူဆိုမြို့နယ်အတွင်းရှိ လော်ခုခူနှင့် လောက်ပလဲလျားကျေးရွာတို့သည် အရေပြားရောဂါ ဆိုးရွားစွာ ကူးစက်ပြန့်ပွား နေမှုကြောင့် နို့စို့ကလေးငယ်များအတွက် စိုးရိမ်နေရသည်ဟု ကရင်နီနယ်လှည့် ကျန်းမာရေးအဖွဲ့က ပြောသည်။

လော်ခုခူနှင့် လောက်ပလဲလျားကျေးရွာတို့မှ တရွာလျင် အနည်းဆုံး ၂၀ ဦးထက်မနည်း အရေပြားရောဂါ ကူးစက် ခံရပြီး ထိုထဲမှ ကလေးငယ်များပါဝင်သည်ဟု ဆိုသည်။

၎င်းကျေးရွာတို့သည် ရေရှားပါးပြီး ကျေးရွာနီးနားမှ ရေအိုင်များ သောက်သုံးရေအဖြစ် အသုံးပြုခြင်း၊ အ၀တ်လျှော်ခြင်းများ၊ ရေချိုးခြင်းများ နှင့် တိရိစ္ဆာန်တို့၏ သွားလာ လှုပ်ရှားမှု စားကျက်ဖြစ်သောကြောင့် ယားနာခြင်းများ စသည့်အရေပြားရောဂါ ကူးစက်ခံရခြင်းဖြစ်သည်ဟု နယ်လှည့် ကျန်းမာရေးအဖွဲ့မှ ဆေးမှူးတဦးက ပြောသည်။

၎င်းက “ တိရိစ္ဆာန်တို့နဲ့ ရောနှောပြီး အသုံးပြုကြတာ ရေအိုင်တအိုင်တည်းကို၊ ဒါကြောင့် ရောဂါက နာတာရှည်ရောဂါအဖြစ်သို့ ကူးသွားတာ ဖြစ်တယ်” ဟု ပြောသည်။

ကူးစက်မှုဒဏ်ကြောင့် အလည်ပိုင်းဂွင်ရှိ ဒေါတမကြီး ကျေးရွာမှ ကလေးငယ် ၂ ဦးနှင့် တောလုံ ကျေးရွာမှ ၂ ဦး ယခင် ၂၀၀၉ ခုနှစ်တွင် သေဆုံးသွားခဲ့ပြီး ဒီမောဆိုမြို့နယ်မှ ဒေါဖုအုပ်စုနှင့် ဖရူဆိုမြို့နယ် ကေးလျား ကျေးရွာအုပ်စုတွင်လည်း ထိုရောဂါကူးစက်မှုနှုန်း ဆိုးရွာစွာ ဖြစ်ပွားနေသည်။

“ဒီနှစ်တော့ ရောဂါကူးစက်ခံရလို့ သေသွားတယ်ဆိုတဲ့ သတင်းအတိအကျတော့ မသိရသေးဘူး။ ဒါပေမယ့် ဆိုးဆိုးဝါးဝါးဖြစ်နေသေးတယ် ဆိုတာတော့ ရှိတယ်” ဟု ကရင်နီ နယ်လှည့် ကျန်းမာရေးအဖွဲ့မှ တာဝန်ခံ ခူဒယ်နီယာယ်ကပြောပါသည်။

ကျေးရွာများသည် ဆေးပေးခန်းများမရှိခြင်း ကျန်းမာရေးအတွက် အစိုးရမှ ခန့်အပ်ထားသော ဆေးဆရာ၊မများ တနှစ်တကြိမ်သာ ဆေးဝါးများ လာရောက်ကုသပေးခြင်းများ ရှိခဲ့ပြီး နယ်လှည့် ကရင်နီ လူမှုကယ်ဆယ်ရေး အဖွဲ့မှ ကျန်းမာရေး လုပ်သားများမှလည်း အစိုးရထိန်းချုပ်ထားသည့် နယ်မြေသို့လည်း သွားရောက် ကုသ ပေးခြင်းများ ရှိခဲ့သည်ဟု သိရသည်။ သို့သော် ဆေးလုံလုံလောက်လောက် ကုသပေးနိုင်ခြင်းမရှိဟု ပြောဆိုကြပါသည်။

ရန်ကုန်တက္ကသိုလ် ကျောင်းသားလှုပ်ရှားမှု ဖြစ်ပွား

2010-01-29 RFA
ရန်ကုန် လှော်ကား ကွန်ပျုတာ တက္ကသိုလ် ကျောင်းအာဏာပိုင်တွေက ကျောင်းသားတွေအပေါ် ပြုမူဆက်ဆံတာတွေကို သဘောမကျတဲ့အတွက် ကန့်ကွက်ကြောင်း ကျောင်းတွင်း စာကပ်တဲ့ လှုပ်ရှားမှုတခု ဖြစ်ပွားခဲ့တဲ့အတွက် ဇန်နဝါရီ ၂၈ ရက် မနေ့က ကြာသပတေးနေ့မှာ ကျောင်း အတွင်း ရုတ်ရုတ်သဲသဲ ဖြစ်သွားခဲ့တယ်လို့ မျက်မြင်ကျောင်းသားတွေက ပြောဆိုကြပါတယ်။

ရန်ကုန်မြို့ရှိ တက္ကသိုလ်တခု၏ ဂိတ်ဝတွင် ဝတ်စုံပြာ လုံခြုံရေး ဝန်ထမ်းများ စောင့်ကြပ်နေပုံ ဖြစ်ပါသည်။
(Photo: AFP)


မနက်ပိုင်း ၁ဝ နာရီလောက် ကျောင်းခေတ္တနားချိန်မှာ စာကပ်သွားတာ ဖြစ်တယ်လို့၊ ကျောင်းသားတဦးက RFA ကို အခုလို ပြောပြပါတယ်။
ကျောင်းသားတဦး။ ။ 'ကျောင်းသားသမဂ္ဂကနေပြီးတော့မှ ကြေညာချက်တစောင် ကပ်သွားတယ်ဗျ။ ဘာတွေပါလဲဆိုတော့ ဟိုဟာပေါ့၊ ကျောင်းမှာက ဟို ကျောင်းပတ်လည်လေ၊ ကော်ရစ်ဒါပတ်လည်မှာ သံပန်းတံခါးတွေ ကပ်တယ်၊ အဲဒါကို ကျောင်းသားတွေ မကျေနပ်တဲ့ကိစ္စ၊ အဲဒီအချက်လည်းပါတယ်၊ နောက်ပြီးတော့ ကျောင်းအားကစားကြေး ဆိုပြီးတော့ ကောက်သေးတယ်၊ ချလံမှာ တရားဝင်ကို ကောက်ထားတာ၊ ကျောင်းသားတွေ ပါဝင်ဆင်နွှဲရမဲ့ အားကစားပွဲလည်း မလုပ်ပေးဘူး။ ကျောင်းသားတွေပေါ့နော်၊ ကန်တဲ့ ဘောလုံးကွင်းကိုလည်း အခု ပိတ်ပစ်လိုက်ပြီ။ အဲဒါကို မကျေနပ်တဲ့အတွက် မကျေနပ်ဖူးပေါ့။ ကန့်ကွက်တဲ့ ပြင်းပြင်းထန်ထန် ကန့်ကွက်ကြောင်းဆိုတဲ့ ဥစ္စာလေး ကပ်ထားတယ်ခင်ဗျ။'၂ဝ၁ဝ ခုနှစ်အတွင်း ရွေးကောက်ပွဲလည်း ကျင်းပဖို့ ရှိနေပြီး၊ ကျောင်းသားတွေပေါ်မှာ မယုံသင်္ကာစိတ်နဲ့ ထိန်းချုပ်လို့ လွယ်ကူအောင်၊ ဝင်ပေါက်တပေါက်လောက်ပဲ ထားပြီး၊ အားလုံးကို သံပန်တံခါးတွေနဲ့ ပိတ်ဆိုကာရံလိုက်တဲ့အပေါ် ကျောင်းသားတွေက မကျေနပ်ကြကြောင်းနဲ့ ကျောင်းတွင်းလှုပ်ရှားမှုတွေအဖြစ်၊ fresher welcome လို ကျောင်းသားပွဲတွေက စလို့၊ လှုပ်ရှားမှုတွေ၊ အခမ်းအနားတွေလည်း မရှိတဲ့အတွက် ကျောင်းသားတွေက မကျေနပ်ကြကြောင်း နောက်ထပ်မျက်မြင် ကျောင်းသားတဦးက ပြောဆိုပါတယ်။'ရုတ်ရုတ်ရက်ရက်တော့ ဖြစ်တာပေါ့ဗျာ၊ ကျောင်းသားတွေအနေနဲ့ တော်တော်များများကတော့ အဲဒီမှာ ကျောင်းက နံရံ၊ တံခါးဘောင်တွေပေါ့ အစ်ကိုရာ အဲလိုမျိုးတွေမှာလည်း တွေ့ကြတယ်၊ နောက် အိမ်သာထဲတွေမှာလည်း တွေ့ကြတယ်ပေါ့၊ အဲဒီတော့ အကုန်လုံးကတော့ ဝိုင်းပြီးတော့ ဖတ်ကြတာပေါ့ဗျာ၊ ကျောင်းသားတွေကတော့။ အဓိက ရေးထားတာကတော့ဗျာ၊ ဒီကွန်ပျုတာကျောင်းမှာပေါ့ဗျာ၊ သံပန်းတံခါးတွေ တပ်ထားတယ်ဗျာ၊ ကျောင်းရှေ့ ကော်ရစ်ဒါပေါ့လေ၊ ကော်ရစ်ဒါတွေကို သံပန်းတွေ အကုန်ပိတ်လိုက်တယ်ဗျ။ ကင်တင်းကို သွားတဲ့ဟာတွေကအစ အကုန်လုံး ပိတ်လိုက်တယ်ဗျာ။ အဓိကကတော့ အပေါက်တပေါက်တည်း ထားလိုက်တယ်၊ ထောင်သဘောမျိုး ဖြစ်သွားတာပေါ့ဗျာ။'

စကပ်လို့ ကျောင်းသားတွေ ဖတ်တာကို တွေ့တဲ့အခါ ကျောင်းအာဏာပိုင်တွေက၊ စာရွက်တွေကို ချက်ချင်း ပြန်ခွာသွားကြတယ်လို့ ကျောင်းသားတွေက ပြောပြပါတယ်။ ရန်ကုန် ကွန်ပျုတာတက္ကသိုလ်ဟာ လှော်ကားမှာ ရှိပြီး ကျောင်းသား တထောင်ကျော်လောက်၊ တက်ရောက် သင်ကြားနေတာ ဖြစ်တယ်လို့ သိရပါတယ်။

ကပ်ဘေးသင့် အာရှကလေးများကို စိတ်ဒဏ်ရာကုစားရေး ပညာရှင်များ ဆွေးနွေး

သီရိထက်စံ
28 ဇန်န၀ါရီ 2010 - DVB
နာဂစ်မုန်တိုင်းဘေး အပါအ၀င် အာရှတိုက်က ကပ်ဘေးတွေ သင့်တဲ့ ကလေးငယ်တွေရဲ့ စိတ်ဒ ရာတွေကို ကုစားရေးနဲ့ ပတ်သက်လို့ ပညာရှင်တွေ က ထိုင်းနိုင်ငံ ဘန်ကောက်မြို့ မှာ တွေ့ဆုံဆွေးနွေး နေကြပါတယ်။

ဘန်ကောက်မြို့ အင်ပီရီယယ်ကွင်းပတ်ဟိုတယ်မှာ ဗုဒ္ဓဟူးနေ့ က ကျင်းပတဲ့ ဒီ ဆွေးနွေး ပွဲကို အာရှကပ်ဘေး ကြိုတင်ကာကွယ်ရေးဌာနက ကြီးမှူးဆောင်ရွက် တာ ဖြစ်ပြီး သန်ဘက်ခါ ဇန်န၀ါရီ 29 ရက်အထိကျင်းပါမှာပါ။
ဒီဆွေးနွေးပွဲမှာ ပထမဆုံးရက်က ကလေးစိတ်ပညာရှင်တွေရဲ့  လေ့လာတွေ့ ရှိ ချင်တွေ ကို အကြမ်းဖျင်း ရှင်းလင်းတင်ပြကြပြီး နောက်ရက်တွေမှာ အသေးစိတ် အပြန် အလှန် ဆွေးနွေးကြမှာပါ။

ကပ်ဘေးသင့် အာရှကလေးများကို စိတ်ဒဏ်ရာကုစားရေး ပညာရှင်များ ဆွေးနွေး


စစ်ဘေး သဘာဝဘေးတို့ ကြောင့် စိတ်ဒဏ် ရာဖြစ်နေတဲ့ ကလေးတွေကို လေ့ လာ ကုသ တဲ့ စိတ်ပညာရှင် တွေက သူတို့ ရဲ့ လေ့လာတွေ့ ရှိချက်တွေကို ရှင်းလင်း တင်ပြ ကြပြီး နိုင်ငံတကာ ကျန်းမာရေး ၀န်ထမ်းတွေ အစိုးရ၀န်ထမ်းတွေနဲ့  ကုလသမဂ္ဂ အရာရှိ တွေ တက်ရောက်ပါတယ်။

နာဂစ်မုန်တိုင်းဒဏ် ပြန်လည်ထူထောင်ရေး ကူညီဖို့  မြန်မာပြည်ကို ရောက်ခဲ့တဲ့ ထိုင်း ကျန်းမာရေး ၀န်ကြီး ဌာနက အရာရှိ ဒေါက်တာ ဘန်ဂျပွန်ပညာရုံလည်း ဒီဆွေး နွေးပွဲကို တက်ရောက်ပြီး နာဂစ်မုန်တိုင်း ဘေးသင့် ကလေးတွေရဲ့ စိတ်အခြေအနေနဲ့ ပြုစုကုသတဲ့ အတွေ့ အကြုံတွေကို ရှင်းလင်းပြောပြပါတယ်။

“ကလေးတွေက အစက စကား မပြောကြဘူး၊ ပန်းချီဆွဲရအောင်ဆိုပြီး သူတို့ ကို ပုံဆွဲစကူတွေ ရောင်စုံ ခဲတံတွေ ချပေတော့ သူတို့ ခံစားချက်တွေကို ပန်းချီပေါ်မှာ ဖွင့်အန်ချကြတယ်၊ လေးနှစ်သား ကလေး တစ်ယောက်ဆိုရင် နာရီပုံလေးဆွဲထားတယ် အဲဒီအချိန်က မိဘတွေနဲ့ အတူတူရှိတယ် ၊ အဲဒီအချိန်မှာ နာဂစ် မုန်တိုင်းတိုက်ပြီး နောက် ပိုင်းမိဘဆွေမျိုးတွေ ဆုံးရှုံးခဲ့ရတယ်တဲ့။

“ကလေးလေးတစ်ယောက်ဆိုရင် သူ့ ကို ချစ်ရဲ့လားလို့ လူတိုင်းကို လိုက် မေး နေတာ ခံစားချက်တွေကို ရင်ဖွင့်ပြီးတဲ့နောက်တော့ ကျမတို့ အတူကကြ ကစားကြ တယ် ကလေးတွေရင်ထဲမက ခံစားချက်တွေ ပေါ့ပါးသွားအောင် စိတ်ထားနည်းလေး တွေ ပြောပြရတယ်၊ လူတော်လူကောင်းဖြစ်အောင်နေရင် သေသွားတဲ့ မိဘတွေကို စိတ်ချမ်းသာမယ်ဆိုတာမျိုးပေါ့။ သူတို့ မှာ လိုအပ်နေတာ စားဝတ်နေရေး ချည်း မဟုတ်ပါဘူး။ အရေးကြီးဆုံးက သူတို့ လိုအပ်နေတာ က မေတ္တာပါ။

ဘင်္ဂလားဒေ့ရှ် -မြန်မာနယ်စပ်က မြန်မာတိုင်းရင်းသားတွေ ခိုလှုံနေထိုင်တဲ့ ဒုကသည်စခန်းက ကလေးတွေရဲ့ စိတ်ဒ ရာတွေကို လေ့လာခဲ့တဲ့ စိတ်ပညာရှင် ဒေါက်တာ စာရှာ ဘရာတာဒက်ရ်ှက ရှင်းလင်းပြောပြပါတယ်။

’ကလေးတွေကို တနေရာကတနေရာကို ရွေ့ ပြောင်းတော့မယ်ဆိုရင် သူတို့ အ ခြေအနေ အသေးစိတ်ကို ရှင်းပြသင့်တယ်၊ နွေးထွေးမှု လိုအပ်ပါတယ်။ နေရာသစ်မှာ လူစိမ်းတွေနဲ့ တွေ့ ရမဲ့ ကလေးတွေရဲ့ အတွင်းစိတ် မလုံခြုံမှုတွေကို လူကြီးတွေက ဂရုစိုက်ပေးဖို့ လိုပါတယ်။ ပညာပေး အစီအစဉ်တွေကတော့ နိုင်ငံတော် အစိုးရကိုယ် တိုင်က လိုလိုချင်ချင်စီစဉ်ပေးဖို့ အရေးကြီးပါတယ်”။

ဒီဆွေးနွေးပွဲမှာ ဗီယက်နမ် -အမေရိကန်စ်ဘေးဒ ကို ခံစားခဲ့ရတဲ့ ကလေးတွေနဲ့  ဆူနာမီ ငလျင် ရေလှိုင်းဘေး သင့် ကလေးတွေကို ပြန်လည်ထူထောင်ရေး ဆောင်ရွက်ပုံ မှတ်တမ်းတင် သတင်းရုပ်ရှင်တွေလည်း ပြသပါတယ်။

မုန်တိုင်းဘေးမှ လွတ်ခဲ့သည့် ကလေးများ စိတ်ဓာတ်အင်အား လိုအပ်နေ

ဒီဗွီဘီ 5 ဇူလိုင် 2008
နော်အေးဖော ဒီဗွီဘီ သတင်းထောက် ထိုင်း

မုန်တိုင်းဘေးဒဏ် သင့်တာ ၂ လ ပြည့်ပြီတဲ့ ရာဝတီတိုင်းမှာ စိတ်ဓာတ်အင်အား ကုစားဖြည့်ဆည်းပေးဖို့  လိုအပ်နေတဲ့ ကလေးတွေ အများအပြားရှိနေပါတယ်။

ရန်ကုန်ကြည့်မြင်တိုင်မြို့နယ်မှာ သာဓုကျောင်းတိုက်က ရွှေည၀ါဆရာတော် ဦးပညာသီဟ ဦးဆောင်တဲ့ အဖွဲ့ က ပြင်စလူမြို့ နယ်အပါအ၀င် ကျေးရွာတွေမှာ ၇ရက်ကြာ လေဘေးထောက်ပံ့ရေး ဆောင်ရွက်ခဲ့ပါတယ်။ ကလေးတွေက ကြောက်ရွံ့ ထိတ်လန့် နေဆဲဖြစ်ပြီး သားချင်းတွေ ပြန်ရောက်လာ လေမလားလို့  မျှော်နေကြတဲ့ အတွက် မိဘမဲ့ ကလေးတွေကို မွေးစားပြီး ပညာသင် ကြား ပေးဖို့ ကိစ္စ မဖြစ်မြောက်သေးဘူးလို့ ဆရာတော် ဦးပညာသီဟက မိန့်  ပါတယ်။

“ ကြောက်ရွံ့ ထိတ်လန့် စိတ်တွေ၊ နာကျည်းစရာတွေ စိတ်ဝေဒနာတွေ ခံစား ချက်တွေ မပြယ်သေးတဲ့ အတွက် ဘယ်လိုဘဲ နှစ်သိမ့် ဖျောင်းဖျပြီးတော့ အားပေး သိမ်းသိမ်းပြီး ပြောပေမဲ့လည်း မရပါဘူး”
ဆွေမျိုးတွေ ဆရာ ဆရာမတွေ၊ ဘုန်းတော်ကြီးတွေ စတဲ့ ပတ်ဝန်းကျင်က ဖေးဖ ကူညီရင် မိဘမဲ့ကလေးရဲ့ စိတ်ကျန်းမာရေး အခြေအနေ သက်သာရရနိုင်မယ်လို့ ဆရာ တော်က မိန့် ပါတယ်။

မုန်တိုင်းဘေးသင့်ဒေသမှာ အလောင်းးတွေရှိနေဆဲဖြစ်လို့  လူသေအလောင်း 20 ကို သရ ဂုံတင်၊ မီးရှို့ သင်္ဂြိဟ်ပေးခဲ့ ပြီး ကျွဲ နွား တိရစ္ဆာန် 17 ကောင်ကိုလည်း သင်္ဂြိဟ်ခဲ့တယ်လို့  ဆရာတော်က မိန့် ကြားပါတယ်။
ကျန်းမာရေးမကောင်းတဲ့ လေဘေးဒုက္ခသည်တွေကိုလည်း ဆေးဝါးကုသမှုပေး ခဲ့ပြီး ဒေသခံ ဆေးခန်းတွေကိုလည်း လိုအပ်တဲ့ ဆေးပစည်းတွေ လှူဒန်းခဲ့တယ်လို့ ဆ ရာတော်က မိန့် ပါတယ်။

‘ ဆေးကုပေးစရာရှိတာ ဆေးကုပေးတာပေါ့၊ ရေကန်တွေ ညစ်ညမ်းနေတာ သုတ်သင်ပြီးတော့ ဆည်ပေးတာပေါ့၊ ကျောင်းသားတွေကို စာအုပ်စာတမ်းတွေ ထောက် ပံ့ပေးတယ်လေ”
ဆန်၊ ပဲ၊ ဆီ၊ မိုးကာ၊ အိုးခွက်၊ ပေါက်တူး၊ လ္ဂ၊ အ၀တ်အစားစတဲ့ တတ်နိုင်တာ တွေကို ထောက်ပံ့ကူညီခဲ့တယ်လို့ ဆရာတော်က အသိပေးမိန့် ကြားပါတယ်။

လုပ်ငန်းအရင်းအနှီးမရှိတဲ့ သူတွေက မျိုးစပါးရရင်တောင် ကဇင်း( ကန်သင်း) ဘေးမှာ ထိုင်နေရုံဘဲပေါ့၊ လယ်ထွန်စရာစက်ရှိလားဆိုတာ ကိုယ်မပေးနိုင်တဲ့အတွက် ကိုယ်မပေးဘူးလေ” စိုက်စရာကောက်စပါးရှိလား’ ဆိုတာ မမေးဘူးလေ ကိုယ်မှ မပေးနိုင်တာ၊

“ကိုယ်မပေးနိုင်ဘဲနဲ့  သွားမေးလို့ မရှိဘူးဆိုရင် ဘယ်လိုလုပ် စိတ်ကောင်းမှာလဲ၊ ကိုယ်ပေးနိုင်တာကိုဘဲ မေးတယ်၊ မပေးနိုင်တာကို မမေးဘူး၊ သူတို့ လုပ်စားကိုင်စားးတဲ့ ဘ၀အခြေအနေတွေ ဘယ်တော့များမှ ဘာဖြစ်မလဲဆိုတာကို မတွေးဘူး၊ မေးလည်း မမေးဘူး၊ သူတို့ ပြောရင်လည်း “မပြောတော့နဲ့  ရပ်ထား စိတ်အကောင်းမှာ စိတ်ဆင်းရဲ မှာ စိုးလို့ ’

Burmese Soldiers Still Recruit Underage Youth

By LAWI WENG Wednesday, January 27, 2010

The Burmese army is still recruiting underage youth despite the government's agreement with the UN that such practices would stop.

In the latest incident, Kyaw Min Tun, 14, was conscripted by a soldier in Light Infantry Battalion No. 83, based in Migaungye in Taungdwingyi Township in Magway Division.

His mother, San Thar Win, told The Irrawaddy on Wednesday that her son was taken to the battalion on Jan. 19 at 4 p.m. She said a soldier from the battalion persuaded him to join by saying he would receive a 60,000 kyat (US $60) monthly salary.

She has asked the battalion to release her son, she said, but the military has not complied.

Meanwhile, Aye Myint, a leading labor activist in Pegu Division, said that two other underage youths were taken to the same battalion this month. His group, Guiding Star, works on issues involving child recruitment and forced labor.

The group received 121 recruitment complaints last year, but only about one-third of the youth were released, he said.

He said that the Burmese government should punished soldiers who recruit underage youth. Government officials have signed an agreement with the International Labour Organization to stop such recruitment but soldiers in the field continue the practice, he said.

Meanwhile, the Burmese military government has extended an agreement allowing the UN to monitor complaints of underage recruitment for one more year.

Kari Tapiola, the executive director of the ILO in Geneva, told The Irrawaddy by e-mail that the overall number of underage recruitment complaints has increased.

The forced recruitment of children into the military is a problem which has been recognized at a high level. According to the “Annual Report of the UN Secretary-General to the Security Council on Children and Armed Conflict” in March last year, the Burmese junta “continues to screen and release underage children found in its armed forces during the training process.”

The report said the ILO, together with the International Committee of the Red Cross, was instrumental in the release of 12 underage recruits and had verified the release of 23 children “mostly from involuntary military enrollment.” It was waiting for a government response in 14 other cases.

The UN said in its latest report on the situation that the military is still recruiting child soldiers.

The New York-based Human Rights Watch has said that 70,000 underage soldiers are serving in the Burmese armed forces.

Human rights groups say children are recruited at train stations, bus depots, teahouses, video halls and movie cinemas, and even while walking home at night. The groups say the youth are sometimes threatened and beaten if they refuse to agree to undergo military training. After their training, many are sent to areas where the military is in conflict with ethnic groups.

ကလေးစစ်သားများ စစ်တပ်က ဆက်လက်စုဆောင်းနေ

Thursday, 28 January 2010 14:40 ရန်ပိုင်
http://www.irrawaddy.org/bur/index.php/news/1-news/2494-2010-01-28-07-47-52

မြန်မာနိုင်ငံတွင် ကလေးစစ်သား စုဆောင်းခြင်း မရှိဟု စစ်အစိုးရက ပြောဆိုနေ သော်လည်း ကလေးစစ်သား အဖြစ် အဓမ္မ ခေါ်ဆောင်မှုများ ရှိနေသေးကြောင်း သိရသည်။

မကွေးတိုင်း တောင်တွင်းကြီးမြို့တွင် နေထိုင်သည့် အသက် ၁၄ နှစ်အရွယ် မောင်ကျော်မင်းထွန်းအား ဆင်ပေါင်ဝဲမြို့နယ် မိကျောင်းရဲမြို့ အခြေစိုက် ခလရ ၈၃ တပ်ရင်းမှ ဒုတပ်ကြပ် နိုင်ဝင်းဆိုသူက ဇန်န၀ါရီလ ၁၉ ရက်နေ့တွင် ခေါ်ဆောင် သွားကြောင်း မိခင်ဖြစ်သူ ဒေါ်စန္ဒာဝင်းက ဧရာဝတီသို့ ပြောသည်။

“လစာတွေ တိုးနေပြီ၊ ငါတို့တောင်မှ အခု လစာကနေ နှစ်ဆတိုးပြီလို့ ပြောပြီး ဆွယ်သွားတယ်”ဟု ၎င်းက ဆိုသည်။

ဒုတကြပ်နိုင်ဝင်းက လစာငွေ ကျပ် ၆၀၀၀၀ ရရှိမည်ဟု ပြောဆိုပြီး ၎င်း၏ စစ်ယူနီဖောင်းကို မောင်ကျော်မင်းထွန်းအား ၀တ်ဆင် ပေးကာ ခေါ်ဆောင်သွားခြင်း ဖြစ်ကြောင်း၊ မောင်ကျော်မင်းထွန်းသည် လက်တဘက် မသန်သည့် ဒုက္ခိတ တဦးဖြစ်ပြီး ကျန်းမာရေးလည်း မကောင်းကြောင်း မိခင်ဖြစ်သူက ပြောပြသည်။

ဒေါ်စန္ဒာဝင်းသည် သားဖြစ်သူအား ပြန်လည် ခေါ်ဆောင်ရန် အတွက် ၂ ရက်တိုင် ခလရ ၈၃ သို့ သွားသော်လည်း တာဝန်မှူးက တွေ့ဆုံခွင့် မပေးဘဲ ဆူပူကြိမ်းမောင်း၍ ပြန်လွှတ် လိုက်ကြောင်း သိရသည်။

ကလေးစစ်သား စုဆောင်းမှုနှင့် ပတ်သက်၍ မကြာသေးမီက စစ်အစိုးရနှင့် အပြည်ပြည်ဆိုင်ရာ အလုပ်သမား အဖွဲ့ချုပ် (ILO) အမှုဆောင် ညွှန်ကြားရေးမှူး ကယ်ရီ တာပီအိုလာ တို့ ကလေးစစ်သား စုဆောင်းမှုနှင့် ပတ်သက်သည့် သဘောတူညီမှု လက်မှတ် ရေးထိုးခဲ့ကြောင်း၊ သက်ဆိုင်ရာ အထက်လူကြီးများမှ သဘောတူညီ ထားသည့် စာချုပ်ကို အောက်ခြေ အရာရှိအရာခံ အကြပ် တပ်သားများက ဖျက်ဆီးနေခြင်း ဖြစ်ကြောင်း ကလေးစစ်သား စုဆောင်းမှုများ အတွက် လိုက်ပါဆောင်ရွက် နေသည့် ပဲခူးမြို့ မှ ရှေ့နေကြီး ဦအေးမြင့်က ပြောသည်။

“အမေနဲ့သား နှစ်ယောက်တည်းရှိပြီး ရောဂါသည်ကိုလည်း မရှောင်ဘူး ခေါ်သွားတယ်၊ မိသားစုဘ၀ကို ဖျက်ဆီးတာပဲ၊ အညာဒေသမှာ ကလေးစစ်သား စုဆောင်းမှုက ပြန်ပေးဆွဲသလို ဖြစ်နေတယ်”ဟု ၎င်းကဆို သည်။

ကလေးစစ်သားနှင့် ပတ်သက်၍ ၂၀၀၉ ခုနှစ်က အမှုပေါင်း ၁၂၁ မှုရှိကြောင်း၊ ယခုအမှုသည် ၂၀၁၀ ခုနှစ်အတွက် ဒုတိယ အကြိမ်မြောက် တိုင်ကြားသည့် အမှုဖြစ်ကြောင်း၊ ပြစ်မှုကျုးလွန်သူ များကို အရေးယူမှ သာလျှင် ကမ္ဘာ့အလယ်တွင် နာမည်ကောင်း ရမည်ဖြစ်သည်ဟု ဦးအေးမြင့်က ပြောသည်။

ပဲခူးတိုင်းအတွင်း ကလေးစစ်သား စုဆောင်းခံရမှုနှင့် ပတ်သက်၍ စစ်အစိုးရ၏ သက်ဆိုင်ရာ ၀န်ထမ်းများသာမက နိုင်ငံရေးအဖွဲ့ အစည်းဖြစ်သည့် အမျိုးသား ဒီမိုကရေစီ အဖွဲ့ချုပ် ကလည်း ၀ိုင်းဝန်းကူညီ ဆောင်ရွက် ပေးကြောင်း သိရသည်။

အဓမ္မကလေးစစ်သား စုဆောင်းမှုနှင့် ပတ်သက်၍ ILO သို့ တိုင်ကြားမှုသည် ၂၀၀၉ ခုနှစ် အတွင်းတွင် ပိုမိုများပြား လာကြောင်း ကယ်ရီ တာပီအိုလာ ကလည်း ဧရာဝတီသို့ ပြောသည်။

ပြီးခဲ့သည်နှစ် မတ်လက ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း မှ ကုလသမဂ္ဂ လုံခြုံရေး ကောင်စီသို့ ပေးပို့သည့် ကလေးသူငယ်များနှင့် လက်နက်ကိုင် ပဋိပက္ခဆိုသည့် အစီအရင် ခံစာတွင် နိုင်ငံတကာ အလုပ်သမား အဖွဲ့သည် မိမိသဘော ဆန္ဒမပါဘဲ စုဆောင်းခြင်း ခံထားရသည့် ကလေးသူငယ် ၂၃ ဦး လွတ်မြောက်ရေး အတွက် ဆောင်ရွက် နိုင်ခဲ့ကြောင်း၊ ထိုအထဲတွင် နိုင်ငံတကာ ကြက်ခြေနီ ကော်မတီနှင့် ပူးပေါင်းပြီး ကယ်တင်နိုင်ခဲ့သည့် ကလေး ၁၂ ဦးရှိကြောင်း သိရသည်။ တခြားသော ကလေး ၁၄ ဦးနှင့် ပတ်သက်ပြီး ဆက်လက် ဆောင်ရွက်ရန် အတွက် အစိုးရများထံမှ တုံ့ပြန်ချက်ကို စောင့်ဆိုင်း နေကြောင်းလည်း ပါရှိသည်။

'အ'သုံးလုံး အဆင့်တွင်သာ ရောင့်ရဲနေရသည့် သျှမ်းစာပေ သင်ကြားခွင့်( မူဆယ်မြို့ သျှမ်းစာပေနှင့် ယဉ်ကျေးမှုအဖွဲ့ ဥက္ကဌနှင့် အင်တာဗျူး)

သျှမ်းသံတော်ဆင့်
http://www.mongloi.org/burmese/2008-08-03-16-07-27/2008-08-03-16-05-20/662-2010-01-27-03-16-08.html
မေး - မူဆယ်မြို့နယ် သျှမ်းစာပေနှင့်ယဉ်ကျေးမှုအဖွဲ့ရဲ့အခြေအနေ အရင်ဆုံး မိတ်ဆက်ပေးပါလား

ဖြေ - သျှမ်းစာပေနှင့်ယဉ်ကျေးမှုက စတင်ဖွဲ့စည်းတာက ၁၉၆၆ ခုနှစ်ကတည်းကစခဲ့ပြီဗျ ကျနှော်က ၁၄ ယောက်မြောက် ဥက္ကဌပေါ့ အမှုဆောင်အဖွဲ့ဝင် ၃၃ ဦးနဲ့ဖွဲ့စည်းထားပါတယ် လုပ်ငန်းကတော့ နှစ်စဉ်တော့ သျှမ်း အ သုံးလုံးသင်တန်းတွေ ပို့ချပေးတယ် ရပ်ကွက်ထဲမှာရော မြို့နယ်တွင်းက ကျေးရွာတွေမှာရော တစ်ခါတလေ မြို့ရဲ့အပေါ်ပိုင်းမှာကျေးရွာတွေမှာ သွားပို့ချတယ် ကြုံရင်ကြုံသလိုပေါ့ ပုံမှန်တော့မရှိဘူးဗျ တစ်နှစ်ကို တစ်ခါ တလေလည်း တစ်ကြိမ် တစ်ခါတလေလည်း နှစ်ကြိမ် အနည်းဆုံးတော့ တစ်ကြိမ်တော့ဖြစ်တယ်ဗျ တခြားဒေသ တွေ မှာတော့ သူများအကူအညီတောင်းရင် သင်တန်းဆရာတွေပို့ပေးပါတယ် ခင်ဗျ ပြီးခဲ့တဲ့ ၂ဝဝဝ ဝန်းကျင်မှာ တော့ ဗန်းမော်ဘက်မှာ သင်တန်းဖွင့်တော့ ကျနှော်တို့ဆီက သင်တန်းဆရာတွေပို့ပေးတယ် ခင်ဗျ။

မေး - ဗမာစာရေးဆရာတော်တော်များများက မူဆယ်မှာ စာပေဟောပြောပွဲတွေလုပ်နေတာ သိရတော့ သျှမ်း စာပေနဲ့ပတ်သက်ပြီး ဟောပြောပွဲလုပ်တာတို့ သတင်းစာ ဂျာနယ် မဂ္ဂဇင်း စာအုပ်ထုတ်ဝေနိူင်တဲ့ အခြေအနေ ဘယ်လိုရှိလဲ ခင်ဗျ

ဖြေ - ပြီးခဲ့တဲ့လတုန်းက လုပ်တဲ့ စာပေဟောပြောပွဲမှာတော့ ကျနှော်တို့ကို ဖိတ်တယ် သွားတက်ပါတယ် မနေ့ က လုပ်တဲ့ဟာကျတော့ ကျနှော်တို့လည်း ဖိတ်စာမရလို့ မတက်ဖြစ်ဘူး ခေါင်းစဉ်ကတော့ အမိအဖ ကျေးဇူးဆိုပြီးပေးထား တယ် ကျောင်းသားတွေတော်တော်များများ သွားတာတွေ့တယ်ဗျ သျှမ်းစာပေနဲ့ပတ်သက်လို့ ထုတ်ဝေပိုင်ခွင့်က တော့ သတ်သတ်မှတ်မှတ် မမေးမိဘူး ပြီးခဲ့တဲ့ ကျနှော့်အရင် ဥက္ကဌ လက်ထက်က မူဆယ်မြို့သမိုင်း အကျဉ်းဆိုပြီးတော့ ထုတ်ခဲ့ဘူးပါတယ် ရောင်းဖို့လည်းမဟုတ်တော့ ဒီအတိုင်း ထုတ်ဖြစ်ပါတယ် စာအုပ်ထွက် လာတော့အဲဒီစာအုပ်ဘယ်လို ထုတ်သလဲ ခေါ်မေးတာတော့ရှိတယ်ခင်ဗျ ရောင်းဖို့မဟုတ်တော့ ဒီအတိုင်းပဲ ပြီး သွားတယ်ကျန်တဲ့လက်ကမ်းစာစောင် တွေ အနည်းအကျဉ်းတော့ရှိတယ် ကဗျာတို့ဘာတို့ကျတော့ အ သုံးလုံးသင်တန်းမှာပဲဆိုတော့ ကျယ်ကျယ်ပြန့်ပြန့် မရှိဘူး

မေး - သျှမ်းစာပေကို ကလေးငယ်လေးတွေကို သင်ကြားပေးပါသလား

ဖြေ - ကလေးရောလူကြီးရော တစ်ပြိုင်တည်းသင်တာပဲ ဆက်ရှင် ခွဲပြီးတော့ ကလေးဆိုလည်း ကလေးအတန်းခွဲ အလိုက်ပေါ့ ရွာတွေဆင်းပြီးသင်တယ် မြို့ပေါ်မှာလည်း ရပ်ကွက်အလိုက်ဆင်းပြီး သင်တယ် အတန်းကျတော့ သူ
တို့ မှီရင်မှီသလိုလေ သင်တန်းစဖွင့်ပြီဆိုတာနဲ့ အရင်ရောထားလိုက်တယ် အဲလိုရောပြီးတော့ စာအရင်သင် ကြည့်တာပေါ့ လိုက်နိူင်တဲ့လူတွေကို သတ်သတ်ခွဲတယ် မလိုက်နိုင်တဲ့လူတွေကို သတ်သတ်ထားတယ် အဲလိုခွဲ သင်တယ်ကလေးဆိုရင် လည်း စာလိုက်နိူင်ရင် လူကြီးနဲ့ရောသင်တယ် လူကြီးတွေဆိုလည်း ဘာမှ အထောက် အကူမရှိသေးဘူးဆိုရင်ကလေးနဲ့ ရောသင်ပေးတယ် အတန်းရယ်လို့ သတ်မှတ်ထားတာ မရှိပါဘူး အ သုံးလုံး ကျေရုံပဲရော

မေး - ပြဌာန်းချက်စာအုပ်နဲ့ သင်ကြားတဲ့အထဲမှာ သျှမ်းလူမျိုးတွေရဲ့ သမိုင်းတွေသင်ကြားခွင့်ရှိလား

ဖြေ - သျှမ်းစာပေနဲ့ယဉ်ကျေးမှု့အဖွဲ့ ဗဟိုကပေးတဲ့ပြဌာန်းချက်နဲ့ပဲသင်တယ် အ သုံးလုံးကျေဆိုတော့ သမိုင်းတွေဘာတွေ တော့မသင်ဘူးခင်ဗျ အတန်းပညာမရှိတော့ ခက်ဆစ်ပဲသင်တာကိုး အခြေခံပဲ သင်တာ ဆိုတော့ လူကြီးတွေလည်း အခြေခံသင်ချင်တဲ့သူတွေပဲလာသင်တယ် တတ်ပြီဆိုရင်တော့ အ သုံးလုံးကျေ သင် တန်း လာ မတက်တော့ဘူးပေါ့ စာတင်တဲ့အခါမှာ အ သုံးလုံးကျေသင်တန်းအတွက်ပဲ ခွင့်ပြုချက်တောင်းရ တာ အဲလို

မေး - သျှမ်းပြည်ထဲမှာ သျှမ်းစာသင်ကျောင်းတွေ ဖွင့်ခွင့်ရောရှိလား

ဖြေ - ကျနှော်တို့ဒီဘက်အပိုင်းမှာတော့ ကျောင်းဖွင့်တာမတွေ့သေးဘူးဗျ မရှိဘူးဗျ ရပ်ကွက်မှာဆိုရင် ဘုံပိုင် ဇရပ် တွေရှိတာပေါ့ အဲမှာပဲစုပေါင်းပြီးတော့ သင်တယ် ရပ်ကွက်တွေမှာလည်း သာရေးနာရေးလုပ်ဖို့ဇရပ်တွေရှိ တယ် အဲမှာစုပြီးမှပဲသင်တာပေါ့ ကျောင်းဆောက်ပိုင်ခွင့်ကတော့ တင်ကြည့်မှပဲ သိမယ်ထင်တယ် ကျနှော်တော့တစ်ခါမှ မတင်ကြည့်ဖူး သေးဘူး အာဏာပိုင်တွေကတော့ ပိတ်ပင်တာတော့မရှိဘူး တကယ်လို့လုပ်တယ်ဆိုရင်လည်း ပုံမှန်စာတင်ပြီး လုပ်တာပဲလေ သင်ကြားတဲ့အပိုင်းမှာ စိတ်အနှောက်အယှက်ဖြစ်တော့ မရှိပါဘူး

မေး - သျှမ်းယဉ်ကျေးမှုနဲ့ပတ်သက်ပြီးရော ဘာတွေလုပ်ဆောင်နေလဲဗျ

ဖြေ - အကြီးအကျယ်လုပ်တာတော့ သျှမ်းနှစ်သစ်ကူးပေါ့ သျှမ်းစာပေနဲ့ယဉ်ကျေးမှုကပဲ ကမကထ ပြုပြီးတော့
ကျင်းပတာပေါ့ ရပ်ကွက်ပြည်သူတွေ လူကြီးတွေ ရယက တွေအကုန်လုံး ဆုံးဖြတ်ပြီးတော့လုပ်ကြတာပဲလေ အမာခံကတော့ သျှမ်းယဉ်ကျေးမှုအဖွဲ့က ကမကထ လုပ်တာပေါ့ ကျန်တဲ့ဟာတွေကတော့သူ့အပိုင်းနဲ့သူပေါ့ လေ သင်္ကြန်ပွဲလိုဟာမျိုးတွေ ဘေးကနေပဲပံ့ပိုးပေးပါတယ်

မေး - ယဉ်ကျေးမှုနဲ့ပတ်သက်လို့ ဝတ်စားဆင်ယင် ထုံးဖွဲ့မှုတွေ အိမ်ထောင်ပြုခွင့်တွေမှာရော လွတ်လပ်မှု ရှိပါသလား

ဖြေ - လွတ်လွတ်လပ်လပ်ရှိပါတယ် ပြီးခဲ့တဲ့နှစ်ကပဲ မူဆယ်တစ်ခွင်မှာပေါ့လေ ထိမ်းမြားလက်ထပ်ပွဲတွေလည်း တစ်သမတ်တည်း ဖြစ်အောင် ဆိုပြီးတော့ သုံးလေးဖွဲ့ပေါ့လေ အဖွဲ့သဘာပတိတွေပါတယ် သာသနာအဖွဲ့တွေပါ
တယ် ယဉ်ကျေးမှုအဖွဲ့လည်းပါတယ် ကျနှော်တို့စုပေါင်းပြီးတော့ သတ်မှတ်ခဲ့တာ စာအုပ်တစ်အုပ်တော့ ထွက် ထား ပါတယ် မင်္ဂလာဆောင်ရင် ဘယ်အချက်တွေ လိုက်နာရမယ်ဆိုပြီးတော့ပေါ့နော မင်္ဂလာဆောင်တဲ့အချိန်မှာသျှမ်းရိုးရာဝတ်စုံ ဝတ်ရမယ်ပေါ့လေ တောင်းရမ်းတဲ့အချိန်မှာလည်း ငှက်ပျော ဘယ်နှစ်ဖီးပါမယ် လက်ဖက်ထုတ်ဆန်တွေ ဘယ်လို ပါမယ် သျှမ်းရိုးရာ ပြသာဒ် တွေလုပ်တာ အားလုံး တစ်သမတ်တည်းလုပ်ရအောင် သတ်မှတ် လိုက်တယ် အသက် ၅ဝ နဲ့ ရဝ ကြားဆိုရင် ၅ ဆောင်လုပ်ရမယ် ရဝ အထက် ၉ဝ တို့ဆိုရင် ရ ဆောင်လုပ်ရမယ်ဒီအပိုင်းလေးတွေ ပေါ့ဗျာမင်္ဂလာဆောင် ဆိုရက်လည်း တချို့က ငှက်ပျောယူတယ် တချို့က မှုန့်ကျွတ် ယူတယ် အဲလိုမဖြစ်ရအောင်လို့ပါ

မေး - ဗမာစာနဲ့စကားက ရုံးသုံးဘာသာအဖြစ် သတ်မှတ်ထားတော့ တိုင်းရင်းသားစာပေတွေက အသုံးမဝင်ဘူး
ဖြစ်နေတယ်ဗျ အဲတော့ သျှမ်းဘာသာစကား စာပေ ယဉ်ကျေးမှု ရဲ့ အလားအလာတွေရော ဘယ်လိုမြင်မိလဲဗျ

ဖြေ - ကျနှော်ငယ်ငယ်တုန်းက ဆိုရင် ကျောင်းထဲမှာ ဒုတိယအတန်းအထိကို သျှမ်းစာသင်ခဲ့ရတယ် အခု ကျနှော်တို့ ကလေးတွေကျတော့ ကျောင်းမှာမသင်ရတော့ဘူး ကျနှော့်ဆန္ဒပေါ့လေ ဖြစ်ချင်တာကတော့ ကျောင်းမှာသင်ရင် တော့ အခုလို မပင်ပန်းရတော့ဘူး ပေါ့ဗျာ နှစ်တိုင်းနှစ်တိုင်း ရပ်ကွက်တွေဆင်းပြီးတော့ အ သုံးလုံး သင်တန်းဆင်းပေးနေရတာ ကျောင်းမှာသင်ရရင်တော့ အဆင်အပြေဆုံးပေါ့ဗျာ အဲဒါတော့ ကျနှော့်ရဲ့ ဆန္ဒပါ မူဆယ်တခွင် ရွေလီတခွင်ပေါ့လေ ထုံးမောဝ် ပေါ့နော်အသက်ကြီးတွေလည်း အခုထိ ဗမာစကားမတတ်သေးတာ လည်း ရှိတယ် ဒီဘက်အပိုင်းတော့ စိုးရိမ်စရာမရှိသေးဘူးဗျ ကာလ အပိုင်းအခြား တစ်ခုအထိတော့ မစိုးရိမ်ရ သေးဘူးပေါ့


မေး - ကချင်ပြည်နယ်နဲ့ အခြားနေရာတွေမှာရှိတဲ့ သျှမ်းလူမျိုးတွေဟာ တဖြည်းဖြည်းနဲ့တိမ်ကောပျောက်ကွယ်
လာတာတွေ့ရတော့ သျှမ်းစာပေနဲ့ယဉ်ကျေးမှုအဖွဲ့အနေနဲ့ တခြားဒေသတွေမှာရော လုပ်ဆောင်ပေးဖို့ အနေ
အထားရှိပါ သလားခင်ဗျ

ဖြေ - ကျနှော်တို့လည်း လက်လှမ်းမီ သလောက်ပေါ့နော် ခါတိုင်းဆို ဒီမိုးကုတ်ဘက်မှာရော အလယ်ပိုင်းဘက်
မှာရောပေါ့နော် တက္ကသိုလ်များ သျှမ်းစာပေယဉ်ကျေးမှုပေါ့နော သျှမ်း အ သုံးလုံးသင်တန်းတွေ သွားသင်ပေး
တယ်ခင်ဗျ သင်တန်းဆရာတွေလိုတယ်ဆိုရင် နယ်တွေကိုတောင်းရင် ကျနှော်တို့လည်းပေးတယ် အခု ၃ ၊ ၄ နှစ်အပိုင်းတော့ နယ်ဝေးတွေက မပို့ဖြစ်ဘူး ဖြစ်နေတယ် ဟိုမှာလည်း အစီအစဉ်က မရှိဘူးဖြစ်နေတယ်လေ

မေး - ထပ်ပြောစရာများရှိသေးလားဗျ

ကျနှော်တို့က နိုင်ငံရေးလည်းမလုပ်တတ်ဘူး ကျွမ်းလည်းမကျွမ်းကျင်ဘူး သျှမ်းစာပေနဲ့ ယဉ်ကျေးမှု အတွက်ပဲ ဇောက်ချ ဆောင်ရွက်မယ် ကိုယ်မကျွမ်းကျင်တဲ့အပိုင်းကိုတော့ မလုပ်တော့ဘူးဗျ ဒီမှာကတော့ ပလောင် ကချင်သျှမ်း ရှိမှာပေါ့ တိုင်းရင်းသားအချင်းချင်းတော့ သဟဇာတဖြစ်ပါတယ် မူဆယ်က စီးပွားရေးဘက်ပဲ လုံးပန်း ကြတော့လေ ဒီအပိုင်းမှာ ပဋိပက္ခ မရှိကြဘူးဗျ ၂ဝ၁ဝ ဟိုဘက်ပိုင်း နိုင်ငံရေးအပြောင်းအလဲ ရှိရင်တော့ ဘယ်လိုလာမလဲဆိုတာ အပြောင်းအလဲ ကိုပဲစောင့်နေတာပေါ့ဗျာ ရင်တော့လေးမိတာပေါ့ဗျာ ပြည်သူတစ်ယောက်အ နေနဲ့ ကံကိုပဲ ကိုယ့်ဘက်ကို မြှားဦးလှည့်ပါစေ လို့ပဲ ဆုတောင်းနေရတာပေါ့
Last Updated ( ဗုဒ္ဓဟူးနေ့၊ 27 ဇန်န၀ါရီ 2010 )

ဥာဏ်အမျိုးမျိုးအဖုံဖုံ

Written by နှင်းဆီ
Thursday, 30 July 2009 10:55
ဖူးငုံ ဆယ်ကျော်သက်မဂ္ဂဇင်း သြဂုတ်လ ၂၀၀၉

ကျွန်မ မနှစ်က မြန်မာပြည်ကို ပထမဦးဆုံး ရောက်ခဲ့တုန်းက ရန်ကုန်မှာ တစ်လနေရင်း မြန်မာလူမှုရေး အကြောင်း စိတ်ဝင်စားစရာတွေ အစုံ သိခွင့်ရခဲ့ပါတယ်။ ကျွန်မက တက္ကသိုလ်မှာ ပညာရေး ပါရဂူဘွဲ့အတွက် စာတမ်းပြုစုနေတဲ့သူ ဖြစ်တဲ့ အလျောက် မြန်မာပညာရေး စနစ်အကြောင်း အထူးပြု စူးစမ်းရင်း မြန်မာ သူငယ်ချင်းတွေနဲ့ ပညာရေးနဲ့ ဆိုင်တဲ့ ကိစ္စတွေကို ခဏခဏ ဆွေးနွေးမိတတ်ကြပါတယ်။ သူတို့ ပြောတာတွေထဲမှာ တစ်ခုက ကျွန်မအနေနဲ့ သိပ်အံ့သြစရာ မကောင်းဘူးဆိုရင် မမှားပါဘူး။ သူတို့ ပြောတာ က မြန်မာပြည်မှာ တက္ကသိုလ် ၀င်စာမေးပွဲ အောင်စာရင်း အရ အသက်မွေးဝမ်းကျောင်း ၀င်ခွင့် သတ်မှတ်ထားတော့ အမှတ်သိပ်ကောင်းရင် သိပ္ပံကို လေ့လာခွင့်ရပြီး အမှတ်မကောင်းရင် ၀ိဇ္ဇာပညာရပ်ကိုပဲ လေ့လာခွင့်ရတယ်။ အမှတ် အကောင်းဆုံးပဲ ဆိုရင် ဆရာဝန်အဖြစ် ဒါမှမဟုတ် အင်ဂျင်နီယာအဖြစ် အလုပ် လုပ်နိုင်တယ်။

ဒီအချက်တွေက ဘာဖြစ်လို့ ကျွန်မအနေနဲ့ အံ့သြစရာကောင်းသလဲ ဆိုတော့ ဒါတွေက အမေရိကန်ပညာရေး စနစ်နဲ့ မတူပါဘူး။ အမေရိကန်နိုင်ငံမှာ ကတော့ အထက်တန်းကျောင်းပြီးလို့ တက္ကသိုလ်ကိုတက်ချင်ရင် အက်စ်အေတီ (SAT) လို့ခေါ်တဲ့ စာမေးပွဲတစ်ခုကို ဖြေရပေမယ့် အသက်မွေး ၀မ်းကျောင်း ၀င်ခွင့်က ဒီစာမေးပွဲရဲ့ အမှတ် စာရင်းပေါ်မှာ မတည်ပါဘူး။ အမှတ်ကောင်းရင် ဂုဏ်ရှိတဲ့ တက္ကသိုလ်မှာ ၀င်ခွင့်ရမှာပဲ။ အမှတ် မကောင်းဘူးဆိုရင်တော့ ကောင်းတဲ့ တက္ကသိုလ် မ၀င်နိုင်ဘူးဆိုတာက ဖြစ်နိုင်ပေမယ့် တက္ကသိုလ် ၀င်ခွင့်ဆိုတာ SAT အမှတ်အပြင် အထက်တန်း ကျောင်းမှာရတဲ့ အမှတ်၊ အားကစားနဲ့ တခြား ကျောင်းအပြင် အလုပ်တွေ၊ ဆရာ၊ ဆရာမရဲ့ ထောက်ခံစာတွေ အပေါ် မှာတည်တယ်။ (ဒီ ကျောင်းအပြင် အလုပ်တွေ ဆိုတာ ဂီတ၊ အနုပညာ၊ ခေါင်းဆောင်မှုစတဲ့ အရည်အချင်း တွေကို ဖော်ပြနိုင်တဲ့ ကိစ္စတွေပါပဲ။)

ဥပမာ ကျောင်းသူတစ်ယောက်က SAT မှာ အမှတ် ကောင်းကောင်း ရပေမယ့် အထက်တန်းကျောင်း မှာရတဲ့ အမှတ်က မကောင်းရင် ဒါမှမဟုတ် ကျောင်းအပြင် ကိစ္စ သိပ်မပါဝင်ဖူးဘူး ဆိုရင် အကောင်းဆုံး တက္ကသိုလ်တွေကို ၀င်ခွင့်ရချင်မှရ မယ်။ ဒါပေမယ့် တက္ကသိုလ် ၀င်ခွင့်ရပြီးရင်တော့ ကြိုက်တဲ့ ဘာသာရပ်ကို လေ့လာလို့ရတယ်။

ဒီ အမေရိကန်စနစ်မှာ တက္ကသိုလ် ရောက်ရင် ဘယ်ဘာသာရပ် လေ့လာမယ်ဆိုတဲ့ ဆုံးဖြတ် ချက်ကို အထက်တန်း ကျောင်းပြီးတာနဲ့တန်း ဆုံးဖြတ်ရတာ မဟုတ်ဘူး။ များသောအားဖြင့် ကျောင်းသူ၊ ကျောင်းသားတွေက တက္ကသိုလ် ရောက်ပြီး တစ်နှစ်၊ နှစ်နှစ်ကြာပြီးမှ အဓိကအ ထူးပြု ဘာသာရပ်ကို ရွေးကြရတယ်။ နောက်ပြီး ဘီအေ(B.A)၊ ဘီအက်စ်စီ (B.Sc) ဘွဲ့ရပြီးမှ ဆရာဝန်၊ ရှေ့နေ၊ ဆရာမဖြစ်ချင်ရင် အထူး စာမေးပွဲ နောက်တစ်ခု ထပ်ဖြေရတယ်။ ဒီ အထူး စာမေးပွဲဆိုတာ (၀ိဇ္ဇာနဲ့ သိပ္ပံပညာရပ်တွေ အတွက်) ဂျီအာရ်အီး GRE, (ဥပဒေအတွက်) အယ်လ်ဆတ် LSAT, (ဆေးတက္ကသိုလ်အတွက်) အမ်ခတ် MCAT ဖြစ်ပြီး အမှတ်အရ ဘွဲ့လွန် သင်တန်း ၀င်ခွင့် ရ၊ မရ ဆုံးဖြတ်ကြတယ်။ GREက အပိုင်း ၃ ပိုင်းခွဲထားပြီး တစ်ပိုင်းက သင်္ချာနဲ့ ပတ်သက်တဲ့ မေးခွန်းတွေကိုဖြေရတယ်။ နောက်တစ်ပိုင်းက ဘာသာစကားနဲ့ ပတ်သက်တဲ့ မေးခွန်းတွေကို ဖြေရတယ်။ နောက်တစ်ပိုင်းမှာ ကျတော့ စာစီစာကုံး ရေးရတာပါ။ ၀ိဇ္ဇာပညာ ရပ်ကိုလေ့လာချင်တဲ့ သူတွေအတွက် သင်္ချာနဲ့ ပတ်သက်တဲ့ အပိုင်းမှာရတဲ့ အမှတ်က အရေးမကြီးပါဘူး။ ဥပမာ ကျွန်မ ပညာရေး ပါရဂူ သင်တန်းကို ၀င်ခွင့်ရဖို့ လျှောက်တုန်းက ကျွန်မက သင်္ချာကို သိပ်မကျွမ်းကျင်ပေမယ့် ပါရဂူ သင်တန်းကို ၀င်ခွင့်ရခဲ့ပါတယ်။

အမေရိကန် စနစ်နဲ့ မြန်မာစနစ်ကို နှိုင်းယှဉ် ကြည့်ရင်ဥာဏ်အကြောင်းနဲ့ ပတ်သက်ပြီး ခြားနားတဲ့ ယူဆချက်တွေ အမျိုးမျိုးရှိတယ် ဆိုတာကို မြင်နိုင်တယ်။ မြန်မာစနစ်အရ ဥာဏ်ကို ဘယ်လို မြင်သလဲ ဆိုတာ စဉ်းစားစရာ ကောင်းပါတယ်။ ကျွန်မ မြန်မာနိုင်ငံမှာ ရှိတုန်းက ပညာမှာ အသိ ပညာ၊ အတတ်ပညာ ဆိုပြီး ပညာနှစ်မျိုးရှိတယ် လို့ သိရတယ်။ အတတ်ပညာက အမျိုးမျိုး ရှိပုံ ရပေမယ့် မြန်မာ စာမေးပွဲစနစ် အရဆိုရင် အသိ ပညာကတော့ တစ်မျိုးပဲ ရှိတယ်လို့ ယူဆပါ တယ်။ ဒီစနစ်အရ သိပ္ပံကို နားလည်နိုင်တဲ့ လူတွေ က စာပေ၊ သမိုင်း၊ အနုပညာကို နားလည်နိုင်တဲ့ လူထက် ပိုဥာဏ်စွမ်းကြတယ်လို့ ဆိုလိုချင်ပုံပါပဲ။

မြန်မာစနစ်မှာ ကောင်းတာက အရေးကြီးတဲ့ အလုပ် အတွက် အကောင်းဆုံး ကျောင်းသူ၊ ကျောင်းသားတွေပဲ လုပ်လို့ လူမှုရေး အတွက် ကောင်းတဲ့အပြင် ဒီအရေးကြီးတဲ့ အလုပ်အတွက် ၀န်ထမ်း အလုံအလောက်ရှိမယ်။ တော်တဲ့ အင်ဂျင် နီယာရှိရင် ခိုင်တဲ့ တံတားရမှာပဲ။ အခု အမေရိ ကန်နိုင်ငံမှာ ပြဿနာတစ်ခုက ကျောင်းဆရာ၊ ဆရာမ အလုံအလောက် မရှိဘူး။ အလုပ်ဝင်ခွင့်ကို စာမေးပွဲ အမှတ်အရ သတ်မှတ် ဆုံးဖြတ်ရင် ဒီပြဿနာ ရှိမှာမဟုတ်ဘူးလို့ ကျွန်မ ထင်မိတယ်။

အမေရိကန် စနစ်ကတော့ ဥာဏ်ဆိုတာ အမျိုးမျိုးရှိတယ်လို့ ယူဆတော့ အဲဒီ ဥာဏ်အမျိုး မျိုးကို စစ်ချင်ရင် စစ်တမ်းထုတ်နည်း အမျိုးမျိုး သုံးရတယ်။ ဒါ့အပြင် ဒီယူဆချက် အရ သိပ္ပံနဲ့ ပတ်သက်တဲ့ ဥာဏ်က အရေးကြီးဆုံးပဲ ဆိုတာ မဟုတ်ဘူး။ ပြီးခဲ့တဲ့နှစ် ၁၀၊ ၂၀ အတွင်းမှာ အမေရိကန် နိုင်ငံမှာ ဥာဏ် အကြောင်းယူဆချက်တွေ အများ ကြီး ပြောင်းလဲလာခဲ့တယ်။ ၁၉၈၃ မှာ ဟောင်း ၀ဒ်ဂါရ်ဒနာ(Howard Gardner)ဆိုတဲ့ ပညာရေး ပါမောက္ခ တစ်ယောက်က ဥာဏ်အမျိုးမျိုး အကြောင်း စာအုပ် တစ်အုပ် ရေးခဲ့တယ်။ ဒီစာအုပ် မှာ သူ့ရဲ့ ဥာဏ်မျိုးစုံ သီအိုရီ(Theory of Multiple Intelligences) ဆိုတာကို ရှင်းပြတယ်။

သူ့သီအိုရီ အရ ဘာသာစကားနဲ့ ပတ်သက်တဲ့ဥာဏ် (Linguistic Intelligence)၊ ယုတ္တိနဲ့ သင်္ချာနဲ့ ပတ်သက်တဲ့ ဥာဏ် (Logical-Mathematical Intelligence)၊ ဂီတနဲ့ပတ်သက်တဲ့ဥာဏ် (Musical Intelligence)၊ ကိုယ်နဲ့ပတ်သက်တဲ့ ဥာဏ် (Bodily-Kinesthetic Intelligence))၊ နေရာနဲ့ပတ်သက်တဲ့ဥာဏ်(Spatial Intelligence)၊ ဆက်ဆံရေးနဲ့ပတ်သက်တဲ့ဥာဏ် (Interpersonal Intelligence)၊ မိမိကို နားလည်မှုနဲ့ ပတ်သက်တဲ့ ဥာဏ် (Intrapersonal Intelligence) ဆိုတဲ့ ဥာဏ် ၇ မျိုးရှိတယ်လို့ ဆိုပါတယ်။

အဲဒီဥာဏ်တွေကို ပိုနားလည်အောင် ကျွန်မ အမြင်ကို နည်းနည်း ရှင်းပြချင်ပါတယ်။ ဥပမာ လူတစ်ယောက်က ဘာသာစကားနဲ့ ပတ်သက်တဲ့ ဥာဏ်စွမ်းရင် ဘာသာစကားတွေကို လွယ်လွယ် သင်နိုင်ပြီး စကားအဓိပ္ပာယ်ကို ကောင်းကောင်း ပြောပြနိုင်တယ်ဆို တော့ စာရေးဆရာ/ဆရာမ၊ ကဗျာဆရာ/ဆရာမ၊ ရှေ့နေအနေနဲ့ အလုပ်လုပ်ရင် အဆင်ပြေမှာပဲ။ ယုတ္တိနဲ့ သင်္ချာနဲ့ ပတ်သက်တဲ့ ဥာဏ်စွမ်းရင် သဘာဝ သိပ္ပံနဲ့ ဆိုင်တဲ့ အလုပ်မှာ ကျွမ်းကျင်မယ်။

ဂီတနဲ့ပတ်သက်တဲ့ ဥာဏ်စွမ်းရင် ဂီတစာဆို၊ ဂီတသမား အနေနဲ့ ပန်းဆွတ်မယ်။ ကိုယ်နဲ့ ပတ်သက်တဲ့ ဥာဏ်မှာ စွမ်းရင်တော့ အားကစား၊ အက ဟန်ကျမယ်။ နေရာနဲ့ ပတ်သက်တဲ့ ဥာဏ်စွမ်းတဲ့ လူကျတော့ ပစ္စည်းတွေကို ဘယ်လို နေရာတကျ ထားသင့် သလဲလို့ စိတ်ကူးနိုင်လို့ ဗိသုကာ၊ အင်ဂျင်နီယာ အနေနဲ့ အလုပ်လုပ်ရင် ကျွမ်းကျင်မယ်။ ဆက်ဆံရေးနဲ့ ပတ်သက်တဲ့ ဥာဏ်စွမ်းသူ ကတော့ လူတွေရဲ့ အမူအရာ၊ စိတ်ခံစားမှုကို ကောင်းကောင်း နားလည် နိုင်လို့ ဈေးရောင်းသူ၊ ခေါင်းဆောင်၊ အကြံပေး စတဲ့အလုပ်တွေမှာ ပေါက်မြောက်မယ်။ မိမိ ကိုယ်ကို နားလည်မှုနဲ့ ပတ်သက်တဲ့ ဥာဏ်စွမ်း ရင်တော့ သူ့ကိုယ်သူ ကောင်းကောင်း နားလည်တဲ့ သူဖြစ်လို့ ဘာအလုပ်မှာဖြစ်ဖြစ် အကျိုးရှိမှာပဲ။ နောက်ပြီး တခြား ဘာဥာဏ်တွေ ရှိပါလိမ့်ဦးမလဲ လို့ တွေးကြည့်ကြပါစို့။

ဥပမာ ကိုယ်ကျင့် တရားနဲ့ပတ်သက်တဲ့ဥာဏ်(Moral Intelligence) စက္ခုနဲ့ပတ်သက်တဲ့ဥာဏ် (Visual Intelligence), အချက်အပြုတ်နဲ့ ပတ်သက်တဲ့ ဥာဏ် (Culinary Intelligence) စတဲ့ဥာဏ်တွေလည်း ရှိမှာပဲ။ ဂါဒနာရဲ့အဆိုအရ ဥာဏ်တွေက ၀ါသနာပဲ ဆိုတဲ့ အယူအဆက သိပ်မမှန်ပါဘူး။ နောက်တစ်ခု က တချို့ လူတွေက ဥာဏ်ရှိပြီး၊ တချို့က ဥာဏ်မရှိဘူး ဆိုတာလည်း မဟုတ်ဘူး။ တကယ်တမ်းတော့ လူတွေက ကိုယ်စီ ကိုယ်ငှ ဥာဏ်တစ်မျိုးစီ ရှိပြီး လူတိုင်းမှာ Unique Combination of Intelligence လို့ခေါ်တဲ့ တစ်မျိုးစီ သူ့နည်း သူ့ဟန်နဲ့ ဥာဏ်တွေ ပေါင်းစုထားတာရှိကြတယ်။

ဥပမာ ကျွန်မက နေရာနဲ့ ပတ်သက်တဲ့ ဥာဏ်နဲ့ ယုတ္တိနဲ့ သင်္ချာနဲ့ ပတ်သက်တဲ့ ဥာဏ်မှာ သိပ်မစွမ်းဘဲ ဘာသာစကားနဲ့ ပတ်သက်တဲ့ ဥာဏ်နဲ့ ဆက်ဆံရေးနဲ့ ပတ်သက်တဲ့ ဥာဏ်မှာ ပိုအားသန်လို့ အင်ဂျင်နီယာ အဖြစ်လုပ်ရင် မပေါက်မြောက် နိုင်ပေမယ့် ကျောင်းဆရာမ အဖြစ်လုပ်ရင် ပိုအဆင်ပြေတယ်။ သို့သော်လည်းပဲ ဇာတိဥာဏ် ရှိပေမယ့် အဲဒီ ဥာဏ်ရင့်သန်ဖို့ အခွင့်မရှိရင်ရော၊ ကိုယ်ပိုင် ကြိုးစားမှု မရှိရင်ရော ဇာတိဥာဏ်ရဲ့ အစွမ်းအစ ပေါ်မထွက်လာနိုင်ဘူး။ ဒီတော့ ကျောင်းမှာ ကလေးတွေက ဥာဏ်မျိုးစုံကို ရင့်သန်ဖို့ အခွင့်ရှိဖို့ အထူးလိုအပ်တယ်လို့ ကျွန်မ မြင်တယ်။ အဲဒီသီအိုရီက အမေရိကန် ပညာရေး စနစ်မှာ တစ်စတစ်စ အရာတွင်လာလို့ တက္ကသိုလ်ဝင်ဖို့ လိုအပ်ချက်တွေကလည်း ပြောင်းလဲလာပြီး ၀င်ခွင့်က စာမေးပွဲ အမှတ်စာရင်းတစ်ခုတည်း အပေါ် မှာတည်တယ်ဆိုတာ မဟုတ်တော့ဘူး။

မြန်မာနိုင်ငံနဲ့ အမေရိကန်နိုင်ငံက ဥာဏ်အကြောင်းနဲ့ ပတ်သက်ပြီး ယူဆချက်တွေ မတူဘူးဆိုတော့ ပညာရေး စနစ်တွေကို နှိုင်းယှဉ်လို့ မလွယ်ပေမယ့် နှစ်နိုင်ငံစလုံးက တစ်မျိုးစီ လူငယ်တွေအတွက် အကျိုးရှိပါတယ်။ နောက်ဆိုရင် ကျွန်မ မြန်မာ ပညာရေးနဲ့ ပတ်သက်တဲ့ယူဆချက်တွေအကြောင်း ပိုလေ့လာ ချင်ပါတယ်။ ဥပမာ မြန်မာပြည်မှာရှိတုန်းက ကာယအင်အားနဲ့ ဥာဏအင်အား အကြောင်း ကြားဖူးပေမယ့် ဒီအင်အားနှစ်ခုက ဘယ်လိုကွာ သလဲဆိုတာ ကျွန်မ စိတ်ဝင်စားတယ်။ ကာယ အင်အားက ကိုယ်နဲ့ပတ်သက် တဲ့ဥာဏ်နဲ့ ဆင်သလားဆိုတာ ကျွန်မ စဉ်းစားနေပါတယ်။ ဘာပဲဖြစ်ဖြစ် ကျွန်မ ဒီအကြောင်း တွေကိုလေ့လာဆွေးနွေးရင် တခြားပညာရေးကို စိတ်ဝင်စားတဲ့ လူတွေက မြန်မာ့ယဉ်ကျေးမှုနဲ့ ပတ်သက်ပြီးတော့လည်း ဗဟုသုတ ရကြမယ်လို့ ယူဆပါတယ်။


နှင်းဆီ


နှင်းဆီဟာ ကော်နဲလ်တက္ကသိုလ်မှာ ပညာရေးဆိုင်ရာ ပါရဂူဘွဲ့ တက်ရောက်နေတဲ့ အမေရိကန်ကျောင်းသူ ဖြစ်ပါတယ်။ အမည်ရင်းက Rose Metro ဖြစ်ပြီး သူဟာ ကော်နဲလ်တက္ကသိုလ်မှာပဲ မြန်မာစာကို သင်ယူခဲ့ပါတယ်။ သူ မြန်မာစာ လေ့လာနေတာ နှစ်ပေါင်းအတော်ကြာနေပြီ ဖြစ်ပါတယ်။ သူ အဓိက စိတ်ဝင်စားတာက ပညာသင်ကြားတဲ့ နည်းလမ်းအသွယ် သွယ်ရဲ့ သမိုင်းကြောင်းပဲ ဖြစ်ပါတယ်။ သူဟာ ကျောင်းတစ်ဖက် တက်သလို အမေရိကမှာရှိတဲ့ အထက်တန်းကျောင်း တစ်ကျောင်းမှာလည်း ဆရာမအဖြစ် အလုပ် လုပ်နေပါတယ်။ အခုဖော်ပြတဲ့ ဆောင်းပါးဟာ သူကိုယ်တိုင် မြန်မာဘာသာနဲ့ ရေးထားတဲ့ ဆောင်းပါးတစ်ပုဒ် ဖြစ်ပါတယ်။ အမေရိကန် ကျောင်းသူ တစ်ယောက်ရဲ့ မြန်မာဘာသာနဲ့ ရေးထားတဲ့ ဆောင်းပါးဖြစ်ပါတယ်။ ဖူးငုံတို့အနေနဲ့ သူ့ဆောင်းပါးနဲ့ပတ်သက်ပြီး ဝေဖန် အကြံပေးလိုတာ ဖြစ်စေ၊ သူ့ကို တစ်ခုခု မေးမြန်းချင်တာဖြစ်စေ ဖူးငုံဆယ်ကျော်သက်မဂ္ဂဇင်း ကို စာရေးသားပေးပို့နိုင်ပါတယ်။ သူ့ကို တိုက်ရိုက် စာရေးဆက်သွယ်ချင်ရင်တော့ rose.metro@gmail.com This e-mail address is being protected from spambots. You need JavaScript enabled to view it သို့ စာရေးသား ဆက်သွယ်နိုင်ကြောင်းပါ။

အယ်ဒီတာ